2 Timoteo 1:1 - Indagano Inyaaya mu-Chijita

¹ Inyarubha inu, niikaamire anye Pawuro, itumwa ya Kirisito Yeesu mu‑kwenda kwa Nyamuwanga, korereki niraasye omusango gwa obhuwanga. Nyamuwanga ꞉aachiragire ati obhuwanga obhwo obhubhonekana kwa okwikirisya Kirisito Yeesu.

INDAGANO INYA:YA

¹ Anye Paulo, intumwa ya Yesu Kristo kurwo kwenda kwa Nyamuanga, rwo murago gwo buanga bunu buri mu Kristo Yesu kutyo guri,

2 Timoteo 1:1 Referans Kwoze

Baeburania 9:15

Ku‑songa eyo, Kirisito niwe kaagwatanya abhaanu na Nyamuwanga mu‑ndagano inyaaya, korereki abhaanu bhanu Nyamuwanga aawuuwe, bhabhone obhuwanga bhwa kajaanende koone bhunu ꞉aaragire okubhayaana. Ejo ejitura okukorekana kutyo kwa okubha Kirisito ꞉aafuuwe korereki eerure abhaanu okusooka mu‑bhibhiibhi bhinu bhaariga nibhakora omwanya gwa indagano ya kara.

Yowana 17:3

Obhuwanga bhwa akajaanende nibhwo bhunu, abhaanu bhakumenye awe, Nyamuwanga eenyere wa chimari, ka wone, bhammenye anye Yeesu Kirisito, unu awe ꞉waantumire.

2 Bakorinto 1:1

Inyarubha inu, niikaamire anye Pawuro, itumwa ya Kirisito Yeesu mu‑kwenda kwa Nyamuwanga, niri aamwi na Timoteewo omuyiri weeswe mu‑riikirisya. Echikaamira emwe bhanu muri mw‑ikanisa rya Nyamuwanga mu‑musi gwa Koriito, aamwi na abheeru bhoone bha Nyamuwanga bhanu bhari mu‑mukoowa gwa Akaaya.

Yowana 10:28

Anye enijiyaana obhuwanga bhwa kajaanende koone, na jitaribhura wuri. Ka wone atari‑wo omuunu unu kaatura okujisaakura okusooka mu‑mabhoko gaani.

Tiito 1:2

Niwo bharibha na obhwiyikanyo bhwa obhuwanga bhwa akajaanende bhunu Nyamuwanga ꞉aachiragire noorwo achaari okubhumba echaaro. Omwene atakutura okwayika orubheeyi.

Baefeso 3:6

Obhutinge bhwa imbisike eyo, ni ati, ku‑njira ya okwikirisya Emisango ja Ekisi, abhaanu bhanu bhatari Bhayawudi na Abhayawudi bhari na omwandu gumwi, bhari mubhiri gumwi na abhasangira aamwi amabhando ganu bharagirwe mu‑Kirisito Yeesu.

Yowana 6:40

Omusango gunu Raata waani keenda ni ati, bhuri muunu unu kaasombookerwa ati, anye niri Mwana waaye na okunyikirisya, abhe na obhuwanga bhwa akajaanende koone. Oyo niwe anye nirisuurura ku‑rusuku rwa obhuteero.”

1 Yoana 2:25

Kutyo echiramira obhuwanga bhwa akajaanende koone bhunu ꞉aachiragire.

1 Timoteo 6:19

Ku‑njira eyo, bhariibhiikira abheene ebhiinu okubha rwa orufuka rwa ekisi ku‑siku jinu ejiija. Omwanya ogwo niwo bhariramira obhuwanga bhwa echimari.

2 Bakorinto 1:20

Nikwo kutyo jiri, kwa okubha joone jinu Nyamuwanga ꞉aaragire, jaakuumira ku‑Yeesu Kirisito. Nikwo okukora okutura ku‑mwene, echaayika ati, “Jibhe kutyo,” inguru ya okukusya Nyamuwanga.

1 Bakorinto 1:1

Inyarubha inu, niikaamire anye Pawuro, niri aamwi na Sositeene omuyiri weeswe mu‑riikirisya. Anye Pawuro ꞉naabhirikiiywe okubha itumwa ya Kirisito Yeesu mu‑kwenda kwa Nyamuwanga.

Barumi 6:23

Omuunu woonewoone unu ari mugaya wa echibhiibhi, omuyeero gwaye ni rufu rwa akajaanende koone. Nawe eswe, Nyamuwanga kaachiyaana obhuwanga bhwa akajaanende koone. Obhuwanga obhwo bhutari muyeero, tari ni chiyaanwa chinu echiramira okutura ku‑Kirisito Yeesu, Raatabhugenyi weeswe.

