2 Timoteo 1:12 - Indagano Inyaaya mu-Chijita

¹² Anye eninyaaka inguru ya ejo. Nawe nitakwiswara, okubha enimumenya unu niikirisiisye. Ka wone enimenya ati, echimari chinu ꞉aanaaye, kaachibhiika kisi okukingira orusuku rwa okusubha kwaye.

INDAGANO INYA:YA

¹² Kwarikora ninya:si-bwa, nawe nitakwiswara, okuba nimenyere Unu ne:kirisisye, ni:menya kata ati, katura okurinda cinu namugwasisye, kukinga ku rusiki ruriya.

2 Timoteo 1:12 Referans Kwoze

2 Timoteo 1:8

Woori, waasiga okwiswara okwayika inguru ya Raatabhugenyi weeswe, amwi okwiswara kwa okubha niri mw‑ibhoyero ku‑songa yaaye. Nawe, igumiirisya mu‑bhinyaasyo aamwi na anye, inguru ya okubhwira abhaanu Emisango ja Ekisi, okwingana na amanaga ganu Nyamuwanga kaakuyaana.

Yuuda 1:24

Nyamuwanga niwe owa obhuturo bhwa okubhaangarira, korereki mwasiga okwikuujura. Ka wone, kaatura okubheemereegusyu mw‑ikusyo ryaye, nimusandabhaga muno, mutaabha‑ko esoro.

1 Petero 4:19

Kurwa ejo, bhanu abhanyaaka okuruubhana na okwenda kwa Nyamuwanga, bhamenye ati Nyamuwanga niwe Omubhumbi omwiyikanyibhwa. Kurwa ejo, bheetuure mu‑mabhoko gaaye, nibhagendereraga okukora ja ekisi.

2 Timoteo 4:8

Woori nirindirira era okuyaanwa orutengya rwa okurama kwa obhurengeresi. Raatabhugenyi Yeesu, omuramusi wa rirenga, arinaana orusuku runu arisubha. Orutengya orwo nitariyaanwa anye era, tari na abhandi bhoone bhanu abharindirira kwa obhwiro okusubha kwaye.

Baeburania 7:25

Ku‑songa eyo, omwene ari na obhuturo bhwa okuchungura chimwi abhaanu bhoone bhanu abhagenda ku‑Nyamuwanga okutura ku‑mwene. Okubha omwene ni muwanga akajaanende koone, korereki abhasabhirwe ku‑Nyamuwanga omwanya gwone.

1 Timoteo 6:20

Timoteewo wangarire kisi echimari chinu Nyamuwanga akuyaaye. Wiikenge na emisango emijabhi jinu jitari na obhugajuro na jimamba ja echitaamutaamu, kwa okubha bhitakureeta echibharo ku‑Nyamuwanga. Abhaanu abhandi, abhatoga emisango ejo ati ni obhusombookerwa, nawe chimari bhutari obhusombookerwa.

Barumi 1:16

Anye nitakwiswara okuraasya Emisango ja Ekisi ejo, kwa okubha nijo obhuturo bhwa Nyamuwanga bhwa okuchungura abhaanu bhoone bhanu abheekirisya Yeesu, okwambira Abhayawudi okukingira abhaanu bhanu bhatari Bhayawudi.

Matayo 24:36

“Nawe atari‑wo omuunu unu kaamenya orusuku noorwo isaa inu emisango ejo jirikorekana. Noorwo bhamaraayika bha mu‑rwire amwi Omwana wa Nyamuwanga bhatakumenya, tari Raata wenyere.

1 Petero 1:5

Emwe, Nyamuwanga kaabhaangarira ku‑managa gaaye, kwa okubha mwikirisiisye Yeesu Kirisito. Obhwangarisi obhwo, obhugenderera okukingira anu obhuchungusi bhuribhonekana ku‑mwanya gwa obhuteero.

2 Timoteo 1:18

Awe wone owumenya kisi, emyafu jinu ꞉aankoreeye mu‑musi gwa Yefeeso eyo. Raatabhugenyi amufwire echigongo ku‑rusuku rwa indamu.

