2 Timoteo 2:21 - Indagano Inyaaya mu-Chijita

²¹ Woori, omuunu aakeeyesya na okusigana na ameeyigisyo geebhwe, kaabha rwa echiinu cha okukorera emirimu ja echibharo chinu chaawuuywe, aribhaga eeyire ku‑Raatabhugenyi waaye. Omuunu oyo aribhaga emariiriiye okukora ebhikorwa bhya ekisi.

INDAGANO INYA:YA

²¹ Mbe, omu:nu ake:cumako ebyo, arabaga ci:nu ce cibaro, cinu ce:sibwe, na cinu ci:ire omwenenyumba okukoreraga, cinu cicumacumiywe omurimu gwone ogwo bwana.

2 Timoteo 2:21 Referans Kwoze

2 Timoteo 3:17

Mbe, Ebhikaame ebhyo ebhikora abhaana bha Nyamuwanga bhabhe bheemariiriiye na bhabhe bhatengeejere okukora ebhikorwa bhya ekisi.

Baefeso 2:10

Okubha Nyamuwanga achichunguuye na okuchibhumba bhuyaaya echinyamwoyo mu‑Kirisito Yeesu, korereki chikore ebhikorwa bhya ekisi, bhinu ꞉aachiiraabhiiye okusookerera kara, korereki chibhikorega.

2 Bakorinto 7:1

Woori, abheendwa bhaani, Nyamuwanga ꞉aaragire okuchiyaana ejo joone. Kurwa ejo, chiiyesye kwa okusigana na obhujabhi bhwone, bhwa echinyamubhiri na obhwa echinyamwoyo. Chibhe abheeru ku‑misango joone, ku‑njira ya okuramya Nyamuwanga.

1 Petero 1:22

Mbe, kwa okubha omuruubha ameeyigisyo ga echimari inguru ya Yeesu, emyoyo jeemwe jeesiibhwe. Woori mukomeerega okwenda abheejaanyu mu‑mwoyo gwa echimari,

1 Yoana 3:3

Kurwa ejo, omuunu woonewoone unu ari na obhwiyikanyo obhwo, keendwa asigane na ebhibhiibhi, rwa kutyo Kirisito atakukora ebhibhiibhi.

2 Timoteo 2:20

Mu‑nju inene bhiri‑mo ebhiinu bhya bhuri mbaga. Bhiri‑mo ebhiinu bhinu bhikonjerwe kwa inaaryo na jiyera, ebhindi kwa rimoga na amati. Ebhindi ebhikora emirimu ja echibharo na ebhindi emirimu jinu jitari ja echibharo.

Tiito 3:8

Inyaayika eyo ni ya echimari. Woori enikusabhwa awe ukomeeresye muno inguru ya emisango ejo ku‑bhaanu, korereki abhaanu bhanu abheekirisya Nyamuwanga, bhakabhuke na okukomeera okukora ebhikorwa bhya ekisi. Emisango ejo nijo ja ekisi, ka wone ejireeta omuriiro ku‑bhaanu bhoone.

Ebikorwa 9:15

Nawe Raatabhugenyi ˆnaabhwira Ananiiya ati, “Genda era! Omuunu oyo, naamusora abhe omukosi waani, korereki araasye risiina ryani ku‑bhaanu bhanu bhatari Bhayawudi, ku‑bhakama bheebhwe na ku‑Bhayisirayeeri abheene.

1 Petero 1:7

Amaregeejo ago, agaregeeja eriikirisya ryemwe, korereki ribhonekane ati ni rya echimari. Noorwo inaaryo, inu eyitura okusingaarika, eyochiibhwa mu‑muriro korereki wone iregeejibhwe. Nyabhuriko, eriikirisya ryemwe rinu riri na obhurambu obhunene okukira inaaryo, ni bhusibhusi wone riregeejibhwe, ribhonekane ati ni rya echimari. Awo niwo, Yeesu Kirisito aribhakuuya, aribhayaana rikusyo na echibharo, orusuku runu ariswerurwa.

1 Bakorinto 5:7

Kutyo mwiyesyega, ku‑njira ya okusoosya omuunu omujabhi oyo agati yeemwe, rwa okusoosya‑wo echifwimbya cha kara. Awo niwo muribha abhaanu abhayaaya, rwa echirengo echiyaaya chinu chitari na echifwimbya. Nikwo kutyo mwamarire okubha, kwa okubha Kirisito, omwana wa inaama weeswe wa Okwambuka, aamarire okusoosibhwa okubha echoogo korereki achichungure.

Tiito 3:14

Abheejaasu bhoone, bheeyigire okwikomeesye okukora ebhikorwa bhya ekisi, korereki bhabhe na obhuturo bhwa okusakira abhaanu bha obhukene bhwa bhusibhusi. Bhaakakora kutyo obhurame bhwebhwe bhutaribhurwa amatwasyo.

Tiito 3:1

Ubhe nuwichukya abhaanu bhabhe na echibharo ku‑bhatungi na ku‑bhatangasya bhoone na okubhagayuka. Ni bhusibhusi wone, bhabhega bhatengeejere okukora bhuri echikorwa cha ekisi.

2 Bakorinto 9:8

Nyamuwanga kaatura okubhayaana amabhando okukira bhinu omukena, korereki omwanya gwone, mubhe na ebhiinu bhyone bhinu omukena, ka wone mubhe abhaanu bha okukora emyafu ja ekisi ja okusakira abhandi.

1 Timoteo 6:11

Nawe awe, omuunu wa Nyamuwanga, wiiruke ejo. Uruubhega rirenga, okurama rwa kutyo Nyamuwanga keenda, eriikirisya, eryenda, okwigumiirisya na obhworooro.

2 Timoteo 2:16

Wiikenge na emisango emijabhi jinu jitari na obhugajuro bhwonebhwone na jinu jitakuyaana Nyamuwanga rikusyo. Okubha ejo ejisoosya abhaanu ku‑mwene nijibhasira kura muno.

2 Timoteo 4:11

Ruuka eenyere era niwe asigaaye aamwi na anye anu okunsakira. Woori, ukaaja enu, gega Maariko, wuuje nage kwa okubha eeyire abhe omusakisi waani mu‑mirimu ja Nyamuwanga.