2 Timoteo 2:25 - Indagano Inyaaya mu-Chijita

²⁵ Eenderwe abhe ˆnaatongeraga kwa obhworooro abhaanu bhanu abhabhambasyanya nage, ˆneeyikanyaga ati Nyamuwanga kaatura okukora bhate na okumenya echimari.

INDAGANO INYA:YA

²⁵ Atongerega mu bufura banu abayajana, e:fura amwi Nyamuanga aribayana okuta, bamenyegesye ebye cimari,

2 Timoteo 2:25 Referans Kwoze

Bagalatia 6:1

Abhayiri bhaani mu‑riikirisya, araabha mukamenya ati oweejaanyu aakora echibhiibhi, emwe bhanu omutangasibhwa na Mwoyo Mweru, mumusubhye ku‑tungwa ja ekisi. Mukore kutyo mu‑mwoyo gwa obhworooro. Nawe mwiyangarire, mwasiga okusakwa na okubha na jitungwa rwa jaaye.

Ebikorwa 11:18

Omwanya gunu Abhayawudi abho ꞉bhoonguuwe ejo, nibhasiga okubhambasyanya nage. Nibhakusya Nyamuwanga nibhaayika ati, “Mbe, Nyamuwanga aayaana abhaanu bhanu bhatari Bhayawudi wone obhuwanga bhwa akajaanende mu‑kuta ebhibhiibhi bhyebhwe!”

1 Timoteo 2:4

Nyamuwanga keenda abhaanu bhoone bhachungurwe na okumenya echimari.

1 Petero 3:15

Ka wone, siku joone, mubhe mwimaririiye okusubhya omuunu woonewoone unu aribhabhuusya chinu omwiyikanya. Nawe mukore kutyo, mu‑bhworooro na echibharo.

1 Yoana 5:16

Bhiri‑wo ebhibhiibhi bhinu bhitakutaaganya omuunu na Nyamuwanga akajaanende koone. Araabha omuunu woonewoone kw‑imwe akarora oweejaabho unu kaakora ebhibhiibhi rwa ebhyo, amusabhirwe ku‑Nyamuwanga, Nyamuwanga omwene kaja okumuyaana obhuwanga. Omusango gunu ni inguru ya bhanu abhakora ebhibhiibhi ebhyo. Nawe bhiri‑wo ebhibhiibhi bhinu ebhitaaganya omuunu na Nyamuwanga akajaanende koone. Anye nitakwayika ati asabhirwe omuunu oyo ku‑Nyamuwanga inguru ya ebhibhiibhi ebhyo.

Ebikorwa 8:22

Nuute chimwi obhunyamuke bhwawo bhunu, na usabhwe Raatabhugenyi echigongo. Amwi kaatura okukufwira echigongo, inguru ya obhwiganirisya bhwawo obhubhiibhi, bhwa omutima gwawo.

2 Timoteo 3:7

Abhagasi abho abheeyigira omwanya gwone, nawe abhataamibhwa chimwi okusombookerwa echimari.

Matayo 11:29

Anye niri mworooro, ka wone niri mwikeeya. Kurwa ejo, mwitwike ingurwema yaani, mwiyigire okusooka kw‑anye, niwo niribhayaana omurembe mu‑myoyo jeemwe.

Yakobo 1:17

Bhuri echiinu cha ekisi chinu echiyaanwa, echisooka mu‑rwire ku‑Nyamuwanga Omubhumbi wa risuubha, okwesi na jinjota. Omwene ni wa ekisi siku joone, atakuyindukayinduka rwa rirengesi rinu erichuukurukachuukuruka.

Tiito 1:1

Inyarubha inu, niikaamire anye Pawuro, omukosi wa Nyamuwanga na itumwa ya Yeesu Kirisito. Nitumirwe okusimbiisya abhaanu bhanu Nyamuwanga asorere, korereki bhabhe na eriikirisya enene na bhamenye ameeyigisyo ga echimari inguru ya Kirisito. Ameeyigisyo ago, garibhakora okurama rwa kutyo Nyamuwanga keenda.

Ebikorwa 20:21

Naabhwiraga Abhayawudi na bhanu bhatari Bhayawudi ati, bhayindukire Nyamuwanga, bhate ebhibhiibhi bhyebhwe na bheekirisye Raatabhugenyi weeswe Yeesu Kirisito.

Ebikorwa 5:31

Neeya, Nyamuwanga ˆneenamusya Yeesu unu, ˆnaamutuura orubhaara rwaye rwa ebhuryo, abhe Omutungi na Omuchungusi, korereki asakire Abhayisirayeeri bhate ebhibhiibhi bhyebhwe, bhafwirwe echigongo.

Ebikorwa 2:38

Peetero ˆnaabhabhwira ati, “Bhuri umwi weemwe ate ebhibhiibhi bhyaye, na abhatiijibhwe kw‑isiina rya Yeesu Kirisito, korereki afwirwe echigongo ebhibhiibhi bhyaye, emwe omuja okuyaanwa echiyaanwa cha Mwoyo Mweru.

Yowana 5:34

Anye nitakwiyikanya obhubhambaasi bhwa abhaanu, nawe enibhabhwira emisango ejo joone, korereki muture okuchungurwa.

Mariko 1:15

Aaraasyaga, ˆnaayikaga ati, “Omwanya gunu ꞉gwaragirwe, gwakinga, obhukama bhwa Nyamuwanga bhuri yeeyi. Mbe, mute ebhibhiibhi bhyemwe ku‑Nyamuwanga na okwikirisya Emisango ja Ekisi ejo.”

Tiito 3:2

Bhatongere bhasige okufuma omuunu woonewoone, bhasigega okuyomba, bhabhe na jitungwa ja ekisi na bhabhe bhoorooro muno ku‑bhaanu bhoone.

1 Timoteo 6:11

Nawe awe, omuunu wa Nyamuwanga, wiiruke ejo. Uruubhega rirenga, okurama rwa kutyo Nyamuwanga keenda, eriikirisya, eryenda, okwigumiirisya na obhworooro.

Ebikorwa 5:21

Kutyo, jitumwa ejo nibhamugayuka, nibhamweja muno okuja mu‑rubhuga rwa Riyekaru, nibhaamba okwiyigisya abhaanu omwo. Omwanya ogwoogwo, omugabhisi omukuru aamwi na abheejaabho bharya, nibhabhirikira abhakuru bhoone bha Abhayawudi, bhabhuganire mw‑ibharaja rikuru ryebhwe. Nibhatuma abhariisi mw‑ibhoyero omwo, korereki bhareete jitumwa jirya.

Matayo 21:32

Yowana ꞉eejire kw‑imwe korereki abheeresye injira ya rirenga, emwe ꞉mutaamwikirisiisye. Nawe abhatobhesya bha rigooti na abhagasi bhanu abheegusya okwibhonera ribhona, nibho ꞉bhaamwikirisiisye. Noorwo kutyo emwe omwanya gunu ꞉mwarorere joone ejo, ꞉mwaremere okuyindura obhwiganirisya bhwemwe na okumwikirisya.”