Baeburania 10:25 - Indagano Inyaaya mu-Chijita

²⁵ Chaasiga okusiga okubhugana aamwi, rwa kutyo abhaanu abhandi bhaasigire okubhugana. Tari chigenderere okusimbiisyanya noorwo okukira awo, okubha chimenyere ati orusuku rwa okusubha kwa Raatabhugenyi ruri yeeyi.

INDAGANO INYA:YA

²⁵ Citasigaga kwikofyanya aamwi, rwa jintungwa ja bandi kutyo jiri, nawe cikomeresyanyega niciyongesya muno okukora kutyo, rwa kutyo omurora orusiku ruriya rwajo:fugera.

Baeburania 10:25 Referans Kwoze

Ebikorwa 2:42

Abheekirisya bhoone nibheekomeesya okwiyigira ameeyigisyo ga jitumwa ja Yeesu, okusangira aamwi, okurya ebhiryo aamwi na okusabhwa Nyamuwanga aamwi.

Matayo 18:20

Okubha, anu bhari abhaanu bhabhiri amwi bhasatu bheekofyanyiisye kw‑isiina ryani, anye wone niri aamwi nabho awo.”

1 Batesalonika 5:11

Mbe, mugenderere okusimbiisyanya na okukomeesyanya emwe abheene kwa abheene, ka wone omusango ogwo nigwo omukora noorwo woori.

Baeburania 3:13

Nawe mukomeesyanyega emwe abheene kwa abheene bhuri rusuku runu echitoga ati “reero inu,” korereki aasiga okubha‑wo mw‑imwe omuunu woonewoone owa omwoyo omukomeeye ku‑songa ya okujigwa na ebhibhiibhi.

Baeburania 10:24

Ka wone cheenderwe chisimbiisyanye eswe abheene kwa abheene, korereki cheendane na okukoreraniraga eja ekisi.

1 Bakorinto 5:4

Omwanya gunu omwikofyanya kw‑isiina rya Raatabhugenyi weeswe Yeesu, anye enibhaga aamwi na emwe echinyamwoyo, na amanaga ga Raatabhugenyi weeswe Yeesu wone agabhaga aamwi na emwe.

1 Batesalonika 4:18

Kurwa ejo, mugenderere okusimbiisyanya abheene kwa abheene kwa emisango ejo.

Ebikorwa 2:1

Orusuku rwa Pendekoosite rwejire rwakinga, abhaanu bhoone bhanu ꞉bheekirisiisye Yeesu bhaariga bheekofyanyiisye mu‑nju imwi.

Ebikorwa 20:7

Orusuku rwa obhwoyo rwejire rwakinga, nichiikumanya, korereki chikore obhumwi bhwa okubhega omukaate. Awo Pawuro ˆnaaraasisya abhaanu omusango gwa Nyamuwanga, nikinga mu‑bhwire agati, kwa okubha aariga akarariiye okusooka awo mwejo yende‑ko.

1 Bakorinto 14:3

Nawe unu kaasoosya obhuragi, kaayika na abhaanu emisango ja okubhakomeesya mu‑riikirisya, ja okubhasimbiisya na ja okubhafungʼamya.

Barumi 12:8

Omuunu unu ayaaywe echiyaanwa cha okusimbiisya abheejaabho, akore kutyo kisikisi. Omuunu unu ayaaywe echiyaanwa cha obhufura ku‑bhaanu, abhakume kwa omwoyo gwone. Omuunu unu ayaaywe echiyaanwa cha obhutangasya, atangasye mu‑bhwikomeesya bhwone. Omuunu unu ayaaywe echiyaanwa cha echigongo, afwire echigongo abhaanu kwa rikonderwa.

Bafilipi 4:5

Obhworooro bhwemwe bhumenyekane ku‑bhaanu bhoone. Raatabhugenyi Yeesu ari yeeyi.

