3 Yoana 1:8 - Indagano Inyaaya mu-Chijita

⁸ Kurwa ejo, eswe wone, echikenwa okusakira abhaanu rwa abho. Kwa okukora kutyo, echibha chisangiiye aamwi nabho ku‑mirimu ja okuraasya echimari.

INDAGANO INYA:YA

⁸ Mbe kuci:ire eswe okukumaga be:ja:bo abo, korereki cikorerega aamwi mu je cimari.

3 Yoana 1:8 Referans Kwoze

3 Yoana 1:10

Kurwa ejo, aribha naaja eyo, niryayika joone jinu kaakora. Nirituura ku‑bhweru obhutaamutaamu bhwaye na emibhiibhi joone jinu kaayika inguru yeeswe. Jitari ejo era, tari kaarema okukuma abheejaasu bhanu bhari mu‑rugendo. Ka wone abheekirisya abhandi bhanu abheenda okubhakuma, kaabhagaanya na kaabhabhirimya bhasooke mw‑ikanisa.

Filemoni 1:24

Ka wone, abhakosi bheejaasu Maariko, Arisitaariko, Deema na Ruuka, abhakukeesya.

Filemoni 1:2

Echikeesya na Afiya, omuyara waasu mu‑riikirisya na Arikipo, omurwani weejaasu wa riremo rya echinyamwoyo, aamwi na abheekirisya bhanu abheekumanyaga mu‑nju yaawo.

1 Batesalonika 3:2

Nichituma Timoteewo omuyiri weeswe, korereki aaje okukomeesya emyoyo jeemwe na okubhasimbiisya inguru ya eriikirisya ryemwe. Omwene ni mukosi weejaasu wa Nyamuwanga, wa okuraasya Emisango ja Ekisi inguru ya Kirisito.

Bakolosai 4:11

Yeesu wone, unu kaatogwa Yuusito, kaabhakeesya. Agati ya Abhayawudi bhanu bheekirisiisye Kirisito, abho era nibho abhakora emirimu aamwi na anye mu‑bhukama bhwa Nyamuwanga. Abheene abhasimbiisya omwoyo gwani muno.

Bafilipi 4:3

Noorwo awe omukosi weejaasu omwiyikanyibhwa, enikusabhwa usakire abhagasi abho, korereki bhabhe na obhukarariiye bhumwi. Abho bhoone bhaanyaakaga muno aamwi na anye na Keremeeti na abhakosi bheejaasu abhandi, mu‑kuraasya Emisango ja Ekisi. Amasiina ga abhaanu abho bhoone gakaamirwe mu‑chitabho cha obhuwanga.

2 Bakorinto 8:23

Woori araabha omuunu keenda okusombookerwa emisango inguru ya Tiito, omwene ni mukosi weejaasu, unu kaakora emirimu aamwi na anye ku‑njira ya okubhasakira emwe. Araabha omuunu keenda okusombookerwa emisango inguru ya abhandi bhanu abhaaja aamwi nage, abho ni bhayiri bheeswe mu‑riikirisya, bhatumirwe na amakanisa, abheene wone abhakusya Kirisito.

2 Bakorinto 6:1

Woori, kwa okubha echikora emirimu aamwi na Nyamuwanga, echibheerembeeresya ati, obhwitiriranya bhwa Nyamuwanga bhunu muramiiye, mwasiga okubhusiga bhubhure kutyo era.

Ruuka 11:7

Nawe, omusaani oyo ˆnaamusubhya ati, ‘Siga okunnyaasya! Neegaaye orwigi, anye na abhaana bhaani chaamaamire ku‑mariri. Nitakutura okwimuka okukuyaana echiinu choonechoone.’

Matayo 10:40

“Omuunu woonewoone unu kaabhakuma, kaabha aankumire. Ka wone, omuunu woonewoone unu kaankuma, kaabha akumire Nyamuwanga unu antumire.

Matayo 10:14

Araabha mukeengira mu‑nju yooneyoone amwi mu‑musi gwonegwone na abhaanu bheende‑mo nibharema okubhakuma, na okubhategeresya, mukasooka mu‑nju eyo, amwi mu‑musi ogwo, mukuukumure oruteeri rwa ku‑maguru geemwe.

3 Yoana 1:7

Bhasakire, kwa okubha ꞉bhaambire orugendo orwa okuraasya Yeesu Kirisito, bhatabhwene obhusakisi bhwonebhwone okusooka ku‑bhaanu bhanu bhatari bheekirisya.

3 Yoana 1:9

Mbe, ꞉naakaamiiye rikanisa inyarubha, nawe Diyotiriife unu keetuura imbere wuti niwe omutangasya weebhwe, atakuchigayukaga.