2 Timoteo 3:11 - Indagano Inyaaya mu-Chijita

¹¹ eryenda ryani na okurindirira kwani. Owumenya kutyo abhaanu bhaannyaasyaga, bhunu naariga niri mu‑misi ja Atiyookiya, Yikoniya na Risitura. Ka wone, owumenya kutyo neegumiirisiisye jinyaako joone okukingira Raatabhugenyi ˆnaamonʼya okusooka mw‑ijo joone.

INDAGANO INYA:YA

¹¹ No kunya:sibwa kwani, no kunya:ka kwani, binu byambwene mu Antiokia, na mu Ekonio, na mu Lusitira, rwa kutyo nanya:sibwaga. Na Ratabugenyi amonyisye mu byone.

2 Timoteo 3:11 Referans Kwoze

Ebikorwa 13:45

Nawe omwanya gunu abhatangasya bha Abhayawudi ꞉bhaarorere echise echinene cha abhaanu, nibhabha na orwiso muno. Niwo nibharema jinu Pawuro aayikaga, enu nibhamufumaga.

2 Petero 2:9

Kurwa ejo, Raatabhugenyi kaamenya kutyo kaawonʼya okusooka mu‑maregeejo abhaanu bhanu abhamugayuka. Ka wone, kaamenya kutyo kaja okuyaana ebhitiibha abhakosi bha ebhibhiibhi orusuku rurya rwa okuramurwa,

2 Timoteo 4:7

Nirwanire riremo kisi, orugendo rwani nirumarire kisi, ka wone eriikirisya ryani nirigwatiriiye ngʼanyangʼanya.

Ebikorwa 26:22

Nawe, Nyamuwanga ꞉aansakiiye okukingira orusuku rwa reero. Akorere niniimereeguru anu imbere ya abhaanu bhoone, abhakuru na abharera, korereki okusoosya obhubhambaasi. Emisango jinu enaayika, nijo jirya era Muusa na abharagi abhandi ꞉bhaayikire ati jirikorekana.

Ebikorwa 26:17

Enija okukuwonʼya okusooka mu‑mabhoko ga Abhayawudi bheejaanyu na mu‑mabhoko ga abhaanu bhanu bhatari Bhayawudi bhanu enikutuma‑ko.

Ebikorwa 23:10

Injogere niigenderera okukanya, okukingira omukuru wa abhasirikare urya ˆnaayaya, ˆneetogera ati bhakatabhuuye Pawuro bhibhaarabhaara. Kurwa ejo, ˆnaaragirira abhasirikare bhagende bhamusoosye agatigati ya abhaanu bharya kwa amanaga na okumwingisya mu‑runengo rwa obhutungi.

Ebikorwa 20:19

Naariga ninkorera Raatabhugenyi mu‑kwikeeya kwone, kwa amasiga na ku‑maregeejo ganu ꞉gaasookeene na inuku ya Abhayawudi.

Ebikorwa 13:14

Bhejire bheeya Pawuro na Bharinaabha nibhasooka Perege, nibhagenda, nibhasikirira mu‑musi gwa Atiyookiya mu‑mukoowa gwa Pisiidiya. Orusuku rwa Isabhaato, nibheengira mu‑nju ya eriikofyanyo rya Abhayawudi nibheenyanja.

Ebikorwa 9:16

Anye omwene enija okumweresya kutyo arinyaasibhwa muno inguru ya risiina ryani.”

Ebikorwa 14:8

Mu‑musi gwa Risitura, aariga ari‑mo omuunu umwi unu aariga aremaaye okusookerera okwibhurwa kwaye, aariga atakutura okuribhata wuri.

Barumi 15:31

Munsabhirwe ati, abhaanu bha mu‑mukoowa gwa Yuudeya bhanu bhatakwikirisya Yeesu Kirisito, bhaasiga okunkorera amabhiibhi. Ka wone, munsabhirwe ati, abheekirisya bha Yerusareemu erya, bheekirisye okuramira obhusakisi bhunu enija okubhasirira.

2 Bakorinto 1:5

Rwa kutyo ebhinyaasyo ebhifura kw‑iswe inguru ya Kirisito, nikwo kutyo Nyamuwanga kaagenderera okuchifungʼamya okutura ku‑Kirisito.

2 Bakorinto 1:7

Obhwiyikanyo bhweswe kw‑imwe ni bhunene, kwa okubha chimenyere ati, kutyo emwe omunyaaka rwa eswe, nikwo kutyo omufungʼamibhwa rwa eswe.

2 Bakorinto 12:10

Enikondererwa obhujorobhoke bhwani, ka wone enikondererwa amafumo, jimbuma, jinyaako, na ebhinyaasyo, bhinu ebhimbona inguru ya Kirisito. Enikondererwa, kwa okubha omwanya gunu enibha niri mujorobhoke, niwo enibha niri na amanaga.