2 Timoteo 3:14 - Indagano Inyaaya mu-Chijita

¹⁴ Nawe awe genderera okuruubhirisya jinu ꞉bhaakwiyigisiisye nuujiikirisya ati ni ja echimari. Okubha ubhamenyere kisi bhoone bhanu ꞉weeyigiiye‑ko.

INDAGANO INYA:YA

¹⁴ Nawe awe ubega mu binu weigisibwe, na mu binu wakomeresibwe, okuba umenyere banu bakwiigisisye.

2 Timoteo 3:14 Referans Kwoze

1 Batesalonika 2:13

Kurwa ejo, eswe chitakuyigwa okusiima Nyamuwanga, kwa okubha mwejire mwoongwa emisango jaaye okusooka kw‑iswe, ꞉mutaajiikirisiisye wuti ni misango ja abhaanu. Nawe, ꞉mwajiikirisiisye mumenyere ati ejisooka ku‑Nyamuwanga. Chimari, nikwo kutyo jiri. Emisango ejo, nijo ejikora emirimu mu‑myoyo jeemwe, emwe abheekirisya.

2 Timoteo 2:2

Awe ꞉woonguuwe ameeyigisyo ganu neeyigisyaga imbere ya abhabhambaasi bhaafu. Mbe, awe wone uyaane abhaanu abheeyikanyibhwa, bhanu abhatura okwiyigisya abhandi.

2 Timoteo 1:13

Ugwate kisi ameeyigisyo ga echimari ganu ꞉naakwiyigisiisye. Wiyigisye ago, ubhe echijekekanyo cha eriikirisya na eryenda bhinu ebhibhonekana kwa okwikirisya Kirisito Yeesu.

1 Batesalonika 1:5

Echimenya kutyo, kwa okubha omwanya gunu ꞉chaabharaasisiisye Emisango ja Ekisi inguru ya Yeesu, ꞉chitaabharaasisiisye emisango era. Tari okuraasya kweswe, ꞉kwaruubheene na ebhiruguusyo bhinu bhyakorwaga na Mwoyo Mweru. ꞉Chaaraasiisye chimenyere kisi ati, emisango ejo ni ja echimari. Emwe abheene mumenyere kutyo chaariga chiri aamwi na emwe, korereki chibhasakire.

Baeburania 10:22

Kurwa ejo chifogere imbere ya Nyamuwanga chiri na emyoyo emyeru na eriikirisya rya echimari, okubha Nyamuwanga eesiisye emitima jeeswe emijabhi ku‑njira ya isagama ya Yeesu, na oosiisye emibhiri jeeswe na amanji ameeru.

Baeburania 6:11

Eniigomba muno ati bhuri umwi weemwe eeresyega okwikomeesya okwookwo okukingira ku‑bhuteero, korereki muramire joone jinu omwiyikanya.

1 Timoteo 4:16

Iyangarira awe omwene, inguru ya jitungwa jaawo na ameeyigisyo gaawo na ugenderere okukora kutyo. Ukakora ejo urichunguka awe omwene aamwi na abhaanu bhanu abhakutegeresya.

2 Timoteo 3:15

Okusookerera ku‑bhwana bhwawo owumenya Ebhikaame Ebhyeru. Ebhikaame ebhyo ebhikuyaana obhuturo bhwa okusombookerwa ati obhuchungusi obhubhonekana kwa okwikirisya Kirisito Yeesu.

Barumi 14:5

Omuunu umwi kaarora ati orusuku orurebhe ruri na obhugajuro okukira orusuku orundi, nawe omuunu owundi kaarora ati jisiku joone ejisusana. Bhuri muunu akorega gunu kaamenya chimari ati ni gwa kisi.

Bakolosai 2:2

Enikora kutyo, korereki emyoyo jeemwe bhoone, jisimbiisibhwe na okugwatanyibhwa aamwi mu‑ryenda. Eneenda murumatane chimwi mu‑kusombookerwa, na okumenya obhutinge bhwa imbisike ya Nyamuwanga bhunu ku‑bhwambiro bhwariga bhubhisirwe. Imbisike eyo nikwo okumenya Kirisito omwene.

Ebikorwa 17:31

Kurwa ejo ꞉aateeye‑wo orusuku runu ariramura abhaanu bhoone kwa echimari, ku‑njira ya omusorwa waaye. ꞉Eeresiisye abhaanu bhoone echimari cha ejo kwa okumusuurura omuunu oyo okusooka mu‑bhafuuwe.”

Tiito 1:9

Abhe na eriikirisya rinu rirumateene ku‑misango ja echimari inguru ya Yeesu Kirisito, rwa kutyo ꞉eeyigisiibhwe. Niwo omwene wone, kaatura okusimbiisya abhaanu abhandi ku‑meeyigisyo ga echimari na okugonya abhaanu bhanu abhaayika emibhiibhi inguru ya ameeyigisyo ago.