Baeburania 10:5 - Indagano Inyaaya mu-Chijita

⁵ Kurwa ejo omwanya gunu Kirisito ꞉eejire ku‑chaaro chinu, ꞉aabhwiriiye Nyamuwanga ati, “Awe ꞉uteendere echiyaanwa noorwo echoogo, tari wiiraabhire omubhiri gwani okubha echoogo.

INDAGANO INYA:YA

⁵ Wejire aja mu ca:ro, kwakorere na:ika ati, Ebyogo ne byo kuso:sya utabyendere, Nawe wancumacumiye omubiri.

Baeburania 10:5 Referans Kwoze

1 Petero 2:24

Yeesu omwene ꞉aagegere ebhibhiibhi bhyeswe ku‑mubhiri gwaye, ˆnaabhambwa ku‑musarabha. ꞉Aakorere kutyo, korereki chisige okutungwa rindi na ebhibhiibhi, tari chiikare nichikondisya Nyamuwanga. Mu‑kuwutaasibhwa kwa Yeesu, emwe ꞉mwawosiibhwe.

Baeburania 1:6

Ka wone, omwanya gunu Nyamuwanga ꞉aatumire Omwana waaye wenyere ku‑chaaro anu, ꞉aayikire ati, “Bhamaraayika bhoone bha Nyamuwanga bharamye Omwana oyo.”

Baeburania 10:7

Niwo ninaayika ati, ‘Awe Nyamuwanga waani! Anye niri anu, korereki nikorega okwenda kwawo, rwa kutyo jikaamirwe mu‑Bhikaame Ebhyeru inguru yaani.’”

Baeburania 2:14

Mbe, kwa okubha abhaana bhari na emibhiri na isagama, Yeesu wone ꞉eejire ari na omubhiri na isagama rwa abheene. ꞉Aakorere kutyo, korereki ku‑njira ya orufu rwaye, ayige amanaga ga Syetaani, unu ari na obhuturo bhwa orufu.

Baeburania 10:10

Woori, kwa okubha Yeesu aariga ˆnaakora okwenda kwa Nyamuwanga, Nyamuwanga kaacheesya ebhibhiibhi bhyeswe ku‑njira ya Yeesu Kirisito okwisoosya rumwi okubha echoogo.

Bagalatia 4:4

Nawe jisiku jinu jaariga jiteeywe‑wo jejire jaakuumira, Nyamuwanga ˆnaatuma Omwana waaye ku‑chaaro chinu. Omwana waaye oyo, ꞉eebhuuywe na omugasi rwa eswe, ˆnaatungwa na ebhiraagiro bhya Muusa.

2 Yoana 1:7

Mbe, enaayika kutyo, kwa okubha abhabheeyi bhaafu bheebhukire ku‑chaaro kunu. Abhaayika ati Yeesu Kirisito ꞉eejire atari na omubhiri rwa gwa omuunu. Omuunu woonewoone unu kaayika kutyo ni omubheeyi, ka wone niwe omusoko wa Kirisito.

Baeburania 8:3

Bhuri mugabhisi omukuru kaakorwa okubha omugabhisi korereki asoosisye Nyamuwanga echiyaanwa na echoogo. Nyabhuriko Omugabhisi Omukuru weeswe oyo, eenderwe wone abhe na echiinu cha okusoosisya Nyamuwanga.

1 Timoteo 3:16

Echimari chinu Nyamuwanga asweruuye ni cha okuruguusya na nicho chinu, Kirisito ꞉eesweruuye mu‑mubhiri, ˆnaayikwa na Mwoyo Mweru ati ni murengeresi, ˆnaabhonekana ku‑bhamaraayika, ˆnaaraasibhwa mu‑maanga goone, ˆneekirisibhwa na abhaanu bha mu‑chaaro, ˆnaagegwa okuja inguru mw‑ikusyo.

Yowana 1:14

Mbe, Musango oyo ˆnaabha omuunu, ˆneekara agati yeeswe. Eswe bhoone nichirora rikusyo ryaye, rikusyo rya Omwana eenyere wa Raata Nyamuwanga, eejuuywe obhwitiriranya bhwafu na echimari choone.

Ruuka 1:35

Maraayika oyo ˆnaamusubhya ati, “Mwoyo Mweru arikwikira na obhuturo bhwa unu ari Inguru ya Bhyone bhurikwijira inguru yaawo rwa rirengesi. Kurwa ejo, omwana unu uriibhura, aribha musorwa. Aribha ˆnaabhirikirwa ati, ni Mwana wa Nyamuwanga.

Matayo 11:3

“Angu, naawe unu kaaja, tere chirindirire owundi?”

Ruuka 7:19

Yowana wone ˆnaabhirikira abheeyigisibhwa bhaaye bhabhiri ˆnaabhatuma bhagende okubhuusya Raatabhugenyi Yeesu ati, “Chimenyere ati, Kirisito kaja okuuja. Angu, naawe, tere chirindirire owundi?”

Baeburania 5:7

Omwanya gunu Yeesu aariga ari ku‑chaaro anu, ꞉aasabhirwe na okwirembeeresya muno Nyamuwanga, ka wone ꞉aamuuwe obhuraka ˆnaarira amasiga mogomogo ku‑Nyamuwanga unu ari na obhuturo bhwa okumuchungura okusooka mu‑rufu. Inguru ya okwikeeya kwaye, Nyamuwanga ˆnaamuungwa.

Baeburania 10:8

Nyabharinyabhari Kirisito ꞉aayikire ati, “Awe ꞉uteendere ebhiyaanwa, ebhyogo, ebhyogo bhya okwochiibhwa na okurungusibhwa na ebhyogo inguru ya ebhibhiibhi, ka wone ꞉utaabhikondereeywe.” ꞉Aayikire ejo noorwo kutyo ebhyogo ebhyo bhyone bhyariga nibhisoosibhwa okuruubhana na ebhiraagiro bhya Muusa.