2 Timoteo 3:16 - Indagano Inyaaya mu-Chijita

¹⁶ Ebhikaame Ebhyeru bhyone ebhisooka ku‑Nyamuwanga. Kurwa ejo, bhiiyire okwiyigisisya abhaanu echimari, okweresya abhaanu ebhibhiibhi bhyebhwe, okugonya abhaanu korereki bhasige ebhibhiibhi bhyebhwe na okwiyigisya abhaanu okukora ja obhurengeresi imbere ya Nyamuwanga.

INDAGANO INYA:YA

¹⁶ Binu Byandikirwe byone ni mwika gwa Nyamuanga, bi:ire kurwo kwiigisya, na kurwo kutongera, na kurwo kwimya, na kurwo kwengeya mu burenge:resi,

2 Timoteo 3:16 Referans Kwoze

Barumi 15:4

Joone jinu ꞉jaakaamirwe kara mu‑Bhikaame Ebhyeru, ꞉jaakaamirwe inguru ya okuchiiyigisya. Ebhikaame ebhyo ebhichisakira okwigumiirisya mu‑bhinyaasyo bhyeswe na okufungʼamibhwa, korereki chibhe na obhwiyikanyo.

Baeburania 4:12

Omusango gwa Nyamuwanga ni muwanga ka wone guri na amanaga okukira imbanda yooneyoone eya amoogi gabhiri. Rwa kutyo imbanda eyitura okusoma omuunu nikinga ku‑mawa gaaye, nikwo kutyo wone omusango gwa Nyamuwanga ogutura okusoma omuunu, nigwingira muno mu‑mwoyo gwaye, niguswerura jinu keeganirisya na jinu keenda.

Mariko 12:24

Yeesu ˆnaabhasubhya ati, “Emwe mubhurire, kwa okubha mutakumenya jinu jikaamirwe mu‑Bhikaame Ebhyeru noorwo obhuturo bhwa Nyamuwanga kutyo bhuri.

2 Timoteo 4:2

Genderera okuraasya Emisango ja Ekisi ja Nyamuwanga. Ubhe wimaririiye okukora kutyo, omwanya gunu gwiyire amwi gunu guteeyire. Kengyaga, gonyaga na simbagirisyaga abhaanu. Ukore kutyo, kwa okwiyigisya mu‑bhwigumiirisya bhwone.

2 Timoteo 2:25

Eenderwe abhe ˆnaatongeraga kwa obhworooro abhaanu bhanu abhabhambasyanya nage, ˆneeyikanyaga ati Nyamuwanga kaatura okukora bhate na okumenya echimari.

Ebikorwa 20:20

Omumenya ati ꞉nitaasigire okubharaasisya omusango gwonegwone gwa okubhasakira. Naabharaasisyaga abhwerubhweru, noorwo mu‑nju jeemwe.

Yowana 3:20

Abhaanu bhoone bhanu abhakora ebhikorwa ebhijabhi, abhabhiyiririrwa obhweru obhwo. Bhatakwenda okuuja mu‑bhweru, korereki ebhikorwa bhyebhwe ebhijabhi bhyasiga okutuurwa abhweru.

Matayo 13:52

Omwene ˆnaabhabhwira ati, “Omwiyigisya woonewoone unu kaasombookerwa ebhiraagiro bhya Muusa na obhukama bhwa mu‑rwire, ari rwa omwene musi unu kaasoosya mw‑ibhiikiro ryaye ebhiinu ebhiyaaya na ebhikokoro.”

Ebikorwa 18:25

Omuunu oyo aariga eeyigisiibhwe injira ya Raatabhugenyi, na aariga ˆnaayiririrwa mu‑mwoyo gwaye, ˆneeyigisyaga na okwayika abhwerubhweru inguru ya Yeesu. Noorwo kutyo aariga amenyere inguru ya obhubhatiijo bhwa Yowana era.

Barumi 2:20

Owirora ati awe uri mwiyigisya wa abhaana na abhaanu bhanu bhatakusombookerwa echimari cha Nyamuwanga, kwa okubha ebhiraagiro ebhikubhwira emisango joone ja obhwengeeso na obhumenyi bhwa echimari.

Bagalatia 3:8

Ebhikaame Ebhyeru ꞉bhyaragire ati Nyamuwanga akabharire abhaanu bhanu bhatari Bhayawudi okubha abharengeresi imbere yaaye kwa eriikirisya ryebhwe. Nyamuwanga ꞉aatangatire okuraasisya Bhurayimu emisango ja ekisi ejo ati, “Okutura kw‑awe, abhaanu bha amaanga goone bharibhona amabhando.”

