Baeburania 10:19 - Indagano Inyaaya mu-Chijita

¹⁹ Abhayiri bhaani mu‑riikirisya, ku‑songa ya isagama ya Yeesu, chiri na obhwitaage bhwa okwingira Ayeeru a Ayeeru okuubhaya wuri.

INDAGANO INYA:YA

¹⁹ Kwecikora, ba:na ba:su, niciba no buba:si okwingira mu rubara orweru kurwa manyinga ga Kristo,

Baeburania 10:19 Referans Kwoze

Baefeso 2:18

Okubha omwene oyo, achiyaaye eswe bhoone, Mwoyo Mweru korereki chifogere ku‑Raata Nyamuwanga.

Baeburania 9:12

Omwene ꞉eengiiye rumwi era Ayeeru a Ayeeru. ꞉Ateengiiye eyo na orwamba rwa jimbusi amwi rwa ebhinyara, tari ꞉eengiiye eyo na isagama yaaye omwene, korereki acheerure akajaanende koone.

Baeburania 4:16

Kurwa ejo chibhe na ribhaasi mu‑kufogera ku‑chitebhe cha ingʼoma cha Nyamuwanga, korereki achiyaane echigongo na obhwitiriranya bhwa okuchisakira omwanya gwa obhukene bhweswe.

Baefeso 3:12

Mbe, mu‑kubha na obhumwi na Kirisito na ku‑njira ya eriikirisya ryeswe ku‑mwene, chiri na obhuturo, obhwitaage na ribhaasi rya okufogerera Nyamuwanga.

Barumi 5:2

Ku‑njira ya okwikirisya Yeesu, Nyamuwanga achiyaaye obhwitiriranya bhwaye. Noorwo woori echigenderera okuramira obhwitiriranya obhwo. Echikonderwa muno, kwa okubha echiiyikanya ati chirisangira aamwi na Nyamuwanga mw‑ikusyo ryaye.

Baeburania 12:28

Kurwa ejo, chisiimega Nyamuwanga, okubha eekirisya chibhega nichisangira obhukama bhwaye bhunu bhutakutikima. Chiramyega Nyamuwanga ku‑njira inu eyimukondisya na mu‑bhwikeeya na echibharo,

1 Yoana 4:17

Ku‑njira eyo, eryenda ryaye erikuumira mu‑myoyo jeeswe, korereki chibhe na ribhaasi orusuku rwa okuramurwa. Okubha obhurame bhweswe mu‑chaaro munu, bhuri rwa kutyo Yeesu ꞉aaramire.

Barumi 8:15

Nyamuwanga ꞉ataabhayaaye Mwoyo Mweru, korereki mubhe rindi abhagaya bhanu abhamuubhaya, tari ꞉aabhayaaye Mwoyo Mweru, korereki mubhe abhaana bhaaye. Mwoyo oyo, niwe kaachiyaana obhuturo bhwa okubhirikira Nyamuwanga ati, “Abha,” obhugajuro bhwaryo “Raata!”

2 Timoteo 1:7

Kora kutyo, okubha Nyamuwanga ꞉ataachikorere okubha abhoobha, tari ꞉aachiyaaye amanaga, eryenda na okwiyingirira.

Baeburania 9:3

Mw‑iyeema eryo rwariga riri‑mo ripajiya rinu ryariga niryawukanya echisago cha okwamba na echa kabhiri. Echisago cha kabhiri chaariga nichitogwa ati Ayeeru a Ayeeru.

Baeburania 7:25

Ku‑songa eyo, omwene ari na obhuturo bhwa okuchungura chimwi abhaanu bhoone bhanu abhagenda ku‑Nyamuwanga okutura ku‑mwene. Okubha omwene ni muwanga akajaanende koone, korereki abhasabhirwe ku‑Nyamuwanga omwanya gwone.

Baeburania 3:1

Mbe, abhayiri bhaani mu‑riikirisya, emwe bhanu Nyamuwanga abhirikiiye aamwi na eswe okubha abhaanu bhaaye, mwiganirisye inguru ya Yeesu. Omwene oyo niwe Itumwa ya Nyamuwanga ka wone niwe Omugabhisi Omukuru wa emisango jinu echiikirisya.

Baeburania 3:6

Nawe Kirisito ni mwiyikanyibhwa rwa Omwana unu keemereegururu abhaanu bha mu‑nju ya Nyamuwanga. Abhaanu abho niiswe araabha chikagenderera okukingira ku‑bhuteero chiri na ribhaasi na okwikuuyisya jinu echiiyikanya.

Baeburania 10:18

Mbe, Nyamuwanga aafwira echigongo abhaanu ebhibhiibhi. Kutyo, bhutari‑wo obhukene bhwa okusoosya ebhyogo bhya okusoosya‑wo ebhibhiibhi rindi.

Baeburania 10:35

Kurwa ejo, mugenderere okubha na ribhaasi eryo, kwa okubha ku‑njira eyo muriramira echiyaanwa echinene muno okusooka ku‑Nyamuwanga.