2 Petero 3:9

Abhaanu abhandi abheetogera ati Raatabhugenyi kaakoora okukuumisya jinu ꞉aaragire, nawe atakukoora. Tari omwene keegumiirisya ku‑songa yeemwe, okubha atakwenda omuunu noorwo umwi abhure. Chinu keenda ni ati bhoone bhate ebhibhiibhi bhyebhwe.

Yakobo 5:8

Nyabhuriko emwe wone, mwigumiirisyega na okurumatana mu‑mitima jeemwe, kwa okubha okusubha kwa Raatabhugenyi Yeesu kuri yeeyi.

1 Bakorinto 14:23

Woori, araabha abheekirisya bhakeekofyanya aamwi okusabhwa, bhoone nibhaamba okwayika jinyaayika jingenyi, nibheeya nibheengira abhaanu bhanu bhatari na obhuturo bhwa okusombookerwa jinyaayika jingenyi ejo, noorwo bhanu bhatari bheekirisya, bhataryayika ati muri bhasasi?

Yuuda 1:19

Abhaanu abho, nibho abhareterera okwawukana, abheeganirisya emisango ja ku‑chaaro era, bhatari na Mwoyo wa Nyamuwanga.

2 Petero 3:14

Kurwa ejo abheendwa bhaani, omwanya gunu omurindirira orusuku rurya, mwikomeesye okubha abha omutima omweru muno mutari na esoro imbere ya Nyamuwanga, na mubhe na omurembe nage.

1 Petero 4:7

Obhuteero bhwa emisango joone, bhuri yeeyi. Kurwa ejo, mwiyingirire na okwiyangarira mu‑misango joone, korereki mubhe na obhuturo bhwa okusabhwa.

2 Petero 3:11

Mbe, kwa okubha ebhiinu bhyone bhirisingaarisibhwa ku‑njira eyo, angu, emwe mwenderwe okubha abhaanu bha jitungwa ki mu‑chaaro chinu? Mwenderwe okwikara mu‑bhweru na okuyaana echibharo Nyamuwanga,

1 Bakorinto 11:20

Nawe woori, omwanya gunu omwikofyanya mutakurya ebhiryo bhya Raatabhugenyi rwa kutyo jeenderwe,

1 Bakorinto 3:13

na obhwa ekisi bhwa emirimu ja bhuri muunu bhuribhonekana abhwerubhweru. Orusuku rurya rwa indamu emirimu joone jiribha abhweru, kwa okubha emirimu ja bhuri muunu, jiriregeejwa kwa omuriro.

Ebikorwa 16:16

Rusuku rumwi, omwanya gunu chaariga nichigenda anu abhaanu bhaariga nibhasabhwa Nyamuwanga, nichibhugana na omugayagasi. Omugayagasi oyo aariga ari na risambwa rinu ryariga nirimuyaana obhuturo bhwa okuragura. Okuruubhana na obhuragusi obhwo, abhaami bhaaye bhaariga nibhabhona omuriiro munene.

Matayo 10:15

Ni chimari enibhabhwira ati, orusuku rwa indamu, Nyamuwanga arisoosya indamu isito muno ku‑bhaanu bha omusi ogwo, okukira inu arisoosya ku‑bhaanu bha emisi ja Sodoma na Gomoora!

Yowana 12:48

Omuunu woonewoone unu kaandema anye aamwi na emisango jaani, ari‑wo unu arimuramura. Emisango jinu enaayika nijo jirimuramura ku‑rusuku rwa obhuteero.

Baeburania 10:37

Jikaamirwe mu‑Bhikaame Ebhyeru ati, “Kasigaaye‑wo katungu kafuyi muno, oyo unu kaaja, arikinga, ka wone atarikoora wuri.

Baeburania 13:22

Enibheerembeeresya emwe abhayiri bhaani mu‑riikirisya, muruubhega emisango ja okubhasimbiisya jinu naabhakaamira ku‑nyarubha inu. Naabhakaamira emisango emitooto era.