Baeburania 10:26 - Indagano Inyaaya mu-Chijita

²⁶ Araabha echigenderera okukora ebhibhiibhi kwa okukararira keenu chaamarire okumenya echimari cha Nyamuwanga, mbe chitari‑wo echoogo echindi chinu echitura okuchisoosisya‑wo echibhiibhi.

INDAGANO INYA:YA

²⁶ Okuba cikanyamurira cigundu ke:nu camarire okuyabwa okusombo:kerwa ebye cimari, mbe eciba citacasigaeo co:go cindi ca bibi:bi,

Baeburania 10:26 Referans Kwoze

Yowana 9:41

Yeesu ˆnaabhasubhya ati, “Araabha mukabheeye muri bhawofu, mutaakabheeye abhakosi bha ebhibhiibhi. Nawe omwayika ati omurora kisikisi, kurwa ejo, omusigara na ebhibhiibhi bhyemwe.”

Ruuka 12:47

“Omukosi unu ꞉aamenyere okwenda kwa omwami waaye, nawe, ꞉ataatengeejere okumuramira, noorwo okukora jinu omwami waaye keenda, ariyaanwa ebhitiibha bhyafu muno.

Yakobo 4:17

Mbe, omuunu woonewoone unu amenyere okukora gwa ekisi, nawe atakugukora, oyo kaakora echibhiibhi.

1 Yoana 5:16

Bhiri‑wo ebhibhiibhi bhinu bhitakutaaganya omuunu na Nyamuwanga akajaanende koone. Araabha omuunu woonewoone kw‑imwe akarora oweejaabho unu kaakora ebhibhiibhi rwa ebhyo, amusabhirwe ku‑Nyamuwanga, Nyamuwanga omwene kaja okumuyaana obhuwanga. Omusango gunu ni inguru ya bhanu abhakora ebhibhiibhi ebhyo. Nawe bhiri‑wo ebhibhiibhi bhinu ebhitaaganya omuunu na Nyamuwanga akajaanende koone. Anye nitakwayika ati asabhirwe omuunu oyo ku‑Nyamuwanga inguru ya ebhibhiibhi ebhyo.

2 Batesalonika 2:10

Arikora injira yooneyoone irya ya okujiga abhaanu bhanu abhabhura, kwa okubha bhatakwenda echimari korereki bhachunguke.

Yowana 13:17

Araabha mwasombookerwa ejo, mbe Nyamuwanga kaja okubhayaana amabhando mukajikora rwa kutyo naabhabhwira.

1 Timoteo 1:13

noorwo kutyo ku‑bhwambiro naamufumaga na okunyaasya abhaanu bhaaye, naariga niri murakoko. Nawe, omwene ꞉aanfwiriiye echigongo, kwa okubha naariga ninkora ejo mu‑bhumuumu na naariga nitari na eriikirisya.

1 Timoteo 2:4

Nyamuwanga keenda abhaanu bhoone bhachungurwe na okumenya echimari.