2 Timoteo 4:1 - Indagano Inyaaya mu-Chijita

¹ Enikuragirira jinu imbere ya Nyamuwanga na imbere ya Kirisito Yeesu, unu ariramura abhaanga na abhafuuwe. Kirisito arikora kutyo aribha aasubha rindi na bhuri muunu arimurora. Ka wone, ariija okutunga rwa omukama.

INDAGANO INYA:YA

¹ Enikukomeresya imbere ya Nyamuanga na Kristo Yesu, unu ariramura abaanga na bafu:ye, na kurwo kuboneka kwae no bukama bwae, ati,

2 Timoteo 4:1 Referans Kwoze

Ebikorwa 10:42

ˆNaachiragirira okwiyigisya abhaanu Emisango ja Ekisi, na okusoosya obhubhambaasi ati omwene niwe ꞉aasorerwe na Nyamuwanga, aramure bhoone, abhaanga na abhafuuwe.

2 Timoteo 4:8

Woori nirindirira era okuyaanwa orutengya rwa okurama kwa obhurengeresi. Raatabhugenyi Yeesu, omuramusi wa rirenga, arinaana orusuku runu arisubha. Orutengya orwo nitariyaanwa anye era, tari na abhandi bhoone bhanu abharindirira kwa obhwiro okusubha kwaye.

1 Timoteo 5:21

Enikuragirira imbere ya Nyamuwanga, imbere ya Kirisito Yeesu na imbere ya bhamaraayika abhasorwa ati, ukorega ejo, waasiga okwiwuta okusoosya indamu amwi okubha na isoroore ku‑rubhaara rumwi.

2 Timoteo 2:14

Wiichukye abheekirisya emisango ejo. Ubharagirire imbere ya Nyamuwanga, bhasige okubhambasyanya inguru ya emisango emitoototooto. Jimamba ejo jitari‑mo omuriiro, tari ejinyamura bhanu abhoongwa.

Matayo 16:27

Okubha anye Omwana wa Omuunu, niriija aamwi na bhamaraayika bhaani mw‑ikusyo rya Raata waani. Niwo niririya bhuri muunu okuruubhana na ebhikorwa bhyaye.

Tiito 2:13

Eswe, echirindirira chiiyikanyisye inguru ya orusuku rwa okuruguusya runu Yeesu Kirisito arisubha ari mw‑ikusyo ryaye. Omwene niwe Nyamuwanga omukuru na Omuchungusi weeswe.

1 Petero 5:4

Mbe, Omureefi Omukuru wa rikanisa aribha aswerurwa, muriyaanwa orutengya rwa rikusyo runu rutakunyamuka.

1 Yoana 2:28

Woori, abhaana bhaani mu‑riikirisya, mugenderere okubha na obhumwi na Kirisito, korereki omwanya gunu arisubha rindi, chisige okuubhaya na okwiswara, tari chibhe na ribhaasi.

1 Petero 4:5

Nawe, abheene bharikenwa bheebhagire ku‑Nyamuwanga. Omwene atengeejere okuramura abhaanu bhoone abhaanga na abhafuuwe.

1 Petero 1:7

Amaregeejo ago, agaregeeja eriikirisya ryemwe, korereki ribhonekane ati ni rya echimari. Noorwo inaaryo, inu eyitura okusingaarika, eyochiibhwa mu‑muriro korereki wone iregeejibhwe. Nyabhuriko, eriikirisya ryemwe rinu riri na obhurambu obhunene okukira inaaryo, ni bhusibhusi wone riregeejibhwe, ribhonekane ati ni rya echimari. Awo niwo, Yeesu Kirisito aribhakuuya, aribhayaana rikusyo na echibharo, orusuku runu ariswerurwa.

2 Batesalonika 2:8

Awo niwo Omunyamusi oyo arituurwa abhweru. Nawe Raatabhugenyi Yeesu aribha aasubha rindi, arimwita na omwika gwa mu‑kanwa kaaye na arimusingaarisya na rikusyo rya okuuja kwaye.

Barumi 2:16

Nikwo kutyo jiribha ku‑rusuku rwa indamu. Nyamuwanga ariramura abhaanu okutura ku‑Kirisito Yeesu, noorwo emisango jeebhwe ja imbisike, rwa kutyo ejaayika Emisango ja Ekisi jinu eniraasya.

Ebikorwa 17:31

Kurwa ejo ꞉aateeye‑wo orusuku runu ariramura abhaanu bhoone kwa echimari, ku‑njira ya omusorwa waaye. ꞉Eeresiisye abhaanu bhoone echimari cha ejo kwa okumusuurura omuunu oyo okusooka mu‑bhafuuwe.”

2 Petero 1:11

Kutyo, murikumibhwa kisi mu‑bhukama bhwa akajaanende bhwa Raatabhugenyi na Omuchungusi weeswe Yeesu Kirisito.

Ruuka 23:42

Ejire aamara okugonya oweejaabho ˆnaayika ati, “Yeesu awe, unyichuke anye anu omwanya gunu uriingira mu‑bhukama bhwawo.”

Ruuka 19:15

Nawe omuunu oyo, ˆnaayaanwa obhukama, ˆnaasubha mu‑chaaro cha ewaabho. Ejire aakinga, ˆnaabhirikira abhagaya bhaaye bhanu ꞉aayaaye jipirya, korereki amenye omuriiro gunu bhuri umwi weebhwe ꞉aabhwene.

Ruuka 19:12

Kurwa ejo, ˆnaayika ati, “Aariga ari‑wo omuunu umwi wa echibharo cha inguru muno. Omuunu oyo, ꞉aagendere mu‑rugendo mu‑chaaro cha kura, korereki abhone obhukama, akamara asubhe okubha omutungi mu‑chaaro cha ewaabho.

Obhusweruro 1:7

Muringire! Ariija ari ku‑meere! Abhaanu bhoone bharimurora, noorwo bhanu ꞉bhaamusomere, wone bharimurora. Jingʼanda joone mu‑chaaro jiririra inguru yaaye. Chimari nikwo kutyo jiribha. Jibhe kutyo.

2 Petero 1:17

Eswe chaariga chiri aamwi na Yeesu mu‑chiima echeeru, omwanya gunu ꞉aayaaywe echibharo okusooka ku‑Raata Nyamuwanga. Omwanya ogwo, obhuraka bhwa rikusyo rikuru ꞉bhwasookere mu‑rwire ku‑Nyamuwanga omwene, nibhwayikaga ati, “Unu niwe Omwana waani omwendwa, niwe kaankondisya.” Kurwa ejo, eswe abheene chaariga chiri abhabhambaasi bhanu ꞉choonguuwe emisango ejo.

Bakolosai 3:4

Mbe, obhurame obhwo obhuruubhana na Kirisito. Omwanya gunu aribhuurika, niwo emwe wone muribhuurika aamwi nage na okusangira aamwi rikusyo ryaye.

2 Timoteo 1:10

Nawe woori, Nyamuwanga eeresya obhwitiriranya bhwaye kw‑iswe, kwa okuuja kwa Omuchungusi weeswe Kirisito Yeesu. Omwene ꞉aayigire amanaga ga orufu na ꞉eeresiisye obhuwanga bhwa akajaanende ku‑njira ya Emisango ja Ekisi.

2 Timoteo 4:18

Enimenya ati arigenderera okumonʼya okusooka mu‑bhibhiibhi bhyone na okunyangarira, okukingira aankingye mu‑bhukama bhwaye mu‑rwire. Raatabhugenyi Yeesu akusibhwe akajaanende koone. Jibhe kutyo.