Baeburania 10:32 - Indagano Inyaaya mu-Chijita

³² Nawe mwichuke jisiku jinu ꞉mwaambire okwikirisya Kirisito. Noorwo kutyo ꞉mwabhwene ebhinyaasyo bhyafu, nawe mwariga nimwigumiirisya ebhinyaasyo ebhyo.

INDAGANO INYA:YA

³² Nawe mwicuke jisiku ja kara ati, wejire mwase:ka:nirwa obweru, nimwigumirisya mu kurwana okwafu kwo kunya:sibwa.

Baeburania 10:32 Referans Kwoze

Baeburania 6:4

Mbe, bhari‑wo abhaanu bhanu ꞉bhaayaaywe obhweru bhwa Emisango ja Ekisi, nibhabhona echiyaanwa cha mu‑rwire, ka wone nibhakorwa okubha na obhumwi na Mwoyo Mweru.

Baeburania 12:4

Omwikomeesya okuyiga ebhibhiibhi, nawe muchaari okurwana na ebhibhiibhi okukingira okwitwa.

2 Yoana 1:8

Woori, emwe abheene, mwiyangarire, korereki mwasiga okufwirwa‑mo ku‑mirimu jinu mukorere imbere ya Nyamuwanga, tari muramire echiyaanwa chikobhere.

Bafilipi 3:16

Echiinu cha bhusibhusi woori ni ati echikenwa okuruubha jinu Nyamuwanga aacheeresiisye.

Obhusweruro 3:3

Mwichuke jinu ꞉mweeyigisiibhwe, nimujungwa. Mbe, muruubhe ejo na okuta ebhibhiibhi bhyemwe. Mukarema okutengeeja, niriija rwa kutyo omwifi kaaja na mutarimenya omwanya gunu niribhaaja‑ko.

Bakolosai 2:1

Eneenda mumenye kutyo enirwanirira emirimu jinu inguru yeemwe, inguru ya abhaanu bha mu‑musi gwa Rawodeekiya na inguru ya abhaanu abhandi bhoone bhanu nichaariga okubhugana nabho.

Obhusweruro 2:5

Mwichuke kutyo mwariga muchaari okusiga eryenda ryemwe. Mukamara mute ebhibhiibhi bhyemwe, mukore rindi jinu mwariga nimukora omwanya gurya. Mukarema okuta, niribhaaja‑ko na okusoosya‑wo omutereko gwemwe gwa okutuura‑ko jidara.

2 Bakorinto 4:6

Okubha Nyamuwanga ꞉aayikire ati, “Obhweru bhumirike mu‑chisuute.” Omwene niwe kaamirika emyoyo jeeswe, na okuchiyaana obhweru bhwa okusombookerwa rikusyo ryaye, rinu eringʼarabhya mu‑bhusu bhwa Yeesu Kirisito.

Ebikorwa 26:18

Ubheegure ameeso, bhasooke mu‑chisuute bheengire mu‑bhweru. Ka wone bhasooke mu‑mabhoko ga Syetaani, bhayindukire Nyamuwanga, korereki kwa okwikirisya, bhafwirwe echigongo ebhibhiibhi bhyebhwe, bhabhe aamwi na abheeru abhandi bhoone.’

Barumi 12:12

Mukondererwega nimurindirira okubhona jinu Nyamuwanga ꞉aabharagire. Mwigumiirisyega mu‑myanya ja jinyaako, na mugendererega okusabhwa Nyamuwanga.

Baeburania 5:12

Ku‑mwanya gunu emwe mwari mwenderwe okubha abheeyigisya ku‑bheejaanyu, nawe mucheenda omuunu wa okubheeyigisya ameeyigisyo ga ku‑bhwambiro ga omusango gwa Nyamuwanga! Mbe, muri rwa abhaana abharera bhanu abhanywa amata era, nawe bhatakutura okurya ebhiryo bhikomeeye.

Baeburania 6:10

Nyamuwanga ni murengeresi, atakutura okurabhirwa ebhikorwa bhya ekisi bhinu mukorere. Ka wone atakutura okurabhirwa eryenda rinu ꞉mweresiisye inguru yaaye ku‑njira ya okusakira abheekirisya abheejaanyu okusookerera ku‑bhwambiro okukingira woori.