2 Yoana 1:6 - Indagano Inyaaya mu-Chijita

⁶ Okwendana ni kugenderera okugayuka ebhiraagiro bhya Nyamuwanga. Cheendane nicho echiraagiro chinu ꞉mwoonguuwe okusookerera omwanya gunu ꞉mwaambire okwikirisya Yeesu Kirisito.

INDAGANO INYA:YA

⁶ No kwenda nikwo kunu ati, ciribatega mu biragiro byae. Eco nico eciragiro, rwa kutyo mwonguywe kuso:ka ku bwambiro, korereki muciribatiregamo.

2 Yoana 1:6 Referans Kwoze

1 Yoana 5:3

Okubha okwenda Nyamuwanga ni kugayuka ebhiraagiro bhyaye. Ka wone okugayuka ebhiraagiro bhyaye kutari kukomeeye,

1 Yoana 2:24

Kurwa ejo, mu‑myoyo jeemwe, mugenderere okuruubha emeeyigisyo garya ꞉mweeyigisiibhwe okusookerera omwanya gunu ꞉mwaambire okwikirisya Yeesu Kirisito. Okubha, araabha mukagenderera okuruubha ameeyigisyo ago, niwo omugenderera okubha na obhumwi na Omwana, aamwi na Raata Nyamuwanga.

1 Yoana 2:5

Tari omuunu unu kaagayuka ebhiraagiro bhyaye, chimari eryenda rya Nyamuwanga erikuumira mu‑mwoyo gwaye. Kutyo nikwo echimenya ati chiri na obhumwi na Nyamuwanga.

Yowana 15:10

Araabha mukagwata ebhiraagiro bhyani, omuja okugenderera okurama mu‑ryenda ryani, rwa kutyo anye enigayuka ebhiraagiro bhya Raata waani na okurama mu‑ryenda ryaye.

Yowana 14:15

“Araabha mukanyeenda, murigwata ebhiraagiro bhyani.

Yowana 15:14

Araabha mukakora jinu nibharagiriiye, emwe muri bhasaani bhaani.

Yowana 14:21

Omuunu woonewoone unu kaamenya na okugwata ebhiraagiro bhyani, oyo niwe aanyendere. Na omuunu unu aanyendere, Raata waani arimwenda. Na anye nirimwenda na okwiyeresya ku‑mwene.”

1 Yoana 5:15

Mbe, eswe echimenya ati Nyamuwanga kaategeresya risabhwa ryeswe, nikwo okukora, echimenya wone ati, kaachiyaana ebhiinu bhinu echimusabhwa.

2 Yoana 1:5

Woori, omusubhaati omwendwa, ku‑nyarubha inu, enikusabhwa ugayuke echiraagiro chinu echaayika ati cheendane. Echiraagiro chinu enikukaamira chitari chiyaaya wuri, tari ni chiryachirya cha kara chinu chaariga chiri nacho okusookerera omwanya gunu ꞉chaambire okwikirisya Yeesu.

Yowana 14:23

Yeesu ˆnaamusubhya ati, “Omuunu woonewoone unu aanyendere, arigwata emisango jaani na Raata waani arimwenda. Ka wone anye na Raata chiriija ku‑mwene na okwikara aamwi nage.

1 Yoana 2:7

Abheendwa bhaani mu‑riikirisya, echiraagiro chinu enibhakaamira chitari chiyaaya, tari ni chiryachirya cha kara chinu mwariga muri nacho okusookerera omwanya gunu ꞉mwaambire okwikirisya Yeesu Kirisito. Echiraagiro echo, ni musango gurya ꞉mwoonguuwe inguru ya eryenda.