Baeburania 1:14 - Indagano Inyaaya mu-Chijita

¹⁴ Mbe woori, bhamaraayika ni chiinu ki? Ni myoyo jinu ejikorera emirimu Nyamuwanga, omwene kaajituma jigende okukorera emirimu abhaanu bhanu bharichungurwa.

INDAGANO INYA:YA

¹⁴ ?Abo bo:ne tari nijo emyoyo jinu ejifurubenda, nijitumwa okufurubendera banu abenda oku:ja okurya omwandu gwo mweruro?

Baeburania 1:14 Referans Kwoze

Matayo 18:10

Yeesu ˆnaagenderera okubhabhwira ati, “Mukabhuke, mwasiga okugaya owumwi ku‑bhatooto bhanu! Enibhabhwira kutyo, kwa okubha bhamaraayika bheebhwe mu‑rwire eyo, siku joone bhari imbere ya Raata waani wa mu‑rwire. [

Ebikorwa 27:23

Okubha anye niri muunu wa Nyamuwanga ka niwe eniramya. Reero mu‑ngeta maraayika waaye aansoromokera, ˆneemereeguru ayeeyi na anye,

Ebikorwa 5:19

Nawe mu‑ngeta irya maraayika umwi wa Raatabhugenyi ˆnaaja, ˆneegura jinjigi ja ribhoyero eryo, ˆnaabhawurusya anja. ˆNaamara ˆnaabhabhwira ati,

Ebikorwa 12:7

Awoawo ˆnaasoromoka maraayika wa Raatabhugenyi ˆneemereeguru orubhaara runu Peetero aariga ari, obhweru nibhumumirika mu‑chisago omwo. Maraayika oyo, ˆnaakunuuna Peetero mu‑rubhafu na okumurafya, ˆnaamubhwiraga ati, “Iimuka bhwangu!” Awoawo amaseega ku‑mabhoko gaaye nigaragara aasi.

Ruuka 1:19

Maraayika oyo ˆnaamusubhya ati, “Anye, naanye Gaabhuryeri, unu enimereeguru imbere ya Nyamuwanga. Nyamuwanga aantuma kw‑awe, korereki niije okukubhwira emisango ja ekisi jinu.

Matayo 1:20

Jejefu ejire eeganirisya kutyo, awoawo maraayika wa Raatabhugenyi ˆnaamusoromokera mu‑chirooto. Maraayika oyo, ˆnaamubhwira ati, “Jejefu, omwana wa Dawudi, waasiga okuubhaya okutwara Maryamu, kwa okubha inda yaaye ayibhwene ku‑bhuturo bhwa Mwoyo Mweru.

Ruuka 16:22

“Ejire eeya, Rajaaro omutaka aafwa, bhamaraayika nibhamugega nibhamusira mu‑rwire, ayeeyi na Bhurayimu. Omuniibhi urya wone ˆnaafwa, ˆnaasiikwa.

Ebikorwa 12:23

Yeroode ꞉ataayaaye Nyamuwanga echibharo, kurwa ejo awoawo maraayika wa Raatabhugenyi ˆnaamubhuma kwa obhurwaye bhwa okutimbwa na jimuka, ˆnaafwa.

Ruuka 2:9

Mbe, maraayika umwi wa Raatabhugenyi ˆnaabhasoromokera na rikusyo rya Raatabhugenyi niribhasingira na okubhamirikira mbaara joone. Nibhagwatwa na echibhabhuko chaafu muno.

Ruuka 2:13

Awoawo, echise echinene muno cha bhamaraayika abheejaabho okusooka mu‑rwire nibhabha aamwi nage. Niwo bhoone, nibhakuuya Nyamuwanga ati,

Matayo 2:13

Abhasombookerwa bha jinjota abho bhejire bhaasooka awo, awoawo maraayika wa Raatabhugenyi ˆnaasoromokera Jejefu mu‑chirooto, ˆnaamubhwira ati, “Iimuka! Gega omwana na nyiramwene, mwirukire mu‑chaaro cha Miisiri. Mubhe eyo, okukingira omwanya gunu niribhabhwira ati musubhe, kwa okubha Yeroode kaja okuyenja omwana oyo, korereki amwite.”

Tiito 3:7

꞉Aakorere kutyo na okuchibhara ati chiri abharengeresi kwa obhwitiriranya bhwaye, korereki chibhe na obhwiyikanyo ati chiryanjura obhuwanga bhwa akajaanende.

