Baeburania 10:20 - Indagano Inyaaya mu-Chijita

²⁰ Ku‑njira ya orufu rwaye, omwene ꞉aachiiguriiye injira inyaaya inu eyichitangasya okuja ku‑bhuwanga, korereki chiture okufogera imbere ya Nyamuwanga. Chiri wuti echiyitingʼana mw‑ipajiya na okwingira Ayeeru a Ayeeru.

INDAGANO INYA:YA

²⁰ Nicingira mu njira inu acikoree inya:ya na i:manga, inu eitiŋana mwisaenge, nigwo omubiri gwae.

Baeburania 10:20 Referans Kwoze

Yowana 14:6

Yeesu ˆnaamusubhya ati, “Anye naanye injira, echimari, na obhuwanga. Atari‑wo omuunu woonewoone unu kaatura okuuja ku‑Raata araabha ataturire kw‑anye.

Yowana 10:9

Anye naanye rirango eryo. Woonewoone unu keengira mw‑igutu okutura kw‑anye arichungurwa, ka wone aribha na obhwitaage bhwa okuwuruka na okwingira, na okugenda okureebha mu‑bhureebho bhwa ekisi.

Baeburania 9:3

Mw‑iyeema eryo rwariga riri‑mo ripajiya rinu ryariga niryawukanya echisago cha okwamba na echa kabhiri. Echisago cha kabhiri chaariga nichitogwa ati Ayeeru a Ayeeru.

Baeburania 9:8

Okuruubhana na emisango ejo joone, Mwoyo Mweru kaacheeresya ati injira ya okwingira Ayeeru a Ayeeru yaariga ichaari okwigurwa ku‑bhaanu abhandi, omwanya gunu riyeema rya okwamba na obhutinge bhwaryo bhwariga bhuchaari‑wo.

Baeburania 6:19

Chiri na obhwiyikanyo obhwo mu‑myoyo jeeswe, obhwene bhuri rwa inanga inu eyigwatirira ingarabha yaasiga okuyeywa. Obhwiyikanyo obhwo ni Yeesu, unu ꞉eengiiye Ayeeru a Ayeeru mu‑rwire eyo okutura mw‑ipajiya.

Yowana 10:7

Mbe, Yeesu ˆnaabhabhwira rindi ati, “Ni chimari enibhabhwira ati, anye naanye rirango rinu jinaama ejitura‑mo okwingirira mw‑igutu.

1 Yoana 4:2

Injira ya okumenya ati omuunu kaatangasibhwa na Mwoyo wa Nyamuwanga niyo inu, omuunu woonewoone unu keekirisya na okutogora ati Yeesu Kirisito ꞉eejire ˆnaabha na omubhiri rwa omuunu, oyo niwe kaatangasibhwa na Mwoyo wa Nyamuwanga.

1 Petero 3:18

Kirisito omwene ꞉aanyaakire rumwi era inguru ya ebhibhiibhi bhya abhaanu bhanu bhatari bha rirenga, korereki achigwatanye na Nyamuwanga. Nawe omwene aariga ari murengeresi. ꞉Eetirwe echinyamubhiri, nawe ˆnaakorwa omuwanga ku‑bhuturo bhwa Mwoyo Mweru.

1 Timoteo 3:16

Echimari chinu Nyamuwanga asweruuye ni cha okuruguusya na nicho chinu, Kirisito ꞉eesweruuye mu‑mubhiri, ˆnaayikwa na Mwoyo Mweru ati ni murengeresi, ˆnaabhonekana ku‑bhamaraayika, ˆnaaraasibhwa mu‑maanga goone, ˆneekirisibhwa na abhaanu bha mu‑chaaro, ˆnaagegwa okuja inguru mw‑ikusyo.

Ruuka 23:45

Risuubha niririga na ripajiya rinu ryariga niryawukanya Ayeeru na Ayeeru a Ayeeru mw‑Iyekaru rya Nyamuwanga niryatika bhibhaara bhibhiri.

Mariko 15:38

Awoawo, ripajiya rinu ryariga niryawukanya Ayeeru na Ayeeru a Ayeeru mw‑Iyekaru rya Nyamuwanga niryatika bhibhaara bhibhiri okusooka inguru okukingira emwaro.

Matayo 27:51

Awoawo, ripajiya rinu ryariga niryawukanya Ayeeru na Ayeeru a Ayeeru mw‑Iyekaru rya Nyamuwanga niryatika bhibhaara bhibhiri okusooka inguru okukingira emwaro. Ka wone, niritura rinyamutikima rinene rya echaaro rinu ꞉ryaretereeye amabhuyi okwatika.

2 Yoana 1:7

Mbe, enaayika kutyo, kwa okubha abhabheeyi bhaafu bheebhukire ku‑chaaro kunu. Abhaayika ati Yeesu Kirisito ꞉eejire atari na omubhiri rwa gwa omuunu. Omuunu woonewoone unu kaayika kutyo ni omubheeyi, ka wone niwe omusoko wa Kirisito.

Baefeso 2:15

Omwanya gunu ꞉aakorere kutyo, ꞉aasoosiisye‑wo obhutinge bhwone bhwa ebhiraagiro bhya Echiyawudi. Obhwira bhwaye bhwariga bhuri okukora ebhise bhibhiri ebhyo, okubha echise chimwi echiyaaya. Nikwo kutyo ꞉aareetere omurembe agatigati ya Abhayawudi na bhanu bhatari Bhayawudi na okubhagwatanya aamwi nage.