2 Timoteo 2:14 - Indagano Inyaaya mu-Chijita

¹⁴ Wiichukye abheekirisya emisango ejo. Ubharagirire imbere ya Nyamuwanga, bhasige okubhambasyanya inguru ya emisango emitoototooto. Jimamba ejo jitari‑mo omuriiro, tari ejinyamura bhanu abhoongwa.

INDAGANO INYA:YA

¹⁴ Ube:cukyega ebyo, namukomeresya imbere ya Nyamuanga ati, basigega kubambasyanya emisango okuba kutakure:ta muri:ro, nawe okuyabya banu abongwa.

2 Timoteo 2:14 Referans Kwoze

2 Timoteo 2:23

Nawe wiikenge na jimamba ja echitaamutaamu, kwa okubha jitari‑mo omuriiro na owumenya ati ejo ejiibhura inyombo.

2 Timoteo 4:1

Enikuragirira jinu imbere ya Nyamuwanga na imbere ya Kirisito Yeesu, unu ariramura abhaanga na abhafuuwe. Kirisito arikora kutyo aribha aasubha rindi na bhuri muunu arimurora. Ka wone, ariija okutunga rwa omukama.

Barumi 14:1

Mukume omwikirisya oweejaanyu unu achaari kurumatana mu‑riikirisya ryaye. Mwasiga okubhambasyanya nage inguru ya obhwiganirisya bhwaye bhukataasyanya na obhwemwe.

Baeburania 13:9

Musigega okugegwagegwa na ameeyigisyo maafumaafu amagenyi, kwa okubha obhwitiriranya bhwa Nyamuwanga nibhwo obhurumatanya emyoyo jeemwe, noorwo bhitari ebhiraagiro inguru ya ebhiryo. Ebhiraagiro ebhyo bhitakusakira gwonegwone ku‑bhaanu bhanu abhabhiruubha.

1 Timoteo 5:21

Enikuragirira imbere ya Nyamuwanga, imbere ya Kirisito Yeesu na imbere ya bhamaraayika abhasorwa ati, ukorega ejo, waasiga okwiwuta okusoosya indamu amwi okubha na isoroore ku‑rubhaara rumwi.

Ebikorwa 15:24

Choongwa ati abhaanu abhandi okusooka mw‑iswe ꞉bhaabhabhwiriiye emisango ja okubhayabhya, ka wone ja okunyaasya emyoyo jeemwe, eswe ꞉chitaabhatumire.

2 Petero 1:13

Enirora ati, ni bhusibhusi nibhe nimbechukya inguru ya emisango ejo, omwanya gwone gunu nichaaramire mu‑mubhiri gunu guri rwa echiwuuna.

1 Timoteo 6:13

Enikuragirira imbere ya Nyamuwanga unu kaatuura obhuwanga mu‑bhiinu bhyone, na imbere ya Kirisito Yeesu unu ꞉aasoosiisye obhubhambaasi bhwa echimari imbere ya Pootiyo Piraato ati,

2 Batesalonika 3:6

Abhayiri bheeswe, echibharagirira kw‑isiina rya Raatabhugenyi Yeesu Kirisito ati, mwikenge na abhayiri bhoone abharenga, bhanu bhatakuruubha ameeyigisyo ganu ꞉chaabhayaaye.

2 Timoteo 2:16

Wiikenge na emisango emijabhi jinu jitari na obhugajuro bhwonebhwone na jinu jitakuyaana Nyamuwanga rikusyo. Okubha ejo ejisoosya abhaanu ku‑mwene nijibhasira kura muno.

1 Timoteo 4:8

Jimenyekeene ati, “Okunasya omubhiri okubhona amanaga, kuri‑mo omuriiro mutooto era. Tari, okwikomeesya okwikara rwa kutyo Nyamuwanga keenda, kuri‑mo omuriiro gwa bhuri mbaga, kwa okubha rinu erichiyaana omurago gwa okubhona obhuwanga bhwa woori na bhunu bhuriija.”

Baefeso 4:17

Mbe, enibhakengya na okubharagirira kw‑isiina rya Raatabhugenyi ati, okwambira woori musige okurama rwa abhaanu bhanu bhatakumenya Nyamuwanga kutyo bharamire mu‑bhwiganirisya obhubhiibhi.

Bagalatia 1:7

Chimari ni ati jitari‑wo Emisango ja Ekisi ejindi. Nawe bhari‑wo abhaanu bhanu abhabhajiga na abhakena okuyindura Emisango ja Ekisi inguru ya Kirisito.

Ebikorwa 13:10

ˆnaamubhwira ati, “Awe omwana wa Syetaani! Awe uri omusoko wa eja ekisi joone jinu jiri imbere ya Nyamuwanga! Wijuuye orubheeyi era, awe utakwendaga okurora omusango gwa rirenga! Utakusiga okuyindura emisango ja echimari ja Raatabhugenyi okubha ja orubheeyi?

Matayo 16:26

Angu, omuunu aribhona omuriiro ki araabha aakabhona ebhiinu bhyone bhya echaaro chinu, nawe ˆnaabhusya obhurame bhwaye? Chitari‑wo echiinu cha obhurambu chinu omuunu kaatura okusoosya okuwonʼya obhurame bhwaye.

2 Timoteo 1:6

Niyo isonga, enikwichukya ati komeera okukorera emirimu echiyaanwa chinu Nyamuwanga ꞉aakuyaaye omwanya gunu ꞉naakutereeye‑ko amabhoko.

1 Timoteo 1:6

Nawe abheeyigisya bha orubheeyi abho ꞉bhaasigire ejo, bhayindukire, abhaayika emisango jinu jitari na omuriiro.

1 Timoteo 1:4

Ubhagaanye bhasige okugwatira jingani ja kara jinu jitari na obhugajuro na okwinyaasya na emiroobho ja amasiina ga bhasaaja ganu gatari na obhuteero. Emisango ejo joone ejireeta jimamba era, jitakusakira abhaanu okwikirisya Nyamuwanga, rwa kutyo bhuri obhutinge bhwaye bhwa okuchungura abhaanu.

1 Batesalonika 4:1

Mbe, abhayiri bheeswe, ꞉chaabheeyigisiisye kutyo ejikenwa murame, korereki mukondisye Nyamuwanga. Chimari omukora kutyo ꞉mweeyigiiye. Woori, echibheerembeeresya ku‑bhuturo bhwa Raatabhugenyi Yeesu ati, mukore kisi muno okukira kutyo mwariga nimukora.

Tiito 3:1

Ubhe nuwichukya abhaanu bhabhe na echibharo ku‑bhatungi na ku‑bhatangasya bhoone na okubhagayuka. Ni bhusibhusi wone, bhabhega bhatengeejere okukora bhuri echikorwa cha ekisi.