Barumi 5:21

Mbe, echibhiibhi chaariga chiri na amanaga ga okutunga abhaanu na okubhareetera orufu. Kutyokutyo, obhwitiriranya bhwa Nyamuwanga wone obhutunga abhaanu, kwa okubhabhara ati ni bharengeresi. Obhwitiriranya obhwo, obhubhayaana obhuwanga bhwa akajaanende koone, okutura ku‑Raatabhugenyi weeswe Yeesu Kirisito.

Barumi 1:1

Inyarubha inu, niikaamire anye Pawuro, omukosi wa Kirisito Yeesu. Anye ꞉naabhirikiiywe nibhe itumwa yaaye, na okusorwa na Nyamuwanga nibhega nindaasya Emisango jaaye ja Ekisi.

Yowana 6:54

Omuunu woonewoone unu kaarya omubhiri gwani na okunywa isagama yaani, oyo ari na obhuwanga bhwa akajaanende koone, na anye nirimusuurura ku‑rusuku rwa obhuteero.

Yowana 5:24

“Ni chimari enibhabhwira ati, omuunu woonewoone unu kaategeresya emisango jaani na okwikirisya Nyamuwanga unu ꞉aantumire, oyo ari na obhuwanga bhwa akajaanende koone. Omuunu oyo atariramurwa, tari aambukire okusooka mu‑kufwa na okwingira mu‑bhuwanga bhwa kajaanende koone.

Bagalatia 3:26

Woori, emwe bhoone muri bhaana bha Nyamuwanga kwa eriikirisya ryemwe, kwa okubha muri na obhumwi na Kirisito Yeesu.

Bagalatia 3:28

Kurwa ejo, bhutari‑wo obhutaasyanya agati ya Omuyawudi na Omuyunaani, amwi omugaya na omuunu omwitaage, amwi omurume na omugasi. Bhoone muri chiinu chimwi, kwa okubha muri na obhumwi na Kirisito Yeesu.

2 Timoteo 1:9

Omwene ꞉aachichunguuye, ˆnaachibhirikira chibhe abhaana bhaaye abheeru. ꞉Ataakorere kutyo kwa okubha ati ebhikorwa bhyeswe ni bhya ekisi, tari ꞉aakorere kutyo mu‑kwenda kwaye na obhwitiriranya bhwaye. ꞉Aachiyaaye obhwitiriranya obhwo inguru ya Kirisito Yeesu, noorwo achaari okubhumba echaaro.

2 Timoteo 1:10

Nawe woori, Nyamuwanga eeresya obhwitiriranya bhwaye kw‑iswe, kwa okuuja kwa Omuchungusi weeswe Kirisito Yeesu. Omwene ꞉aayigire amanaga ga orufu na ꞉eeresiisye obhuwanga bhwa akajaanende ku‑njira ya Emisango ja Ekisi.

2 Timoteo 1:13

Ugwate kisi ameeyigisyo ga echimari ganu ꞉naakwiyigisiisye. Wiyigisye ago, ubhe echijekekanyo cha eriikirisya na eryenda bhinu ebhibhonekana kwa okwikirisya Kirisito Yeesu.

2 Timoteo 2:1

Woori awe omwana waani, ubhe na amanaga mu‑bhwitiriranya bhunu echibhona kwa okwikirisya Kirisito Yeesu.

2 Timoteo 2:3

Igumiirisya aamwi na anye mu‑bhinyaasyo, rwa omusirikare wa ekisi wa Kirisito Yeesu.

2 Timoteo 2:10

Kurwa ejo, eniigumiirisya joone inguru ya abhaanu bhanu Nyamuwanga asorere, korereki abheene wone bhabhone obhuchungusi ku‑njira ya okwikirisya Kirisito Yeesu na bhasangire rikusyo ryaye akajaanende.

2 Timoteo 3:15

Okusookerera ku‑bhwana bhwawo owumenya Ebhikaame Ebhyeru. Ebhikaame ebhyo ebhikuyaana obhuturo bhwa okusombookerwa ati obhuchungusi obhubhonekana kwa okwikirisya Kirisito Yeesu.

Tiito 1:4

Enikukaamira awe Tiito, omwana waani wa echimari mu‑riikirisya rinu echisangira aamwi. Obhwitiriranya na omurembe okusooka ku‑Raata Nyamuwanga na ku‑Kirisito Yeesu Omuchungusi weeswe, bhibhe aamwi na awe.