2 Timoteo 1:14 - Indagano Inyaaya mu-Chijita

¹⁴ Echimari chinu ꞉waayaaywe, uchaangarire ku‑managa ga Mwoyo Mweru unu ari mu‑myoyo jeeswe.

INDAGANO INYA:YA

¹⁴ Eci:nu co bwana cinu wabi:kisibwe uca:mega mu Mwoyo Mweru unu e:kae mwiswe.

2 Timoteo 1:14 Referans Kwoze

Yowana 14:17

Oyo niwe Mwoyo Mweru unu kaja okuswerurira abhaanu echimari. Abhaanu bha ku‑chaaro kunu bhatakutura okumuramira kwa okubha bhatakumurora, ka wone bhatakumumenya. Nawe emwe omumumenya Mwoyo oyo, kwa okubha eekaaye aamwi na emwe, ka wone kaja okubha mw‑imwe.

Barumi 8:13

Araabha mukeekara nimutangasibhwaga na obhusimukwa bhwa echibhiibhi, murifwa. Nawe, mukasingaarisya chimwi ku‑managa ga Mwoyo Mweru, ebhikorwa bhya obhusimukwa bhwa echibhiibhi, murirama akajaanende koone.

1 Timoteo 6:20

Timoteewo wangarire kisi echimari chinu Nyamuwanga akuyaaye. Wiikenge na emisango emijabhi jinu jitari na obhugajuro na jimamba ja echitaamutaamu, kwa okubha bhitakureeta echibharo ku‑Nyamuwanga. Abhaanu abhandi, abhatoga emisango ejo ati ni obhusombookerwa, nawe chimari bhutari obhusombookerwa.

2 Timoteo 1:12

Anye eninyaaka inguru ya ejo. Nawe nitakwiswara, okubha enimumenya unu niikirisiisye. Ka wone enimenya ati, echimari chinu ꞉aanaaye, kaachibhiika kisi okukingira orusuku rwa okusubha kwaye.

1 Bakorinto 3:16

Angu, mutakumenya ati, emwe muri riyekaru rya Nyamuwanga, ka wone ati Mwoyo wa Nyamuwanga eekaaye mw‑imwe?

Barumi 8:9

Nawe emwe woori, mutakutangasibhwa na obhusimukwa bhwemwe bhwa echibhiibhi, tari mutangasibhwa na Mwoyo wa Nyamuwanga, kwa okubha eekaaye mu‑myoyo jeemwe. Omuunu woonewoone unu atari na Mwoyo wa Kirisito, oyo atari muunu wa Kirisito.

1 Petero 1:22

Mbe, kwa okubha omuruubha ameeyigisyo ga echimari inguru ya Yeesu, emyoyo jeemwe jeesiibhwe. Woori mukomeerega okwenda abheejaanyu mu‑mwoyo gwa echimari,

1 Batesalonika 5:19

Mbe, musige okuyingirira Mwoyo Mweru okukora emirimu jaaye.

2 Timoteo 2:2

Awe ꞉woonguuwe ameeyigisyo ganu neeyigisyaga imbere ya abhabhambaasi bhaafu. Mbe, awe wone uyaane abhaanu abheeyikanyibhwa, bhanu abhatura okwiyigisya abhandi.

1 Timoteo 1:11

Ameeyigisyo ago agabhonekana mu‑Misango ja Ekisi, jinu ejeeresya rikusyo rya Nyamuwanga wa amabhando goone. Emisango ejo nijo ꞉naayaaywe na Nyamuwanga nijiraasye.

Baefeso 5:18

Ka wone musige obhukorwa kwa okubha obhureterera obhunyamuke, tari mwijusibhwe Mwoyo Mweru,

Baefeso 2:22

Kutyo, noorwo emwe aamwi na abhaanu abhandi bhoone, omumbakwa aamwi ku‑mwene, mubhe obhwikaro bhwa Nyamuwanga ku‑njira ya Mwoyo waaye.

1 Bakorinto 9:17

Araabha naakabheeye ninkora omurimu gunu mu‑kwenda kwani omwene, nakeeyikanyiisye okubhona omuyeero. Nawe jitari kutyo kw‑anye, kwa okubha Nyamuwanga anaaye omurimu gunu mu‑kwenda kwaye, korereki nigukore.

Bakolosai 4:11

Yeesu wone, unu kaatogwa Yuusito, kaabhakeesya. Agati ya Abhayawudi bhanu bheekirisiisye Kirisito, abho era nibho abhakora emirimu aamwi na anye mu‑bhukama bhwa Nyamuwanga. Abheene abhasimbiisya omwoyo gwani muno.

Bagalatia 2:7

Abhatangasya abho, ꞉bhaasombookeeywe ati Nyamuwanga ꞉aantumire niraasye Emisango ja Ekisi inguru ya Yeesu ku‑bhanu bhatari Bhayawudi, rwa kutyo ꞉aatumire Peetero okujiraasya ku‑Bhayawudi.

2 Bakorinto 5:16

Kurwa ejo okwambira woori, chitakwiganirisya rindi obhurambu bhwa omuunu woonewoone ku‑njira ya echinyamuunu. Noorwo kutyo omwanya omurebhe chaariga nichiiganirisya Kirisito ku‑njira eyo, nawe woori chitakukora kutyo rindi.

1 Bakorinto 6:19

Mutakumenya ati, emibhiri jeemwe nijo riyekaru rya Mwoyo Mweru unu Nyamuwanga ꞉aabhayaaye, ka wone Mwoyo Mweru eekaaye mu‑myoyo jeemwe? Kutyo, emibhiri ejo jitari jeemwe, tari ni ja Nyamuwanga,

Barumi 8:11

Mwoyo Mweru unu eekaaye mu‑myoyo jeemwe, niwe Mwoyo wa Nyamuwanga unu ꞉aasuuruuye Kirisito Yeesu okusooka mu‑bhafuuwe. Kurwa ejo, Nyamuwanga ariyaana obhuwanga emibhiri jeemwe jinu ejifwa, ku‑managa ga Mwoyo Mweru unu eekaaye mu‑myoyo jeemwe.

Barumi 3:2

Ni chimari ati, okubha Omuyawudi kuri‑mo omuriiro mwafu. Omusango gwa okwamba ni ati, Nyamuwanga ꞉aayaaye Abhayawudi emisango jaaye.

Ruuka 16:11

Araabha mukarema okubha abheeyikanyibhwa ku‑bhuniibhi bhwa ku‑chaaro anu, niga unu aribheekirisya ku‑bhuniibhi bhwa echimari bhwa mu‑rwire?