Baeburania 10:12 - Indagano Inyaaya mu-Chijita

¹² Nawe Kirisito ꞉eesoosiisye rumwi okubha echoogo, korereki achisoosye‑ko ebhibhiibhi bhyeswe. Omwene niwe echoogo chinu chiiyire kajaanende koone. Niwo ˆneenyanja orubhaara rwa ebhuryo rwa Nyamuwanga.

INDAGANO INYA:YA

¹² Nawe Oyo wejire amara okutamba eco:go cimwi era eca kajanende kurwe bibi:bi, mbe niwo nenyanja ku kuboko kwe buryo okwa Nyamuanga.

Baeburania 10:12 Referans Kwoze

Baeburania 1:3

Omwene oyo niwe orungʼarabhyo rwa rikusyo rya Nyamuwanga. Ka wone niwe orususo rwa echimari rwa kutyo Nyamuwanga ari. Omwene niwe kaakora ebhiinu bhyone bhigwatane aamwi ku‑musango gwaye ogwa amanaga. ꞉Eesiisye abhaanu ebhibhiibhi bhyebhwe, ˆnaagenda mu‑rwire, ˆneenyanja orubhaara rwa ebhuryo rwa Nyamuwanga owa obhuturo bhwone.

Bakolosai 3:1

Woori, kwa okubha musuurukire aamwi na Kirisito, muyenjeresye emisango ja mu‑rwire, anu Kirisito eenyanjire orubhaara rwa ebhuryo rwa Nyamuwanga.

Barumi 8:34

Ka wone niga unu arichiramura? Atari‑wo, kwa okubha Kirisito Yeesu, niwe ꞉aafuuwe, ˆnaasuuruka okusooka mu‑bhafuuwe. Ka wone, woori niwe ari orubhaara rwa ebhuryo rwa Nyamuwanga, niwe kaachisabhirwa.

Baeburania 9:12

Omwene ꞉eengiiye rumwi era Ayeeru a Ayeeru. ꞉Ateengiiye eyo na orwamba rwa jimbusi amwi rwa ebhinyara, tari ꞉eengiiye eyo na isagama yaaye omwene, korereki acheerure akajaanende koone.

Baeburania 8:1

Omusango omunene mu‑joone ejo nigwo gunu. Eswe chiri na Omugabhisi Omukuru wa imbaga eyo, unu eenyanjire mu‑rwire eyo, orubhaara rwa ebhuryo rwa echitebhe cha ingʼoma cha Nyamuwanga owa obhuturo bhwone.

Mariko 16:19

Raatabhugenyi Yeesu ejire aamara okwayika nabho, Nyamuwanga ˆnaamugega ˆnaamwingʼengya mu‑rwire. ˆNeenyanja orubhaara rwa ebhuryo ku‑Nyamuwanga.

Baefeso 5:2

Murame mwendeene, nimuruubhaga echijekekanyo cha Kirisito. Okubha omwene ꞉aacheendere na okwisoosya inguru ya ebhibhiibhi bhyeswe, ˆnaabha echiyaanwa na echoogo echa ebhirange ku‑Nyamuwanga.

Baeburania 5:1

Bhuri mugabhisi omukuru kaasorwa okusooka mu‑bhaanu abheejaabho, korereki eemereegururu emisango ja Nyamuwanga inguru ya abhaanu. Ka wone omwene kaasoosisya Nyamuwanga echiyaanwa na echoogo inguru ya ebhibhiibhi bhya abhaanu.

Baeburania 5:3

Nikwo okukora keendwa okusoosya echoogo inguru ya ebhibhiibhi bhyaye omwene, rwa kutyo kaasoosya echoogo inguru ya ebhibhiibhi bhya abhaanu abhandi.

Baeburania 7:27

Abhagabhisi abhakuru bhaariga nibheendwa okusoosya echoogo bhuri rusuku. Okwamba bhaasoosyaga inguru ya ebhibhiibhi bhyebhwe abheene, bhaakamara niwo nibhasoosya inguru ya ebhibhiibhi bhya abhaanu abhandi. Nawe Yeesu ꞉ataakorere rwa abhagabhisi abhakuru abho. Omwene ꞉eesoosiisye okubha echoogo rumwi era inguru ya ebhibhiibhi bhya abhaanu bhoone.

Baeburania 9:14

Nawe isagama ya Kirisito iri na amanaga muno okukira orwamba rwa jityanyi ejo! Omwene ꞉eesoosiisye ku‑Nyamuwanga ku‑bhuturo bhwa Mwoyo wa akajaanende koone, korereki abhe echoogo chinu chitari na esojorero ryoneryone. Isagama yaaye niyo eyicheesya emitima jeeswe inguru ya ebhikorwa bhinu ebhireeta orufu, korereki chikorere emirimu Nyamuwanga omuwanga.

Baeburania 10:10

Woori, kwa okubha Yeesu aariga ˆnaakora okwenda kwa Nyamuwanga, Nyamuwanga kaacheesya ebhibhiibhi bhyeswe ku‑njira ya Yeesu Kirisito okwisoosya rumwi okubha echoogo.

Baeburania 10:14

Mbe, kwa okubha Kirisito ꞉eesoosiisye okubha echoogo rumwi era, ꞉aakuumisiisye bhanu bhakorerwe okubha abhaanu bhaaye akajaanende koone.