2 Timoteo 4:11 - Indagano Inyaaya mu-Chijita

¹¹ Ruuka eenyere era niwe asigaaye aamwi na anye anu okunsakira. Woori, ukaaja enu, gega Maariko, wuuje nage kwa okubha eeyire abhe omusakisi waani mu‑mirimu ja Nyamuwanga.

INDAGANO INYA:YA

¹¹ Luka niwe cinage enyere:ra. Gega Mariko, u:je aamwi nage, okuba kansakira mu mirimu.

2 Timoteo 4:11 Referans Kwoze

Ebikorwa 12:12

Peetero ejire aamenya ejo, ˆnaagenda aroobhere mu‑nju ya Maryamu nyiramwene Yowana, unu aatogwaga Maariko. Mu‑nju eyo nimwo abheekirisya abhaafu bhaariga bheekofyanyiisye nibhasabhirwaga Peetero ku‑Nyamuwanga.

Filemoni 1:24

Ka wone, abhakosi bheejaasu Maariko, Arisitaariko, Deema na Ruuka, abhakukeesya.

Ebikorwa 12:25

Bharinaabha na Saawuri, bhejire bhaamara emirimu jeebhwe ja okusira obhusakisi Yerusareemu, nibhagega Yowana unu aatogwaga Maariko, nibheemuka nage Yerusareemu okusubha mu‑musi gwa Atiyookiya.

2 Timoteo 1:15

Timoteewo, awe owumenya ati, abhaanu bhoone bha mu‑mukoowa gwa Asiya ꞉bhaansigire. Mu‑abho ari‑mo Fuugero na Erimogeene.

Bakolosai 4:14

Ruuka omuragusi weeswe omwendwa aamwi na Deema, abhabhakeesya.

Bakolosai 4:10

Arisitaariko, unu abhoyerwe aamwi na anye mw‑ibhoyero enu, kaabhakeesya. Maariko wone, omuyiri wa Bharinaabha, kaabhakeesya. Mwabhwene amaragiriro inguru yaaye. Aribha abhakinga‑ko eyo, mumukume kisi.

Ebikorwa 15:39

Ejo nijikora Pawuro na Bharinaabha bhayombe muno, okukingira nibhaawukana. Bharinaabha ˆnaagega Maariko, nibhagenda aamwi na ingarabha nibhakinga kw‑isinga rya Kiipuro.

1 Petero 5:13

Abheekirisya bha rikanisa rinu riri Bhaabheeri, abhasorwa abheejaanyu, abhabhakeesya. Noorwo Maariko, omwana waani mu‑riikirisya, kaabhakeesya.

Ebikorwa 16:10

Pawuro ejire aamara okurora ebhiroro ebhyo, awoawo nichikora bhwangu okuyenja ingarabha chigende Makedooniya eyo, kwa okubha ꞉chaarorere ati Nyamuwanga achibhirikiiye korereki chiraasisye abhaanu bheende‑yo Emisango ja Ekisi.

Ruuka 13:30

“Mutegeresye! Abhaanu bhanu bhasingiriiye woori, bharitangata. Ka wone, abhaanu bhanu bhatangatire woori, bharisingirira.”

Matayo 20:16

Yeesu ˆnaamariisya kwa okwayika ati, “Kutyo, abhaanu bhanu bhasingiriiye woori, bharitangata. Ka wone, abhaanu bhanu bhatangatire woori, bharisingirira.”

Matayo 19:30

Nawe abhaanu bhaafu bhanu bhatangatire woori, bharisingirira. Ka wone, abhaanu bhaafu bhanu bhasingiriiye woori, bharitangata.”

Ebikorwa 15:37

Mu‑rugendo orwo, Bharinaabha aariga ˆnaakena bhagege Yowana unu aatogwaga Maariko, agende aamwi nabho.

2 Timoteo 2:21

Woori, omuunu aakeeyesya na okusigana na ameeyigisyo geebhwe, kaabha rwa echiinu cha okukorera emirimu ja echibharo chinu chaawuuywe, aribhaga eeyire ku‑Raatabhugenyi waaye. Omuunu oyo aribhaga emariiriiye okukora ebhikorwa bhya ekisi.