Obhusweruro 5:6

Niwo nindora Omwana wa Inaama eemereeguuyu ayeeyi na echitebhe cha ingʼoma. Wone aariga eyindirwe na ebhibhumbwa bhina bhirya na abhakaruka makumi gabhiri na bhana bharya. Omwana wa Inaama oyo, aariga ˆnaabhonekana wuti atemerwe omutwe. Ka wone aariga ari na amayembe gataanu na gabhiri na ameeso gataanu na gabhiri. Ameeso ago ni emyoyo etaanu na ebhiri ja Nyamuwanga jinu jaariga jitumirwe bhuri orubhaara ku‑chaaro choone.

1 Petero 1:12

Nyamuwanga ꞉aasweruriiye abharagi abho ati, emisango jinu ꞉bhaaragire, jaariga jitari jeebhwe abheene, tari jaariga jiri jeemwe. Emisango jinu ꞉bhaayikire, nijo ꞉mwaraasisiibhwe na abhaanu bhanu ꞉bhaabhareteeye Emisango ja Ekisi inguru ya Yeesu Kirisito. Abheene ꞉bhaabhabhwiriiye emisango ejo, ku‑bhuturo bhwa Mwoyo Mweru unu ꞉aatumirwe okusooka mu‑rwire. Emisango ejo, noorwo bhamaraayika wone abheegomba muno okujisombookerwa.

Matayo 25:34

“Niwo anye Omukama, niribhwira abhaanu bhanu bhari orubhaara rwani rwa ebhuryo ati, ‘Muuje, emwe bhanu Raata waani ayaaye amabhando. Mwingire mu‑bhukama bhunu Nyamuwanga abheeraabhiiye okusookerera bhunu ꞉aabhumbire echaaro.

Yuuda 1:14

Enooke, omuunu wa riyimbo rya kataanu na kabhiri okusookerera ku‑Adaamu, ꞉aasoosiisye obhuragi inguru ya abhaanu abho ati, “Ringira, Raatabhugenyi kaaja ari na bhamaraayika bhaaye abheeru ebhiwumbi na ebhiwumbi.

1 Petero 1:4

Woori echirindirira okwanjura amabhando ganu Nyamuwanga abhiikiiye abhaana bhaaye mu‑rwire. Amabhando ago, gatakutura okubhora, okunyamuka, noorwo okuwotoka.

Baeburania 6:17

Nyabhuriko Nyamuwanga wone ꞉aarumatanyiisye omurago gwaye ku‑njira ya echirayiro. ꞉Aakorere kutyo, okweresya abhwerubhweru ku‑bhanu ꞉aaragire ati, atariyindura wuri obhukarariiye bhwaye.

2 Batesalonika 1:7

niwo aribhafungʼamya emwe na eswe okusooka mu‑bhinyaasyo. Arikora kutyo, bhunu Raatabhugenyi Yeesu arisubha rindi okusooka mu‑rwire, ari aamwi na bhamaraayika bhaaye abha obhuturo bhwafu,

Bafilipi 2:25

Emwe, ꞉mwatumire Epafurodiito kw‑anye okusankira na okufurubhendera obhukene bhwani. Woori, enirora ati ni kisi nimutume rindi kw‑imwe. Omwene ni mwikirisya oweejaasu, omukosi weejaasu wa emirimu ja Nyamuwanga na ni musirikare oweejaasu mu‑kurwanirira Emisango ja Ekisi.

2 Bakorinto 9:12

Jiribha kutyo, kwa okubha omurimu gwa obhufura gunu omukora, gutakusakira abheekirisya bha Yerusareemu bhanu bhakeeyeeywe era, tari ogukora abhaanu bhaafu bhasiime Nyamuwanga muno.

Barumi 15:27

Abheene abho ꞉bhaaramuuye okukora kutyo. Nawe ni chimari abhatongwa okubhasakira, kwa okubha abheekirisya bhanu bhatari Bhayawudi bhawumbeene aamwi na Abhayawudi mu‑mabhando ga obhuchungusi bhunu bhusokereeye ku‑Bhayawudi. Kurwa ejo, abheekirisya abho abheendwa bhasakire Abhayawudi kwa ebhiinu bhyebhwe.

