2 Timoteo 2:10 - Indagano Inyaaya mu-Chijita

¹⁰ Kurwa ejo, eniigumiirisya joone inguru ya abhaanu bhanu Nyamuwanga asorere, korereki abheene wone bhabhone obhuchungusi ku‑njira ya okwikirisya Kirisito Yeesu na bhasangire rikusyo ryaye akajaanende.

INDAGANO INYA:YA

¹⁰ Kwenikora ninigumirisya byone kurwa basorwa, korereki abene one babone omweruro gunu guri mu Kristo Yesu aamwi na rikusyo rya kajanende.

2 Timoteo 2:10 Referans Kwoze

Bakolosai 1:24

Woori enikondererwa ebhinyaasyo bhinu enibhona inguru yeemwe. Mu‑mubhiri gwani enisangira ebhinyaasyo bhya Kirisito inguru ya omubhiri gwaye, omubhiri ogwo, niryo rikanisa.

1 Petero 5:10

Nyamuwanga wa obhwitiriranya bhwone, ꞉aabhabhirikiiye korereki musangire aamwi nage mw‑ikusyo ryaye rya akajaanende koone, aamwi na Kirisito. Omunyaaka kwa omwanya mutooto era, nawe Nyamuwanga omwene aribhakomeesya, aribhayaana amanaga na okubhakuumisya.

2 Timoteo 2:3

Igumiirisya aamwi na anye mu‑bhinyaasyo, rwa omusirikare wa ekisi wa Kirisito Yeesu.

2 Bakorinto 1:6

Omwanya gunu echinyaasibhwa, echinyaasibhwa inguru ya okufungʼamibhwa kwemwe na obhuchungusi bhwemwe. Ka wone, omwanya gunu eswe echifungʼamibhwa, niwo emwe wone omusimbiisibhwa. Okusimbiisibhwa okwo okukora mwigumiirisye mu‑bhinyaasyo bhiryabhirya bhinu eswe wone echinyaasibhwa.

2 Bakorinto 4:17

Enaayika kutyo, kwa okubha ebhinyaasyo bhyeswe ni bhyangu na ni bhya kasinjeeke era. Ka wone, ebhichireetera rikusyo rya akajaanende koone. Rikusyo eryo ni ryafu muno, okukira ebhinyaasyo bhyone.

1 Petero 2:10

Kara eyo, emwe mwariga mutari bhaanu bha Nyamuwanga, nawe woori emwe muri bhaanu bhaaye. Ka wone, Nyamuwanga aariga atabhafwiriiye echigongo, nawe woori, abhafwiriiye.

1 Batesalonika 5:9

Nyamuwanga ꞉ataachisorere korereki achisingaarisye kwa risungu ryaye, tari ꞉aachisorere korereki Raatabhugenyi weeswe Yeesu Kirisito achichungure.

Bakolosai 1:27

Nyamuwanga ꞉eendere okubhaswerurira bhwa ekisi bhwa obhutinge bhwa imbisike ya okuruguusya, noorwo inguru ya abhaanu bhanu bhatari Bhayawudi. Obhutinge obhwo ni ati Kirisito ari mu‑myoyo jeemwe, ka wone, omwene niwe kaabhayaana obhwiyikanyo ati murisangira rikusyo rya Nyamuwanga.

Baefeso 3:13

Kutyo, enibhasabhwa mwasiga okufwa omutima ku‑nyaako jinu ejimbona. Eninyaaka kutya inguru yeemwe, korereki emwe mubhone rikusyo.

2 Bakorinto 4:15

Emisango joone jinu echibhona, ni inguru yeemwe, korereki obhwitiriranya bhwa Nyamuwanga bhukingire abhaanu bhaafu muno, bhasiime muno Nyamuwanga. Ku‑gwo, Nyamuwanga arigenderera okukusibhwa.

1 Bakorinto 9:22

Ku‑bhanu bhari bhajorobhoke, naariga niri mujorobhoke, korereki nibhasakire bheekirisye Kirisito. ꞉Naakorere joone ku‑bhaanu bhoone, korereki ku‑njira yooneyoone irya nichungure‑ko abhaanu abharebhe ku‑bheene.

Barumi 9:23

꞉Aakorere kutyo, korereki eeresye rikusyo ryaye rikuru inguru ya abhaanu bhanu ꞉eeraabhire okuramira echigongo chaaye. Aariga eeraabhire okwambira kara okubhareeta ku‑mwene bhabhe nage mw‑ikusyo ryaye.

Barumi 2:7

Nyamuwanga ariyaana obhuwanga bhwa akajaanende koone abhaanu bhanu abheegumiirisya mu‑kukora ja ekisi okuyigwa wuri, inguru ya okuyenja rikusyo na echibharo na obhuwanga bhunu bhutakunyamuka okusooka ku‑mwene.