Bafilipi 3:21

Omwene ari na amanaga ga okutuura ebhiinu bhyone bhibhe emwaro ya obhutungi bhwaye. Ku‑njira ya amanaga ago, ariyindura emibhiri jeeswe jinu jijorobhokere, jibhe na rikusyo rwa kutyo omubhiri gwaye guri.

2 Timoteo 2:9

Emisango ejo, nijo ejikora anye eninyaaka na okubhoywa amaseega rwa omukosi wa ebhibhiibhi. Nawe omusango gwa Nyamuwanga gutakutura okuyingwa.

Bafilipi 3:10

Enikena nisombookerwe Kirisito muno na okubha na amanaga ganu Kirisito aariga ari nago omwanya gwa okusuuruka kwaye. Enikena obhumwi bhunu obhusooka mu‑kunyaaka rwa kutyo omwene ꞉aanyaakire, korereki nisusane nage mu‑kufwa kwaye.

Bafilipi 3:8

Noorwo jitari ejo era, tari enibhara emisango joone ati ni kufwirwa‑mo ukeenganyirisya na omuriiro gwa okusombookerwa Kirisito Yeesu Raatabhugenyi waani. Inguru ya omwene, naasiga kata emisango joone. Enijirora rwa amafwi, korereki nisombookerwe Kirisito kisi,

1 Bakorinto 3:13

na obhwa ekisi bhwa emirimu ja bhuri muunu bhuribhonekana abhwerubhweru. Orusuku rurya rwa indamu emirimu joone jiribha abhweru, kwa okubha emirimu ja bhuri muunu, jiriregeejwa kwa omuriro.

Yowana 17:15

“Raata, nitakukusabhwa ati ubhafurusye okusooka ku‑chaaro kunu, tari ati ubhachungure kusooka ku‑Mubhiibhi urya.

Matayo 12:21

Ka wone, abhaanu bha amaanga goone, bharimwiyikanya omwene era.”

Barumi 9:33

rwa kutyo Nyamuwanga ꞉aayikire mu‑Bhikaame Ebhyeru ati, “Ringira, niteeye‑wo ribhuyi mu‑Sayuuni. Ribhuyi eryo ni rya okwikuujura‑ko, ni rutare rwa okugwisya abhaanu. Nawe omuunu woonewoone unu ariikirisya unu ari ribhuyi eryo, atariiswasibhwa wuri!”

1 Petero 4:16

Omuunu woonewoone akanyaaka kwa okubha ni muruubhirisya wa Kirisito, asige okurora jiswaro. Tari akuuye Nyamuwanga, kwa okubha omuunu oyo, kaabhirikirwa kw‑isiina rya Kirisito.

Baeburania 12:2

Chiroreererega Yeesu, okubha omwene niwe ꞉aambisiisye eriikirisya ryeswe, ka wone niwe aririkuumisya. Omwene ꞉eegumiirisiisye ku‑songa ya rikonderwa rinu ryariga niriija. Ka wone ꞉ateeganirisiisye wuri jiswaro ja okufwa ku‑musarabha. Woori eenyanjire orubhaara rwa ebhuryo rwa echitebhe cha ingʼoma cha Nyamuwanga.

Baeburania 2:18

Okubha Yeesu ꞉aaregeejerwe na okunyaaka, kurwa ejo kaatura okusakira bhanu abharegeejibhwa.

1 Batesalonika 2:16

kwa okubha abhachiyingirira okuraasya Emisango ja Ekisi ku‑bhaanu bhanu bhatari Bhayawudi. Bhatakwenda abhaanu abho bhachunguke. Nikwo kutyo, abhagenderera okukuumisya ebhibhiibhi bhyebhwe bhinu abhakora bhuri rusuku. Nawe, risungu rya Nyamuwanga ryabhakingiiye!

Bafilipi 1:20

Enirindirira kwa obhwira bhunene na okwiyikanya ati, nitariiswasibhwa ku‑njira yooneyoone irya. Woori rwa kutyo jaariga jiri siku joone, nirigenderera okubha na ribhaasi nene korereki Kirisito akusibhwe ku‑joone jinu enikora, nibhe niri muwanga amwi niniitwa.