Barumi 15:16

korereki nibhe omukosi wa Kirisito Yeesu ku‑bhaanu bhanu bhatari Bhayawudi. ꞉Naakorerwe okubha rwa omugabhisi wa okubharaasisya Emisango ja Ekisi okusooka ku‑Nyamuwanga, korereki bhabhe ebhyogo bhinu ebhikondisya Nyamuwanga, bhyesiibhwe na Mwoyo Mweru.

Barumi 13:6

Ka wone, nikwo okukora omutobha rigooti. Abhatangasya bha echaaro, omwanya gunu abheekomeesya okukora emirimu jeebhwe, abhakorera emirimu Nyamuwanga omwene.

Ebikorwa 13:2

Bhunu bhaariga nibharamya Raatabhugenyi na okwiyima okurya ebhiryo, Mwoyo Mweru ˆnaabhabhwira ati, “Munsorere Bharinaabha na Saawuri ku‑mirimu jinu nibhabhirikiriiye.”

Ebikorwa 11:22

Mbe abheekirisya bha Yerusareemu, nibhoongwa emisango ja abheekirisya bha Atiyookiya, kutyo nibhabhwira Bharinaabha agende eyo.

Ruuka 1:23

Jisiku jaaye ja obhukosi mw‑Iyekaru jejire jaawa, ˆnaasubha iika.

Matayo 24:31

Niwo nirituma bhamaraayika bhaani. Bharibhuma muno rinyawegoona, korereki bhakumanye abhasorwa bhoone bha Nyamuwanga okusooka mbaara joone ena ja echaaro. Abhasorwa abho, bhariija okusooka ku‑bhuteero bhwa echaaro okukingira ku‑bhuteero bhwa orubhaara orundi rwa echaaro.”

Matayo 13:41

Anye Omwana wa Omuunu, nirituma bhamaraayika bhaani, korereki bhakumanye okusooka mu‑bhukama bhwani, abhakosi bha ebhibhiibhi bhoone na abhaanu bhoone bhanu ꞉bhaaretereeye abheejaabho okukora ebhibhiibhi.

1 Petero 3:7

Nyabhuriko, emwe abharume, mwikare na abhagasi bheemwe muri na obhwenge, mumenyere ati bhatari na amanaga rwa emwe. Mubhaangarire, nimubhaayanaga echibharo, kwa okubha Nyamuwanga ꞉aaragire ati emwe na abheene muryanjura obhwitiriranya bhwa obhuwanga. Kurwa ejo, emwe abharume, mukore kutyo, korereki risabhwa ryemwe risige okuyingirirwa.

Yakobo 2:5

Abhayiri bhaani abheendwa, muntegeresye kisi. Mutakumenya ati Nyamuwanga ꞉aawuuwe abhataka bha ku‑chaaro, bhabhe abhaniibhi mu‑riikirisya, bhanjure obhukama bhunu ꞉aaragire bhanu abhamwenda?

Baeburania 10:11

Okuruubhana na indagano ya kara, bhuri rusuku abhagabhisi abhakorera emirimu Nyamuwanga na okusoosya kwiya kaafu ebhyogo bhiryabhirya, bhinu bhitakutura wuri noorwo na akatyari okusoosya‑wo ebhibhiibhi.

Baeburania 8:6

Nawe Nyamuwanga ayaaye Yeesu omurimu gwa obhugabhisi gunu guri gwa kisi muno okukira gurya gwa abhagabhisi bha okwamba bharya. Yeesu niwe kaagwatanya abhaanu na Nyamuwanga mu‑ndagano inu iri ya ekisi okukira ya okwamba irya. Ka wone indagano eyo, iri rwa echiinu chinu chuumbakirwe ku‑rufuka rwa ekisi, nikwo okwayika ati inguru ya omurago gwa kisi muno okukira omurago gwa indagano ya kara irya.

Baeburania 6:12

Mwasiga okurengaara, tari mubhe rwa abhaanu bhanu ku‑njira ya okwikirisya na okwigumiirisya, bhaaramira jinu Nyamuwanga ꞉aaragire okubhayaana.

Baeburania 5:9

Mbe, okuruubhana na emisango ejo, Nyamuwanga ꞉aamukorere abhe Omugabhisi Omukuru unu akuumiiye, ˆnaabha obhusimukwa bhwa obhuchungusi bhwa kajaanende ku‑bhaanu bhoone bhanu abhagayuka Yeesu.

