Baeburania 10:24 - Indagano Inyaaya mu-Chijita

²⁴ Ka wone cheenderwe chisimbiisyanye eswe abheene kwa abheene, korereki cheendane na okukoreraniraga eja ekisi.

INDAGANO INYA:YA

²⁴ Na ci:ganirisyanyega eswe abene:ra korereki cikome:syanye okwenda no kukora ebyo bwana.

Baeburania 10:24 Referans Kwoze

1 Batesalonika 5:11

Mbe, mugenderere okusimbiisyanya na okukomeesyanya emwe abheene kwa abheene, ka wone omusango ogwo nigwo omukora noorwo woori.

1 Yoana 3:18

Abhaana bhaani mu‑riikirisya, chisige okwayika mu‑kanwa era ati echeendana. Tari cheendane kwa eryenda rya echimari kwa okusakirana abheene kwa abheene.

Baeburania 13:1

Mugenderere okwendana abheene kwa abheene rwa abhayiri mu‑riikirisya.

Bagalatia 5:13

Abhayiri bhaani, Nyamuwanga abhabhirikiiye, korereki mubhe abhaanu bhanu muri na obhwitaage. Nawe mwasiga okukorera obhwitaage bhwemwe wuti omwanya gwa okuruubha okurigira kwa omubhiri, tari musakirane mu‑ryenda.

Bakolosai 3:16

Omusango gwa Kirisito gwikare kwa obhwafu mu‑myoyo jeemwe, keenu nimwiyigisyanya na okukengyanya mu‑bhwengeeso bhwone. Mwimbire Nyamuwanga kwa emyoyo jeemwe na okumusiima, okutura mu‑jabhuri, mu‑nyimbo na jinyimbo ja echinyamwoyo.

Tiito 3:8

Inyaayika eyo ni ya echimari. Woori enikusabhwa awe ukomeeresye muno inguru ya emisango ejo ku‑bhaanu, korereki abhaanu bhanu abheekirisya Nyamuwanga, bhakabhuke na okukomeera okukora ebhikorwa bhya ekisi. Emisango ejo nijo ja ekisi, ka wone ejireeta omuriiro ku‑bhaanu bhoone.

1 Timoteo 6:18

Ka wone, bhabhwire bhakore ja ekisi, niwo bharibha abhaniibhi mu‑bhikorwa bhya ekisi. Bhabhe bhafura na okusangira ebhiinu bhyebhwe aamwi na abhaanu abhandi.

Baeburania 13:3

Mwichuke abhaanu bhanu bhabhoyerwe mw‑ibhoyero, mubhega wuti mubhoyerwe aamwi nabho. Mwichuke abhaanu bhanu abhanyaasibhwa, mubhega wuti omunyaasibhwa aamwi nabho.

Bagalatia 6:1

Abhayiri bhaani mu‑riikirisya, araabha mukamenya ati oweejaanyu aakora echibhiibhi, emwe bhanu omutangasibhwa na Mwoyo Mweru, mumusubhye ku‑tungwa ja ekisi. Mukore kutyo mu‑mwoyo gwa obhworooro. Nawe mwiyangarire, mwasiga okusakwa na okubha na jitungwa rwa jaaye.

1 Bakorinto 10:33

Mubhe rwa kutyo anye niri. Eniikomeesya okukondisya abhaanu bhoone ku‑misango joone jinu enikora. Jitari ati enikora kutyo, korereki anye omwene niibhonere omuriiro, tari enikora kutyo, korereki abhaanu bhaafu bheebhonere omuriiro korereki bhachungurwe.

Bagalatia 5:6

Mbe araabha chiri na obhumwi na Kirisito Yeesu, okutendwa amwi okurema okutendwa kutari na obhugajuro bhwonebhwone. Echiinu cha bhusibhusi ni riikirisya ryeswe rinu erikora emirimu mu‑ryenda.

2 Bakorinto 8:8

Nitakwayika ejo korereki nibharagirire, tari eneenda okurora araabha eryenda ryemwe ni rya echimari, kwa okweresya kutyo abhandi abheekomeesya okusakira.

Ebikorwa 11:29

Okuruubhana na obhuragi obhwo, abheeyigisibhwa nibharamura ati, bhuri umwi weebhwe, ku‑bhuturo bhwaye, asoosye obhusakisi ku‑bheekirisya abheejaabho bhanu bhaariga bheekaaye Yuudeya.

2 Batesalonika 3:9

Omwanya gunu chaakoraga kutyo, jitari ati chaariga chiteeyire okukena echiinu kw‑imwe, nawe ꞉chaakorere kutyo korereki chibhe chijekekanyo kw‑imwe, mwiyigire.

Bagalatia 5:22

Nawe araabha chikatangasibhwa na Mwoyo Mweru, chiribha na ritwasyo ryaye. Ritwasyo eryo ni eryenda, rikonderwa, omurembe, okwigumiirisya, obhwa ekisi, obhufura, okwiyikanyibhwa,

2 Bakorinto 9:2

okubha nimenyere ati, muri na omwoyo gwa okusakira abhandi. Nikwo okukora eniikuuya inguru yeemwe ku‑bhaanu bha Makedooniya, nimbabhwiraga ati, emwe abhaanu bha mw‑ikanisa rya mu‑mukoowa gwa Akaaya, ꞉mwemariiriiye okusoosya okwambira omuguuga gunu guturire. Okwikomeesya kwemwe okwo, kukorere abhaanu bhaafu agati yeebhwe okubha na omwoyo gwa okusoosya.

Barumi 12:15

Mukonderwega aamwi na bhanu abhakonderwa, na murirega aamwi na bhanu abharira.

Tiito 2:4

Ku‑njira eyo, abhaja okwiyigisya abhagasi abhatooto, okwenda abharume bheebhwe na abhaana bheebhwe.

1 Bakorinto 9:22

Ku‑bhanu bhari bhajorobhoke, naariga niri mujorobhoke, korereki nibhasakire bheekirisye Kirisito. ꞉Naakorere joone ku‑bhaanu bhoone, korereki ku‑njira yooneyoone irya nichungure‑ko abhaanu abharebhe ku‑bheene.

1 Batesalonika 1:3

Bhunu echibhasabhirwa ku‑Nyamuwanga Raata weeswe, echiichuka imbere yaaye, emirimu jeemwe jinu omukora mu‑riikirisya. Echiichuka okukomeera kwemwe kunu okuruubhana na eryenda ryemwe, ka wone, okwigumiirisya kwemwe kunu okuruubhana na obhwiyikanyo bhwemwe bhwa okusubha rindi Raatabhugenyi Yeesu Kirisito.

Barumi 11:4

Nawe Nyamuwanga ꞉aamusubhiisye kutiki? ꞉Aayikire ati, “Niisaagisiisye abhaanu bhiwumbi bhitaanu na bhibhiri bhanu bhatakuramya Bhaari.”

Baeburania 3:13

Nawe mukomeesyanyega emwe abheene kwa abheene bhuri rusuku runu echitoga ati “reero inu,” korereki aasiga okubha‑wo mw‑imwe omuunu woonewoone owa omwoyo omukomeeye ku‑songa ya okujigwa na ebhibhiibhi.