Baeburania 10:29 - Indagano Inyaaya mu-Chijita

²⁹ Mbe woori mwiganirisye! Ebhitiibha bhiribha kutiki ku‑muunu unu kaagaya Omwana wa Nyamuwanga na okurora isagama ya indagano inu ꞉yaamwesiisye noorwo ebhibhiibhi bhyaye ati chitari chiinu cha obhugajuro? Angu, ebhitiibha bhiribha kutiki ku‑muunu oyo, nikwo okwayika ati, unu keeyimirisya Mwoyo Mweru wa obhwitiriranya?

INDAGANO INYA:YA

²⁹ ?Omwiganirisya kutiki? Unu atajire Omwana wa Nyamuanga, nabara amanyinga ga indagano ganu gamwesisye ati, ni cinu ca kutyo era, namwima:turira Omwoyo we cigongo, ?mbe oyo ate:ire intambara nene muno?

Baeburania 10:29 Referans Kwoze

Baeburania 6:6

Nawe woori, bhasigire okwikirisya Nyamuwanga. Jitakuturikana wuri okusubhya abhaanu abho, korereki bhate rindi ebhibhiibhi bhyebhwe ku‑Nyamuwanga. Ku‑njira ya okurema Omwana wa Nyamuwanga, abhamubhamba ku‑musarabha rwa kabhiri na okumuswasya abhwerubhweru.

Baefeso 4:30

Musige okusurumbasya Mwoyo Mweru wa Nyamuwanga, kwa okubha omwene oyo, niwe orunabho rwaye kw‑imwe ati, orusuku oruuja runu muryerurwa chimwi.

1 Bakorinto 11:27

Omuunu woonewoone unu kaarya omukaate ogwo amwi okunywera mu‑mutawo ogwo kutyo jitakwendwa, kaabha akorere echibhiibhi, okubha aagaya omubhiri na isagama ya Raatabhugenyi.

Ruuka 12:10

Bhuri muunu unu kaayika emisango emibhiibhi ja okunyingirira anye Omwana wa Omuunu, Nyamuwanga arimufwira echigongo. Nawe, omuunu unu keefumirisya Mwoyo Mweru, oyo Nyamuwanga atarimufwira echigongo.

Baeburania 2:3

Araabha ꞉jaakorekeene kutyo ku‑bheene, angu, eswe chiritura kutiki okuwona okuyaanwa ebhitiibha, chikabha chitakwigana obhuchungusi obhunene rwa bhunu chibhwene? Raatabhugenyi Yeesu niwe ꞉aambire okuraasya obhuchungusi obhwo, na abhaanu bhanu bhaariga nibhamutegeresya wone nibhachibhwira ati, omusango gwa obhuchungusi ogwo ni gwa echimari.

Ebikorwa 7:51

Tefwano ˆnaagenderera okwayika ati, “Emwe abha emitwe emikomeeye! Mu‑myoyo jeemwe mutakuramya Nyamuwanga, na amatwi geemwe gatakutura okutegeresya omusango gwaye. Siku joone omurema Mwoyo Mweru, rwa kutyo bhasaaja weemwe wone ꞉bhaamuremere!

Baeburania 12:25

Kurwa ejo, mutegeresyega unu kaayika na emwe. Abhayisirayeeri ꞉bhateerukire ebhitiibha omwanya gunu ꞉bhaaremere okutegeresya Muusa bhunu ꞉aabhakengiisye. Mbe woori, eswe echitura kutiki okwiruka ebhitiibha araabha echirema okutegeresya Nyamuwanga omwanya gunu kaachikengya okusooka mu‑rwire?

Baeburania 9:13

Okuruubhana na ebhiraagiro bhya Muusa, abhagabhisi bhaariga nibhamiijirira orwamba rwa jimbusi na orwa jindume na riifu rya echinyara ku‑bhaanu bhanu bhaariga bhari bhajabhi, korereki bheesibhwe emibhiri jeebhwe.

1 Bakorinto 11:29

Enaayika kutyo, kwa okubha omuunu unu kaarya omukaate na okunywera omutawo atasombookeeywe ati ari na obhumwi na omubhiri gwa Raatabhugenyi, omuunu oyo kaabha eeteeye omwene mu‑ndamu ya Nyamuwanga.

Baeburania 6:4

Mbe, bhari‑wo abhaanu bhanu ꞉bhaayaaywe obhweru bhwa Emisango ja Ekisi, nibhabhona echiyaanwa cha mu‑rwire, ka wone nibhakorwa okubha na obhumwi na Mwoyo Mweru.