Ebikorwa 21:13

Nawe omwene ˆnaachisubhya ati, “Ni kurwa ki omurira, omwenda okunyita omwoyo. Niikirisiisye, kutari okubhoywa era Yerusareemu awo, tari noorwo okufwa inguru ya risiina rya Raatabhugenyi Yeesu.”

Ebikorwa 13:50

Nawe Abhayawudi nibhakungirisya abhagasi bha echibharo bhanu bhaaramyaga Nyamuwanga aamwi na abhatangasya bha omusi ogwo. Abho nibhaamba okunyaasya Pawuro na Bharinaabha na okubhabhirimya bhasooke mu‑chaaro cheebhwe.

Ebikorwa 13:46

Noorwo kutyo, Pawuro na Bharinaabha nibhabhasubhya kwa ribhaasi nibhaayikaga ati, “Jaariga jiiyire omusango gwa Nyamuwanga, guraasibhwe kw‑imwe, emwe Abhayawudi okwamba. Nawe kwa okubha mwagurema na okwiramura abheene ati muteeyire obhuwanga bhwa akajaanende, woori echibhasiga echigenda okuraasisya abhaanu bhanu bhatari Bhayawudi.

Ebikorwa 9:16

Anye omwene enija okumweresya kutyo arinyaasibhwa muno inguru ya risiina ryani.”

Ebikorwa 7:59

Omwanya gunu bhaariga nibhabhuma Tefwano na amabhuyi, ˆnaasabhwa Nyamuwanga ˆnaayikaga ati, “Raatabhugenyi Yeesu, nuuramire omwoyo gwani!”

Yowana 6:44

Atari‑wo omuunu unu kaatura okuuja kw‑anye, araabha atatangasiibhwe na Raata unu ꞉aantumire. Anye nirisuurura omuunu oyo ku‑rusuku rwa obhuteero.

Ruuka 23:46

Yeesu ˆnaamura obhuraka ˆnaarira ati, “Raata awe! Enituura omwoyo gwani mu‑mabhoko gaawo.”

1 Batesalonika 5:4

Tari, emwe abhayiri bheeswe, mutari mu‑chisuute rwa abhaanu bhanu bhachaari okuta ebhibhiibhi, kutyo, orusuku orwo rutaribhatakya rwa kutyo omwifi kaakora.

Ruuka 10:12

Enibhabhwira ati, orusuku runu Nyamuwanga arisoosya indamu ku‑bhaanu bha echaaro choone, arisoosya indamu isito muno ku‑bhaanu bha omusi ogwo, okukira inu arisoosya ku‑bhaanu abhanyamusi bha omusi gwa Sodoma!

Matayo 7:22

Orusuku rwa indamu oruuja, na abhaanu bhaafu bharimbwira ati, ‘Raatabhugenyi, Raatabhugenyi! Owichuka ati, ꞉chaasoosiisye obhuragi kw‑isiina ryawo? Ka wone, ꞉chaasoosiisye amasambwa okusooka ku‑bhaanu kw‑isiina ryawo? Nichikora wone ebhiruguusyo bhyafu kw‑isiina ryawo?’

1 Bakorinto 1:8

Nyamuwanga aribhakomeesya okukingira ku‑bhuteero korereki mwasiga okubha na esoro, orusuku runu Raatabhugenyi weeswe Yeesu Kirisito ariija okuramura abhaanu.

2 Timoteo 1:14

Echimari chinu ꞉waayaaywe, uchaangarire ku‑managa ga Mwoyo Mweru unu ari mu‑myoyo jeeswe.

2 Timoteo 1:16

Enisabhwa Raatabhugenyi afwire echigongo abhaanu bha iika wa Onesifooro, kwa okubha kwiya kaafu aariga ˆnaakondisya omwoyo gwani. Ka wone, ꞉ateeswarire okuuja okundora, bhunu naariga nibhoyerwe amaseega.

Tiito 3:8

Inyaayika eyo ni ya echimari. Woori enikusabhwa awe ukomeeresye muno inguru ya emisango ejo ku‑bhaanu, korereki abhaanu bhanu abheekirisya Nyamuwanga, bhakabhuke na okukomeera okukora ebhikorwa bhya ekisi. Emisango ejo nijo ja ekisi, ka wone ejireeta omuriiro ku‑bhaanu bhoone.