Baeburania 11:36 - Indagano Inyaaya mu-Chijita

³⁶ Abhandi ꞉bhaakoomooywe na okubhumwa na jijaridi. Abhandi ꞉bhaabhoyerwe na amaseega na okweswa mw‑ibhoyero.

INDAGANO INYA:YA

³⁶ Na bandi nibasakwa nibagombererwa no kubumwa. Rindi nibaboywa nibatu:rwa mwiboero.

Baeburania 11:36 Referans Kwoze

Baeburania 10:34

Mwariga nimufwira echigongo abheejaanyu bhanu ꞉bhaabhoyerwe mu‑mabhoyero. Ka wone omwanya gunu ꞉mwateesibhwe ebhiinu bhyemwe, ꞉mwegumiirisiisye kwa rikonderwa, kwa okubha emwe ꞉mwamenyere ati muri na ebhiinu bhya ekisi muno bhinu bhitariwaa‑wo wuri.

Matayo 23:34

“Ringira, nikwo okukora, enibhatumira abharagi bha Nyamuwanga, abhaanu bhanu abhasombookerwa kisi Ebhikaame Ebhyeru, na abheeyigisya bha ebhiraagiro bhya Nyamuwanga. Nawe abhaanu abharebhe ku‑bheene, muribheeta na okubhabhamba ku‑musarabha. Abhandi muribhabhuma na jijaridi mu‑nju ja ameekofyanyo geemwe, na abhandi muribharuubhirira mu‑bhuri musi na okubhanyaasya.

Obhusweruro 2:10

Musige okuubhaya ebhinyaasyo bhinu bhiribhaaja‑ko. Muringire! Syetaani aribharegeeja kwa okutuura abhandi agati yeemwe mw‑ibhoyero. Emwe murinyaaka siku ekumi. Nawe mubhe abheeyikanyibhwa kw‑anye noorwo okukingira mufwe, anye niribhayaana orutengya rwa obhuwanga bhwa akajaanende koone.

2 Timoteo 2:9

Emisango ejo, nijo ejikora anye eninyaaka na okubhoywa amaseega rwa omukosi wa ebhibhiibhi. Nawe omusango gwa Nyamuwanga gutakutura okuyingwa.

2 Timoteo 1:16

Enisabhwa Raatabhugenyi afwire echigongo abhaanu bha iika wa Onesifooro, kwa okubha kwiya kaafu aariga ˆnaakondisya omwoyo gwani. Ka wone, ꞉ateeswarire okuuja okundora, bhunu naariga nibhoyerwe amaseega.

Baefeso 4:1

Kurwa ejo, anye unu niri mubhoywa inguru ya obhukosi bhwani ku‑Raatabhugenyi, enibheerembeeresya ati, murame ku‑njira inu iiyire obhubhirikisi bhunu Nyamuwanga abhabhirikiriiye.

Ebikorwa 24:27

Jejire jaatura emiguuga ebhiri, omuunu umwi unu aatogwaga Porokiiyo Feesito, ˆneengira ku‑chitebhe cha omusiibha Feeriki. Nawe kwa okubha Feeriki aariga ˆneenda okwikondya ku‑Bhayawudi, ˆnaasiga Pawuro ari mw‑ibhoyero.

Ebikorwa 21:33

Omukuru wa abhasirikare oyo, ˆnaafogera, ˆnaagwata Pawuro, ˆnaaragirira ati abhoywe na amaseega gabhiri. Neeya, ˆnaabhuusya eriikofyanyo rirya ati, “Unu niga? Ka aakora chiinu ki?”

Ebikorwa 8:3

Omwanya ogwo Saawuri ˆnaamba okunyaasya abheekirisya bha Yeesu. Omwene aariga ˆneengira mu‑nju jeebhwe, ˆnaagwataga abharume na abhagasi kwa amanaga, ˆnaabhasira mw‑ibhoyero.

Ebikorwa 5:40

Kurwa ejo, ritongera rya Gamaryeri eryo, niriikirisibhwa na abheejaabho abho. Bhejire bhaamara, nibhabhirikira jitumwa mw‑ibharaja eryo, nibhabhabhuma simbo nyafu. Nibheeya nibhabhagaanya ati, bhasige okubhwira abhaanu kw‑isiina rya Yeesu, nibhabhataatira, nibhagenda.

Ebikorwa 5:18

Kurwa ejo, nibhagwata jitumwa ejo, nibhabhatuura mw‑ibhoyero.

Ebikorwa 4:3

Kurwa ejo, nibhagwata Peetero na Yowana, nibhabhatuura mw‑ibhoyero, okukingira mwejo yende‑ko, kwa okubha yaariga iri keegoro.

Ruuka 23:36

Abhasirikare bharya wone nibhamusiijaaka, nibhamufogera‑ko, korereki bhamuyaane isese inu yaariga itari nduru.

Ruuka 23:11

Yeroode na abhasirikare bhaaye, nibhaamba okusiijaaka Yeesu, nibhamuseka, nibhamufwafya omwingiro gwa echikama. Neeya, Yeroode ˆnaasubhya Yeesu ku‑Piraato.

Ruuka 18:32

Nirituurwa mu‑mabhoko ga abhaanu bhanu bhatari Bhayawudi. Abho, bharingaya, bharinfuma, bharinfubhurira amachwata.

Mariko 10:34

Abhaanu abho bharinsiijaaka na okunfubhurira amachwata. Bharimbuma na jijaridi na okunyita. Nawe ku‑rusuku rwa kasatu, nirisuuruka.”

Matayo 27:26

Niwo Piraato ˆnaabheegurira Bharaabha ku‑songa yeebhwe na okuragirira abhasirikare ati, bhabhume Yeesu na jijaridi, bhagende okumubhumiirira ku‑musarabha.

Matayo 21:35

Nawe omwanya gunu abhakosi bhaaye ꞉bhaakingire, abharimi abho nibhabhagwata, umwi nibhamubhuma, owundi nibhamwita na owundi nibhamubhuma na amabhuyi.

Matayo 20:19

Ku‑bhuteero, bharintuura mu‑mabhoko ga abhaanu bhanu bhatari Bhayawudi, korereki bhansiijaake, bhambume na jijaridi, na okumbumiirira ku‑musarabha. Nawe ku‑rusuku rwa kasatu, Nyamuwanga arinsuurura.”

Baefeso 3:1

Kurwa ejo, anye Pawuro enibhasabhirwa. Anye niri omubhoywa wa Kirisito Yeesu inguru ya obhukosi bhwani kw‑imwe, emwe bhanu mutari Bhayawudi.