Baeburania 2:11

Yeesu aamwi na abhaanu bhanu keesya ebhibhiibhi bhyebhwe, Esemwene ni umwi. Nikwo okukora Yeesu atakwiswara okubhabhirikira ati abhayiri bhaaye.

Yowana 17:19

Eniisoosya okukukorera emirimu ku‑songa yeebhwe, korereki abheene wone bheesibhwe mu‑chimari.

Matayo 7:6

“Mwasiga okuyaana jimbwa ebhiinu bhinu bhiri bhya Nyamuwanga, kwa okubha ejija okuyinduka na okubhakaabhura. Ka wone, mwasiga okwesera jimbiiji ebhiinu bhya obhugusi obhurambu, kwa okubha ejija okubhitajiirira.

Baeburania 13:20

Nyamuwanga omwene, niwe kaachiyaana omurembe. ꞉Aasuuruuye Raatabhugenyi weeswe Yeesu, unu ari Mureefi Omukuru wa jinaama, kwa okubha ꞉eetire isagama yaaye inu eyeeresya chimari indagano ya kajaanende koone.

Yowana 10:36

Raata niwe ꞉aansorere na okuntuma ku‑chaaro kunu. Angu woori, ni kurwa ki omwayika ati, anye enifumiirisya Nyamuwanga omwanya gunu enaayika ati, ‘Anye niri Mwana wa Nyamuwanga’?

Baeburania 9:20

Niwo ˆnaabhwira abhaanu bhoone ati, “Runu nirwo orwamba runu orweresya indagano ya Nyamuwanga inu ꞉aabharagiriiye ati muyigwatega.”

1 Bakorinto 15:25

Enaayika kutyo, kwa okubha Kirisito ni bhusibhusi atunge okukingira ayige abhasoko bhaaye bhoone na okubhatuura emwaro ya obhutungi bhwaye.

Barumi 16:20

Nyamuwanga unu kaabhayaana omurembe, arifwonyorera aasi Syetaani bhwangu, na okubhayaana obhuyigi inguru yaaye. Obhwitiriranya bhwa Raatabhugenyi weeswe Yeesu Kirisito bhubhe aamwi na emwe. [Jibhe kutyo.]

Matayo 26:28

Echifuufu echo, niyo isagama yaani ya indagano. Isagama yaani iriitika inguru ya abhaanu bhaafu, korereki Nyamuwanga abhafwire echigongo ebhibhiibhi bhyebhwe.

1 Bakorinto 15:27

Jikaamirwe mu‑Bhikaame Ebhyeru ati, “Nyamuwanga ateeye ebhiinu bhyone emwaro ya obhutungi bhwaye.” Emisango ejo “ebhiinu bhyone,” jitari na obhugajuro ati Nyamuwanga wone ateeywe emwaro ya obhutungi obhwo. Wuri, kwa okubha omwene niwe ateeye ebhiinu ebhyo emwaro ya obhutungi bhwa Kirisito.

1 Bakorinto 6:11

Abhandi agati yeemwe bhaariga bhari kutyo. Nawe woori, kwa okutura ku‑Raatabhugenyi weeswe Yeesu Kirisito, na ku‑managa ga Mwoyo wa Nyamuwanga weeswe, mwosibhwa obhujabhi bhwemwe, mwesibhwa, na okubharwa ati muri bharengeresi imbere ya Nyamuwanga.

Baefeso 5:26

꞉Aakorere kutyo, korereki aryesye kwa okuryosya mu‑manji ga obhubhatiijo na ku‑njira ya omusango gwa Nyamuwanga.

Baeburania 4:14

Mbe, chiri na Omugabhisi Omukuru unu ꞉aagendere na okwingira mu‑rwire, niwe Yeesu Omwana wa Nyamuwanga. Ku‑songa eyo, chigwatirire jinu echiikirisya.

Baeburania 10:10

Woori, kwa okubha Yeesu aariga ˆnaakora okwenda kwa Nyamuwanga, Nyamuwanga kaacheesya ebhibhiibhi bhyeswe ku‑njira ya Yeesu Kirisito okwisoosya rumwi okubha echoogo.

Obhusweruro 1:5

na okusooka ku‑Yeesu Kirisito. Omwene niwe omubhambaasi omwiyikanyibhwa. ꞉Aabheeye wa okwamba okusuururwa korereki abhe omukama wa abhakama bhoone mu‑chaaro. Yeesu acheendere. Okutura ku‑sagama yaaye ꞉aachoosiisye ebhibhiibhi bhyeswe.