Baeburania 10:35 - Indagano Inyaaya mu-Chijita

³⁵ Kurwa ejo, mugenderere okubha na ribhaasi eryo, kwa okubha ku‑njira eyo muriramira echiyaanwa echinene muno okusooka ku‑Nyamuwanga.

INDAGANO INYA:YA

³⁵ Mbe mutesaga bubasi bwemwe, bunu obure:ta omuye:ro mwafu.

Baeburania 10:35 Referans Kwoze

1 Bakorinto 15:58

Kutyo, abhayiri bhaani abheendwa mu‑riikirisya, murumatane mu‑riikirisya eryo, okufwa omwoyo wuri. Mugenderere okukora emirimu ja Raatabhugenyi nimukomeeraga bhuri rusuku, kwa okubha mumenyere ati emirimu jinu omukora inguru ya Raatabhugenyi, jitari ja okufwirwa‑mo wuri.

Baeburania 3:6

Nawe Kirisito ni mwiyikanyibhwa rwa Omwana unu keemereegururu abhaanu bha mu‑nju ya Nyamuwanga. Abhaanu abho niiswe araabha chikagenderera okukingira ku‑bhuteero chiri na ribhaasi na okwikuuyisya jinu echiiyikanya.

Ruuka 14:14

Niwo uriyaanwa amabhando, kwa okubha abheene abho bhatari na echiinu cha okukuriya. Kurwa ejo, Nyamuwanga arikuriya omwanya gunu arisuurura abharengeresi.”

Baeburania 11:26

꞉Aarorere ati okufumwa inguru ya Kirisito ni bhuniibhi bhwafu muno okukira okubhona obhuniibhi bhwone bhwa ku‑chaaro cha Miisiri. ꞉Aarorere kutyo kwa okubha aariga ˆneeyikanya echiyaanwa chinu Nyamuwanga arimuyaana omwanya gunu oguuja.

Matayo 5:12

Mwichuke ati, nikwo kutyo abhaanu bhaanyaasyaga wone abharagi bhanu bhaariga bhari‑wo kara. Mukondererwega na okusandabha muno, kwa okubha Nyamuwanga abhabhiikiiye echiyaanwa echinene mu‑rwire.”

Baeburania 4:14

Mbe, chiri na Omugabhisi Omukuru unu ꞉aagendere na okwingira mu‑rwire, niwe Yeesu Omwana wa Nyamuwanga. Ku‑songa eyo, chigwatirire jinu echiikirisya.

Baeburania 3:14

Okubha chiri na obhumwi na Kirisito araabha chikagenderera okwiyikanya Nyamuwanga okukingira ku‑bhuteero, rwa kutyo chamwiyikanyaga ku‑bhwambiro.

Matayo 10:32

“Omuunu woonewoone unu kaanyikirisya imbere ya abhaanu, anye wone nirimwikirisya imbere ya Raata waani unu ari mu‑rwire.

Matayo 10:42

Omuunu woonewoone unu kaayaana owumwi wa abheeyigisibhwa bhanu omutawo gwa amanji amanyiriiye ga okunywa, isonga iri ati, ni mwiyigisibhwa waani, ni chimari enibhabhwira ati, Nyamuwanga atarisiga okuyaana omuunu oyo, echiyaanwa chaaye.”

Baeburania 2:2

Chimenyere ati ebhiraagiro bhya Nyamuwanga bhinu bhasaaja weeswe ꞉bhaaramiiye okutura ku‑bhamaraayika bhyariga bhiri na obhuturo. Nikwo okukora, abhaanu bhoone bhanu bhaariga bhatakujiruubha noorwo okujigayuka, Nyamuwanga ꞉aabhayaaye ebhitiibha bhinu bhyariga bhibheeyire.

Baefeso 3:12

Mbe, mu‑kubha na obhumwi na Kirisito na ku‑njira ya eriikirisya ryeswe ku‑mwene, chiri na obhuturo, obhwitaage na ribhaasi rya okufogerera Nyamuwanga.

Baeburania 10:19

Abhayiri bhaani mu‑riikirisya, ku‑songa ya isagama ya Yeesu, chiri na obhwitaage bhwa okwingira Ayeeru a Ayeeru okuubhaya wuri.

2 Yoana 1:8

Woori, emwe abheene, mwiyangarire, korereki mwasiga okufwirwa‑mo ku‑mirimu jinu mukorere imbere ya Nyamuwanga, tari muramire echiyaanwa chikobhere.