Baeburania 3:7

Kurwa ejo, cheenderwe chitegeresye jinu Mwoyo Mweru kaayika mu‑Bhikaame Ebhyeru ati, “Reero inu, mukoongwa obhuraka bhwa Nyamuwanga,

1 Bakorinto 12:7

Mwoyo keeswerura ku‑bhuri muunu, korereki abhaanu bhoone bhabhone omuriiro.

Ebikorwa 20:27

Okubha bhuri gunu Nyamuwanga eendaga mugumenye, naabhabhwiraga nitaabha na echiitimaato.

Yowana 10:35

Jikaamirwe mu‑Bhikaame Ebhyeru ati, abhaanu bhanu ꞉bhaaramiiye emisango ja Nyamuwanga, abho Nyamuwanga ꞉aabhabhirikiiye ati ni bhanyamuwanga. Eswe chimenyere ati, jinu jikaamirwe mu‑Bhikaame Ebhyeru ni ja chimari.

Matayo 26:56

Nawe jinu joone jaakorekana, korereki jikuumire jinu abharagi ꞉bhaakaamire mu‑Bhikaame Ebhyeru.” Mbe, abheeyigisibhwa bhaaye bhoone nibheeruka, nibhasiga Yeesu omwene.

Ebikorwa 1:16

“Abhayiri bhaasu mu‑riikirisya, emisango jinu ꞉jaakaamirwe mu‑Bhikaame Ebhyeru inguru ya Yuuda jaariga jiri bhusibhusi jikuumire. Ejo ꞉jaaragirwe na Mwoyo Mweru okutura mu‑kanwa aka omukama Dawudi inguru yaaye, unu ꞉aatangasiisye bhanu ꞉bhaagwatire Yeesu.

Matayo 21:42

Niwo Yeesu ˆnaabhabhwira ati, “Angu, muchaariga okusoma jinu jikaamirwe mu‑Bhikaame Ebhyeru? Jikaamirwe ati, ‘Ribhuyi rinu abhoombaki ꞉bhaaremere, niryo ryabha ribhuyi rinene rya orufuka. Raatabhugenyi niwe aakora ogwo, ogwo ni musango gwa okuruguusya kw‑iswe.’”

Barumi 4:23

Woori, emisango jinu ejaayika ati, “Nyamuwanga ꞉aamubharire okubha omuunu omurengeresi imbere yaaye,” ꞉jitaakaamirwe inguru ya Bhurayimu era,

Baeburania 11:1

Mbe, eriikirisya ni kubha na echimari cha emisango jinu echiiyikanya. Ka wone ni kwikirisya kata ati emisango jinu chitakurora woori ni ja chimari.

Barumi 3:2

Ni chimari ati, okubha Omuyawudi kuri‑mo omuriiro mwafu. Omusango gwa okwamba ni ati, Nyamuwanga ꞉aayaaye Abhayawudi emisango jaaye.

Ebikorwa 28:25

Kurwa ejo, Abhayawudi abho nibhaamba okusooka‑wo bhateekirisyanyisye wuri abheene kwa abheene. Bhunu bhaariga nibhasooka‑wo, Pawuro ꞉aabhabhwiriiye ati, “Mwoyo Mweru ꞉aayikire echimari ˆnaabhwiraga bhasaaja weeswe, ku‑njira ya omuragi Iisaya ati,

Mariko 12:36

Dawudi omwene omwanya gunu aatangasibhwaga na Mwoyo Mweru, ꞉aayikire ati, ‘Raatabhugenyi Nyamuwanga ꞉aabhwiriiye Raatabhugenyi waani ati, “Inyanja orubhaara rwani rwa ebhuryo, okukingira omwanya gunu enija okutuura abhasoko bhaawo emwaro ya amaguru gaawo.”’

Matayo 26:54

Angu, araabha nikakora kutyo, mbe ejitura kutiki okukuumira jinu jikaamirwe mu‑Bhikaame Ebhyeru ati, nikwo kutyo ejikenwa jikorekane?”

Matayo 22:43

Yeesu ˆnaabhabhuusya ati, “Araabha ejo ni ja chimari, ni kurwa ki Dawudi, omwanya gunu aatangasibhwaga na Mwoyo wa Nyamuwanga, ꞉aabhirikiiye Kirisito, ‘Raatabhugenyi’? ꞉Aayikire ati,