2 Timoteo 1:10 - Indagano Inyaaya mu-Chijita

¹⁰ Nawe woori, Nyamuwanga eeresya obhwitiriranya bhwaye kw‑iswe, kwa okuuja kwa Omuchungusi weeswe Kirisito Yeesu. Omwene ꞉aayigire amanaga ga orufu na ꞉eeresiisye obhuwanga bhwa akajaanende ku‑njira ya Emisango ja Ekisi.

INDAGANO INYA:YA

¹⁰ nawe woryanu ecigongo eco cabu:risibwe mu kuboneka kwo Mukisya weswe Yesu Kristo, unu aso:sisyeo okufwa, naswerura obuanga no butafwa kurwe Bigambo byo bwana,

2 Timoteo 1:10 Referans Kwoze

1 Yoana 1:2

Oyo niwe obhuwanga, ꞉aabhonekeene kw‑iswe na eswe nichimurora. Woori chibhabhwira na okubharaasisya echimari inguru ya obhuwanga bhwa akajaanende, bhunu bhwariga bhuri ku‑Raata Nyamuwanga, ˆnaabhuswerura kw‑iswe.

Barumi 16:26

nawe woori, bhwatuurwa abhweru. Okutura mu‑Bhikaame Ebhyeru bhya abharagi, obhutinge obhwo, obhumenyekana ku‑bhaanu bha amaanga goone ku‑chaaro. Nyamuwanga wa akajaanende koone, niwe aaragirira ati obhutinge obhwo bhuraasibhwe ku‑bhaanu bhoone, korereki abho wone bheekirisye na okugayuka Raatabhugenyi Yeesu.

2 Petero 3:18

Tari mugenderere okukura mu‑bhwitiriranya bhwa Raatabhugenyi na Omuchungusi weeswe Yeesu Kirisito, na mu‑kumumenya. Omwene akusibhwe, woori na akajaanende koone. Jibhe kutyo.

Tiito 2:11

Okubha obhwitiriranya bhwa Nyamuwanga bhunu obhureeta obhuchungusi ku‑bhaanu bhoone bhwasweruuywe.

1 Bakorinto 15:26

Omusoko wa obhuteero okusingaarisibhwa ni rufu.

Barumi 2:7

Nyamuwanga ariyaana obhuwanga bhwa akajaanende koone abhaanu bhanu abheegumiirisya mu‑kukora ja ekisi okuyigwa wuri, inguru ya okuyenja rikusyo na echibharo na obhuwanga bhunu bhutakunyamuka okusooka ku‑mwene.

2 Timoteo 1:1

Inyarubha inu, niikaamire anye Pawuro, itumwa ya Kirisito Yeesu mu‑kwenda kwa Nyamuwanga, korereki niraasye omusango gwa obhuwanga. Nyamuwanga ꞉aachiragire ati obhuwanga obhwo obhubhonekana kwa okwikirisya Kirisito Yeesu.

Baefeso 1:9

꞉Aakorere kutyo, omwanya gunu ꞉aachisweruriiye imbisike ya okwenda kwaye, okuruubhana na obhukarariiye bhwaye okusookerera kara mu‑Kirisito.

Yowana 14:6

Yeesu ˆnaamusubhya ati, “Anye naanye injira, echimari, na obhuwanga. Atari‑wo omuunu woonewoone unu kaatura okuuja ku‑Raata araabha ataturire kw‑anye.

Obhusweruro 22:17

Mwoyo wa Nyamuwanga na omwenga wa Omwana wa Inaama abhabhirikira Raatabhugenyi Yeesu, nibhaayika ati, “Iija!” Abhaanu bhoone wone bhanu bharyungwa emisango ejo bhaayike ati, “Iija!” Woonewoone unu ari na obhwiro, aaje anywe amanji ganu agasoosya obhuwanga, atagurire wuri.

Obhusweruro 22:14

Bharibhona amabhando, abhaanu bhanu abhafura emingiro jeebhwe mu‑sagama ya Omwana wa Inaama, korereki bheekirisibhwe okwingira mu‑musi omuyaaya ogwo okutura ku‑marango gaagwo na okurya amatwasyo ga riiti rinu erisoosya obhuwanga bhwa akajaanende koone.

Obhusweruro 18:1

Ejo jejire jaawa, nindora echiroro echindi. ꞉Naarorere maraayika owundi ˆneekaga okusooka mu‑rwire. Maraayika oyo, aariga ari na obhuturo bhwafu, na rikusyo ryaye niringʼarabhisya echaaro.