Bafilipi 2:17

Noorwo ikabha ati isagama yaani eyisoosibhwa rwa echoogo ku‑chigabhiro, aamwi na eriikirisya ryemwe rinu erikorwa echoogo imbere ya Nyamuwanga, anye enikonderwa na okusandabha aamwi na emwe bhoone.

Baefeso 3:6

Obhutinge bhwa imbisike eyo, ni ati, ku‑njira ya okwikirisya Emisango ja Ekisi, abhaanu bhanu bhatari Bhayawudi na Abhayawudi bhari na omwandu gumwi, bhari mubhiri gumwi na abhasangira aamwi amabhando ganu bharagirwe mu‑Kirisito Yeesu.

Bagalatia 3:29

Araabha emwe muri ku‑Kirisito, kurwa ejo woori, emwe muri rwibhuro rwa Bhurayimu, na muriramira omwandu gunu Nyamuwanga ꞉aaragire.

Bagalatia 3:9

Mbe, abhaanu bhanu abheekirisya Nyamuwanga, abhabhona amabhando, rwa kutyo Bhurayimu ꞉aabhwene amabhando kwa okubha ꞉eekirisiisye.

Bagalatia 3:7

Mbe woori, mumenye ati abhaanu bhanu abheekirisya Nyamuwanga, nibho abhaana bha echimari bha Bhurayimu!

Barumi 8:17

Mbe, araabha chiri bhaana bha Nyamuwanga, chaabha abhanjusi bhaaye. Chiriramira omwandu gweswe aamwi na Kirisito. Nawe chinu echikenwa kw‑iswe woori ni ati, chisangire mu‑bhinyaasyo aamwi na Kirisito, korereki eswe wone chisangire aamwi nage mw‑ikusyo ryaye.

Ebikorwa 16:26

Awo rinyamutikima rinene muno niritura mu‑chaaro nirisingisya orufuka rwa ribhoyero. Awoawo jinjigi joone nijiyigura ejeene era na amaseega goone ganu bhaariga bhabhabhoyeeye nigasuruumuka.

Matayo 4:11

Niwo Syetaani ˆnaasiga Yeesu awo. Awoawo, bhamaraayika bha Nyamuwanga nibhaaja okumufurubhendera.

Mariko 10:17

Yeesu ejire aamba orugendo, omuunu umwi ˆnaamubhirimira, ˆnaamwifukamira. ˆNaabhuusya Yeesu ati, “Omwiyigisya wa ekisi, nikore kutiki korereki nibhone obhuwanga bhwa akajaanende koone ku‑chaaro chinu echiija?”

Barumi 11:14

niniiyikanya ati, amwi okutura emirimu jaani ejo, Abhayisirayeeri bheejaasu bharyungwa obhwiro bhwa okubhona obhuchungusi rwa kutyo emwe ꞉mwabhubhwene, korereki abhaanu abharebhe mu‑bheene wone bhachunguke.

1 Bakorinto 1:21

Enaayika kutyo, kwa okubha Nyamuwanga, ku‑bhwengeeso bhwaye, ꞉aaramuuye ati abhaanu bhatakutura okumusombookerwa okutura ku‑bhwengeeso bhwebhwe abheene. Tari Nyamuwanga ꞉eendere okuchungura bhanu abhamwikirisya okutura ku‑misango jinu echiraasya. Emisango ejo, abhaanu bhanu bhatakumenya Nyamuwanga, abhaayika ati ni ja echimuumu.

Baeburania 2:3

Araabha ꞉jaakorekeene kutyo ku‑bheene, angu, eswe chiritura kutiki okuwona okuyaanwa ebhitiibha, chikabha chitakwigana obhuchungusi obhunene rwa bhunu chibhwene? Raatabhugenyi Yeesu niwe ꞉aambire okuraasya obhuchungusi obhwo, na abhaanu bhanu bhaariga nibhamutegeresya wone nibhachibhwira ati, omusango gwa obhuchungusi ogwo ni gwa echimari.

Baeburania 9:28

Nyabhuriko Kirisito ꞉aasoosiibhwe okubha echoogo rumwi era, korereki asoosye‑wo ebhibhiibhi bhya abhaanu bhaafu. Kirisito ariija rwa kabhiri, nawe omwanya ogwo atariija okusoosya‑wo ebhibhiibhi. Tari ariija okuchungura abhaanu bhanu abhamurindirira mu‑bhwikomeesya.