Yowana 17:24

“Raata, eniigomba ati abhaanu bhanu unaaye bhabhe aamwi na anye anu niribha, korereki bharore rikusyo ryani rinu ꞉waanaaye, kwa okubha ꞉waanyendere noorwo uchaari okubhumba echaaro.

Yowana 17:9

Enisabhirwa abho, kwa okubha ni bhaanu bhaawo. Nitakusabhirwa abhaanu bha ku‑chaaro kunu, nawe enisabhirwa bhanu awe ꞉waanaaye.

Yowana 11:52

Ka wone, Yeesu atarifwa inguru ya riyanga eryo era, tari ni ku‑songa ya okukumanya abhaana bha Nyamuwanga bhanu bhanyarageene, korereki bhabhe aamwi.

Matayo 24:31

Niwo nirituma bhamaraayika bhaani. Bharibhuma muno rinyawegoona, korereki bhakumanye abhasorwa bhoone bha Nyamuwanga okusooka mbaara joone ena ja echaaro. Abhasorwa abho, bhariija okusooka ku‑bhuteero bhwa echaaro okukingira ku‑bhuteero bhwa orubhaara orundi rwa echaaro.”

Matayo 24:24

Bhariibhuka abharagi abhabheeyi na abhaanu bhanu bharibhaga nibheetoga ati ni Kirisito. Bharibhaga nibhakora ebhibharikisyo bhyafu na ebhiruguusyo. Kutyo, bhariregeeja okujiga abhaanu na araabha ikaturikeene, bhakaregeejere na abhasorwa bha Nyamuwanga.

Matayo 24:22

Araabha Nyamuwanga ataakageruuye omwanya gwa ebhinyaasyo ebhyo, mbe atari‑wo omuunu unu aakachungukire. Nawe Nyamuwanga arigerura omwanya ogwo, inguru ya abhasorwa bhaaye.

2 Batesalonika 2:14

Nyamuwanga ꞉aabhabhirikiiye, korereki muramire obhuchungusi obhwo ku‑njira ya Emisango ja Ekisi jinu ꞉chaaraasiisye kw‑imwe. ꞉Aabhabhirikiiye korereki musangire aamwi mw‑ikusyo rya Raatabhugenyi weeswe Yeesu Kirisito.

Ruuka 18:7

Nikwo okwayika ati, Nyamuwanga, ataribhagira abhaanu bhanu ꞉aasorere? Aribha bhaamuririra mu‑ngeta na mu‑mwisi, angu arikoora okubhategeresya?

1 Bakorinto 1:21

Enaayika kutyo, kwa okubha Nyamuwanga, ku‑bhwengeeso bhwaye, ꞉aaramuuye ati abhaanu bhatakutura okumusombookerwa okutura ku‑bhwengeeso bhwebhwe abheene. Tari Nyamuwanga ꞉eendere okuchungura bhanu abhamwikirisya okutura ku‑misango jinu echiraasya. Emisango ejo, abhaanu bhanu bhatakumenya Nyamuwanga, abhaayika ati ni ja echimuumu.

2 Bakorinto 12:15

Anye enikondererwa okusoosya ebhiinu bhyani noorwo okwisoosya anye omwene, korereki nibhasakire. Nawe ejibhonekana ati, omwanya gunu anye enigenderera okubheenda muno, niwo emwe omugerura eryenda ryemwe kw‑anye.

2 Timoteo 1:1

Inyarubha inu, niikaamire anye Pawuro, itumwa ya Kirisito Yeesu mu‑kwenda kwa Nyamuwanga, korereki niraasye omusango gwa obhuwanga. Nyamuwanga ꞉aachiragire ati obhuwanga obhwo obhubhonekana kwa okwikirisya Kirisito Yeesu.

2 Timoteo 2:1

Woori awe omwana waani, ubhe na amanaga mu‑bhwitiriranya bhunu echibhona kwa okwikirisya Kirisito Yeesu.

Tiito 1:1

Inyarubha inu, niikaamire anye Pawuro, omukosi wa Nyamuwanga na itumwa ya Yeesu Kirisito. Nitumirwe okusimbiisya abhaanu bhanu Nyamuwanga asorere, korereki bhabhe na eriikirisya enene na bhamenye ameeyigisyo ga echimari inguru ya Kirisito. Ameeyigisyo ago, garibhakora okurama rwa kutyo Nyamuwanga keenda.

Ruuka 22:57

Nawe Peetero ˆneegaana, ˆnaayika ati, “Mugasi awe, anye nitakumumenya!”