Baeburania 11:32 - Indagano Inyaaya mu-Chijita

³² Mbe, woori naayike ki okukira ejo? Nitari na omwanya gwa okutonda inguru ya eriikirisya rya Gidiyooni, Bharaaki, Saamusooni, Jeefuta, Dawudi, Samweri na abharagi.

INDAGANO INYA:YA

³² ?Nongesye kwaika ki? Okuba omwanya ogureba nika:ika ebya Gidioni na Baraki, na Samusoni na Yefuta, ne bya Daudi na Samweli ne bya Baragi.

Baeburania 11:32 Referans Kwoze

Yowana 21:25

Ka wone jiri‑wo emisango ejindi myafu jinu Yeesu ꞉aakorere. Araabha ejo joone jikakaamirwe, eniiganirisya ati echaaro choone chitaakeeyire ku‑bhitabho bhinu bhyakakaamirwe.

2 Petero 1:21

Okubha gutari‑wo wuri omusango gwa obhuragi gunu gusookeene na okwenda kwa omuunu. Tari abhaanu ꞉bhaasoosiisye obhuragi okusooka ku‑Nyamuwanga nibhatangasibhwaga na Mwoyo Mweru.

Barumi 7:7

Woori chaayike ki? Chaayike ati, ebhiraagiro ni bhibhiibhi? Wuri, noorwo na akatyari! Nawe araabha ebhiraagiro bhitaakabheeye‑wo, nitaakamenyere ati ebhibhiibhi ni bhiinu ki. Araabha chitaakabheeye‑wo echiraagiro chinu echaayika ati, “Waasiga okurigira echiinu cha oweejaanyu,” nitaakamenyere ati okurigira echiinu cha omuunu owundi, ni kukora echibhiibhi.

Barumi 4:1

Mbe, chaayike ki woori inguru ya saaja weeswe Bhurayimu? Nyamuwanga ꞉aamubharire kutiki okubha omuunu omurengeresi imbere yaaye?

Barumi 3:5

Nawe, abhaanu abhandi abhatura okwayika ati, “Ebhibhiibhi bhyeswe, eswe Abhayawudi, nibhyo ebhyeresya ati Nyamuwanga ni murengeresi ku‑ndamu yaaye. Kurwa ejo, araabha kaachiyaana ebhitiibha, chaayike ati atari murengeresi chimwi?”

Ebikorwa 13:20

Ejo joone ꞉jaakorekeene ku‑mwanya gwa emiguuga magana gana na makumi gataanu (450). “Ejo okuwa, Nyamuwanga ˆnaayaana bhasaaja weeswe abharamusi okubhatangasya, okukingira omwanya gwa omuragi Samweri.

Ebikorwa 10:43

Yeesu oyo, abharagi bhoone ꞉bhaayikire inguru yaaye ati, omuunu woonewoone unu arimwikirisya arifwirwa echigongo ebhibhiibhi bhyaye ku‑njira ya risiina ryaye.”

Ebikorwa 3:24

Abharagi bhoone, okwambira ku‑Samweri na abharagi bhanu ꞉bhaaruubhire, ꞉bhaaraasiisye emisango jinu ejikorekana siku jinu.

2 Petero 3:2

Eneenda mwichuke emisango jinu ꞉bhaayikire kara abharagi abheeru na wone jinu ꞉aaragiriiye Raatabhugenyi na Omuchungusi okutura ku‑tumwa jaaye.

Yakobo 5:10

Abhayiri bhaani mu‑riikirisya, mwichuke abharagi bhanu bhaayikaga kw‑isiina rya Raatabhugenyi, bhabhe echijekekanyo cha obhwigumiirisya bhwemwe mu‑nyaako.

Barumi 6:1

Woori chaayike ki? Angu, chigenderere okukora ebhibhiibhi, korereki Nyamuwanga agenderere okuchiyaana obhwitiriranya bhwaye bhwafu muno?

Ruuka 16:31

Bhurayimu ˆnaamusubhya ati, ‘Araabha abhamura bhaanyu abho, bhaakarema okuungwa emisango jinu jikaamirwe na Muusa na abharagi abhandi, bhatakuja okuungwa omuunu noorwo akasuuruka okusooka mu‑bhafuuwe.’”

Ruuka 13:28

“Niwo muririraga na okuguguna ameeno, kwa okubha murirora Bhurayimu, Isaaka, na Yakobho, na abharagi bhoone bhari mu‑bhukama bhwa Nyamuwanga, nawe emwe abheene muribhaga mujugunirwe anja!

Matayo 5:12

Mwichuke ati, nikwo kutyo abhaanu bhaanyaasyaga wone abharagi bhanu bhaariga bhari‑wo kara. Mukondererwega na okusandabha muno, kwa okubha Nyamuwanga abhabhiikiiye echiyaanwa echinene mu‑rwire.”