Obhusweruro 2:7

Unu kaategeresya, noongwe emisango jinu Mwoyo Mweru kaabhwira amakanisa. Woonewoone unu ariyiga, nirimwikirisisya okurya amatwasyo ga riiti rinu erisoosya obhuwanga bhwa akajaanende koone. Riiti eryo riri mu‑rwire mw‑isambu rya Nyamuwanga.

2 Petero 3:2

Eneenda mwichuke emisango jinu ꞉bhaayikire kara abharagi abheeru na wone jinu ꞉aaragiriiye Raatabhugenyi na Omuchungusi okutura ku‑tumwa jaaye.

2 Petero 2:20

Na abhaanu bhaakabha bhaasigire obhujabhi bhwa ku‑chaaro chinu kwa okumenya kisi Raatabhugenyi na Omuchungusi weeswe Yeesu Kirisito, nibheeya nibhakomwa rindi na okutaamibhwa okusooka mu‑bhujabhi obhwo, ku‑bhuteero itungwa ya abhaanu abho, eyibha mbiibhi muno okukira kutyo yaariga iri ku‑bhwambiro.

2 Petero 1:11

Kutyo, murikumibhwa kisi mu‑bhukama bhwa akajaanende bhwa Raatabhugenyi na Omuchungusi weeswe Yeesu Kirisito.

2 Petero 1:3

Nyamuwanga okutura ku‑bhuturo bhwaye, achiyaaye emisango joone jinu echikena, korereki chibhe na obhuwanga na chimuyaane echibharo. Achiyaaye ejo, ku‑njira ya okumumenya unu achibhirikiiye ku‑songa ya rikusyo na obhwa ekisi bhwaye omwene.

Baeburania 10:32

Nawe mwichuke jisiku jinu ꞉mwaambire okwikirisya Kirisito. Noorwo kutyo ꞉mwabhwene ebhinyaasyo bhyafu, nawe mwariga nimwigumiirisya ebhinyaasyo ebhyo.

Tiito 3:4

Nawe Nyamuwanga Omuchungusi weeswe, ꞉eeresiisye bhwa ekisi na eryenda ryaye ku‑bhaanu na okuchichungura.

Tiito 2:13

Eswe, echirindirira chiiyikanyisye inguru ya orusuku rwa okuruguusya runu Yeesu Kirisito arisubha ari mw‑ikusyo ryaye. Omwene niwe Nyamuwanga omukuru na Omuchungusi weeswe.

2 Batesalonika 2:8

Awo niwo Omunyamusi oyo arituurwa abhweru. Nawe Raatabhugenyi Yeesu aribha aasubha rindi, arimwita na omwika gwa mu‑kanwa kaaye na arimusingaarisya na rikusyo rya okuuja kwaye.

Baefeso 1:18

Enimusabhwa wone, eegure ameeso ga emitima jeemwe, korereki mumenye obhwiyikanyo bhwa obhubhirikisi bhwaye kw‑imwe kutyo bhuri. Nyabhuriko mumenye rikusyo ryafu rya omwandu gwaye ku‑bheeru kutyo riri.

Bagalatia 5:4

Araabha omwiyikanya okubha abharengeresi imbere ya Nyamuwanga mu‑kuruubha ebhiraagiro, mbe mumenye ati mwikindikire okusooka ku‑Kirisito, na muri kura na obhwitiriranya bhwa Nyamuwanga.

2 Bakorinto 5:4

Omwanya gunu chichaari mu‑bhiwuuna bhyeswe, echaasibhwa kwa okubha emisango myafu ejichisitoyera. Jitari ati echeenda okufuura emibhiri jinu ejifwa, tari ati echeenda okufwafibhwa emibhiri jinu jitakufwa, korereki jimire emibhiri jinu ejifwa.

1 Bakorinto 4:5

Woori, mwasiga okuramura abhaanu omwanya guchaari kukinga, rindirira okukingira orusuku runu Raatabhugenyi Yeesu ariija. Omwene niwe arituura abhweru ebhiinu bhyone bhinu bhibhisirwe mu‑chisuute na okweresya bhinu bhiri mu‑myoyo ja abhaanu. Niwo bhuri muunu aribhona jikuma jinu jimwiyire, okusooka ku‑Nyamuwanga.

Barumi 6:6

Echimenya ati bhumuunu bhweswe bhwa kara ꞉bhwafuuwe aamwi na Kirisito ku‑musarabha, korereki amanaga ga echibhiibhi mu‑myoyo jeeswe gaasiga okuchitunga rindi, na okuchikora chibhe abhagaya bha echibhiibhi.

