Baeburania 11:16 - Indagano Inyaaya mu-Chijita

¹⁶ Nawe abhaanu abho bhaariga nibheesigomba echaaro cha ekisi muno, nikwo okwayika ati echaaro cha mu‑rwire. Niyo isonga Nyamuwanga atakurora jiswaro okubhirikirwa ati Nyamuwanga weebhwe, okubha abheeraabhiiye omusi.

INDAGANO INYA:YA

¹⁶ Nawe woryanu abaranga eca:ro co bwana kukira eco, nico cinu ciri mu rwire. Nyamuanga nikwo kakora narema okwiswara okutogwa Nyamuanga webwe, okuba abe:ra:biye omusi.

Baeburania 11:16 Referans Kwoze

Baeburania 13:14

Chikore kutyo okubha ku‑chaaro kunu chitari na omusi gunu gurirama akajaanende koone, tari echirindirira okwingira mu‑musi gwa mu‑rwire gunu oguuja.

Baeburania 11:10

Bhurayimu ꞉aakorere kutyo, kwa okubha aariga ˆneeyikanya okwikara mu‑musi gwa ekisi gwa akajaanende koone, omusi gunu Nyamuwanga omwene ꞉aagwiraabhire na okuguumbaka.

Bafilipi 3:20

Nawe, eswe obhwikaro bhweswe ni mu‑rwire na echitegerera kwa obhwira obhunene Omuchungusi na Raatabhugenyi weeswe Yeesu Kirisito, aaje okusooka eyo.

Yowana 14:2

Mu‑nju ya Raata waani bhuri‑mo obhwikaro bhwafu. Araabha jitaakabheeye kutyo, naakabhabhwiriiye. Woori enigenda eyo okubheerabhira obhwikaro.

Baeburania 2:11

Yeesu aamwi na abhaanu bhanu keesya ebhibhiibhi bhyebhwe, Esemwene ni umwi. Nikwo okukora Yeesu atakwiswara okubhabhirikira ati abhayiri bhaaye.

Matayo 25:34

“Niwo anye Omukama, niribhwira abhaanu bhanu bhari orubhaara rwani rwa ebhuryo ati, ‘Muuje, emwe bhanu Raata waani ayaaye amabhando. Mwingire mu‑bhukama bhunu Nyamuwanga abheeraabhiiye okusookerera bhunu ꞉aabhumbire echaaro.

Baeburania 12:22

Nawe emwe mwakingire ku‑chiima echindi, echiima cha Sayuuni, nigwo omusi gwa Yerusareemu irya ya mu‑rwire. Omusi ogwo, ni musi gwa Nyamuwanga omuwanga. Mu‑musi ogwo nimwo ꞉bheekumanyiisye kwa rikonderwa bhamaraayika ebhiwumbi na ebhiwumbi.

Baeburania 11:14

Abhaanu bhanu abhaayika emisango rwa ejo, abheeresya abhwerubhweru ati abhayenja echaaro chinu bharibha abheenengo omwo.

2 Timoteo 4:18

Enimenya ati arigenderera okumonʼya okusooka mu‑bhibhiibhi bhyone na okunyangarira, okukingira aankingye mu‑bhukama bhwaye mu‑rwire. Raatabhugenyi Yeesu akusibhwe akajaanende koone. Jibhe kutyo.

Mariko 8:38

Okubha omuunu woonewoone unu arindorera jiswaro anye, na emisango jaani, kw‑iyimbo rinu ribhiibhi, rinu abhaanu bhatari bheeyikanyibhwa imbere ya Nyamuwanga, anye Omwana wa Omuunu wone nirirorera omuunu oyo jiswaro, omwanya gunu niriija na bhamaraayika abheeru mw‑ikusyo rya Raata.”

Ebikorwa 7:32

‘Anye naanye Nyamuwanga wa bhasaaja waanyu, Nyamuwanga wa Bhurayimu, Isaaka na Yakobho!’ Muusa ejire oongwa ejo, ˆnaamba okuyarara kwa obhuubha, ˆnoobhaya okuringira echisaka echo.

Ruuka 12:32

“Emwe echise echitooto, mwasiga okuubhaya, kwa okubha Esomwana keenda okubhayaana obhukama bhwaye.

Mariko 12:26

Nawe ni chimari ati, abhafuuwe bharisuuruka. Angu, muchaariga okusoma mu‑chitabho cha Muusa, kutyo Nyamuwanga ꞉aayikire mu‑chisaka chinu chaariga nichaaka omuriro? Mu‑chisaka arya, Nyamuwanga ꞉aabhwiriiye Muusa ati, ‘Anye niri Nyamuwanga wa Bhurayimu, Isaaka na Yakobho.’

Ruuka 20:37

“Noorwo Muusa ꞉eeresiisye abhaanu abhwerubhweru ati, abhafuuwe abhasuuruka. ꞉Aayikire kutyo mu‑Bhikaame Ebhyeru omwanya gunu ꞉aakaamire inguru ya echisaka chinu chaariga nichaaka omuriro nawe chitarungura wuri. ꞉Aayikire ati, Raatabhugenyi niwe ‘Nyamuwanga wa Bhurayimu, Isaaka na Yakobho.’

Baeburania 10:34

Mwariga nimufwira echigongo abheejaanyu bhanu ꞉bhaabhoyerwe mu‑mabhoyero. Ka wone omwanya gunu ꞉mwateesibhwe ebhiinu bhyemwe, ꞉mwegumiirisiisye kwa rikonderwa, kwa okubha emwe ꞉mwamenyere ati muri na ebhiinu bhya ekisi muno bhinu bhitariwaa‑wo wuri.

Baeburania 11:40

Nyamuwanga ꞉aakorere kutyo, kwa okubha aariga achiiraabhiiye emisango ja ekisi muno, korereki chiramire jinu ꞉aachiragire eswe aamwi na abheene.

Obhusweruro 21:2

Mbe, nindora omusi omweru, nigwo Yerusareemu inyaaya, nigwika okusooka mu‑rwire ku‑Nyamuwanga. Omusi ogwo gwariga gunojooribhwe rwa kutyo omwenga kaanojooribhwa inguru ya omurume waaye.