Barumi 3:31

Angu woori, omwanya gunu echikomeeresya okwikirisya Yeesu, okwingana na okwayika ati ebhiraagiro bhya Muusa bhitari na omuriiro? Wuri, noorwo na akatyari! Nawe chikeekirisya Yeesu, niwo echibha chikuumisiisye joone jinu ebhiraagiro bhya Muusa bhiragiriiye.

Ebikorwa 13:23

“Okusooka mu‑ruganda rwa omukama Dawudi, Nyamuwanga aareetera Abhayisirayeeri Omuchungusi Yeesu, rwa kutyo ꞉aabharagire.

Ebikorwa 5:31

Neeya, Nyamuwanga ˆneenamusya Yeesu unu, ˆnaamutuura orubhaara rwaye rwa ebhuryo, abhe Omutungi na Omuchungusi, korereki asakire Abhayisirayeeri bhate ebhibhiibhi bhyebhwe, bhafwirwe echigongo.

Yowana 20:31

Nawe ebhibharikisyo bhinu bhiri mu‑chitabho chinu, bhikaamirwe korereki mwikirisye ati Yeesu niwe Kirisito, Omwana wa Nyamuwanga, mu‑kwikirisya okwo, mubhone obhuwanga bhwa akajaanende koone kw‑isiina ryaye.

Yowana 5:40

Nawe mutakwenda okuuja kw‑anye, korereki mubhone obhuwanga bhwa kajaanende koone.

Yowana 4:42

Nibhabhwira omugasi oyo ati, “Woori cheekirisya omuunu unu jitari ku‑misango jinu waachibhwira. Tari kwa okubha eswe abheene cheeyungwirwa emisango jinu kaayika. Woori chimenyere chimari ati, omuunu unu niwe Omuchungusi wa echaaro.”

Yowana 1:9

Obhweru bhwa echimari obhwo, bhunu obhumirikira bhuri muunu, bhwariga nibhuuja ku‑chaaro kunu.

Ruuka 13:7

Mbe omuunu oyo, ˆnaabhwira omukosi wa mw‑isambu ryaye omwo ati, ‘Ringira! Ni miguuga esatu woori, niniija okuyenja amatwasyo kw‑iti rinu, nawe nichaariga okubhona‑ko echiinu choonechoone wuri! Nuuriteme, korereki risige okugenderera okunyamura risambu ryani era!’

Ruuka 11:36

Okubha, araabha omubhiri gwawo gwone gwijuuye obhweru, gutari na echisuute wuri, uringʼarabhya rwa idara inu eyikumirikirira na obhweru bhwayo.”

Ruuka 2:11

Reero inu, mu‑musi gwa Dawudi, eebhurwa‑mo Omuchungusi weemwe. Omuchungusi oyo niwe Kirisito Raatabhugenyi.

1 Yoana 4:14

Eswe chibhuganganyiisye ameeso na Omwana wa Nyamuwanga. Woori, echibhwira abhaanu abhandi echimari ati, oyo niwe Raata Nyamuwanga ꞉aatumire mu‑chaaro okubha Omuchungusi wa abhaanu bhoone.

2 Petero 1:1

Inyarubha inu niikaamire anye Simooni Peetero, omukosi na itumwa ya Yeesu Kirisito. Enikaamira emwe bhanu muyaaywe eriikirisya riryarirya rya obhurambu rinu eswe wone chibhwene, okutura rirenga rya Nyamuwanga na Omuchungusi weeswe Yeesu Kirisito.

Obhusweruro 20:14

Ejo jejire jaawa, orufu na nyombe nibhyeswa mu‑nyanja ya omuriro omururu. Inyanja ya omuriro eyo, nirwo orufu rwa kabhiri.

2 Timoteo 1:8

Woori, waasiga okwiswara okwayika inguru ya Raatabhugenyi weeswe, amwi okwiswara kwa okubha niri mw‑ibhoyero ku‑songa yaaye. Nawe, igumiirisya mu‑bhinyaasyo aamwi na anye, inguru ya okubhwira abhaanu Emisango ja Ekisi, okwingana na amanaga ganu Nyamuwanga kaakuyaana.

2 Timoteo 4:1

Enikuragirira jinu imbere ya Nyamuwanga na imbere ya Kirisito Yeesu, unu ariramura abhaanga na abhafuuwe. Kirisito arikora kutyo aribha aasubha rindi na bhuri muunu arimurora. Ka wone, ariija okutunga rwa omukama.

2 Timoteo 4:8

Woori nirindirira era okuyaanwa orutengya rwa okurama kwa obhurengeresi. Raatabhugenyi Yeesu, omuramusi wa rirenga, arinaana orusuku runu arisubha. Orutengya orwo nitariyaanwa anye era, tari na abhandi bhoone bhanu abharindirira kwa obhwiro okusubha kwaye.