2 Petero 2:17 - Indagano Inyaaya mu-Chijita

¹⁷ Abhaanu abho bhari rwa amajibha ganu goomirire, bhari rwa orukoowa runu oruyembwa na echifurafufi. Echisuute echirafuru ti chibhiikirwe inguru yeebhwe.

INDAGANO INYA:YA

¹⁷ Abo nibo ebinyo binu bitarimo manji, ni me:re ganu agagegwa no muyaga gwe ciure. Nibo abarindisibwa ecisu:te eci:rafuru pi.

2 Petero 2:17 Referans Kwoze

Baefeso 4:14

Mbe, chitaribha rindi rwa abhaana abharera, nichiyeemusibhwa na okugegwa enu na eyi na omuyaga gwa ameeyigisyo ga orubheeyi. Ameeyigisyo ago, ageeyigisibhwa mu‑bhurigerige na obhwengeeso bhwa abhaanu, bhanu abheetemeeka ja orubheeyi.

Yuuda 1:6

Ka wone, mwichuke bhamaraayika bhanu ꞉bhateeyirwe na obhukuru bhwebhwe, nibhasiga obhwikaro bhwebhwe. Nyamuwanga abhateeye mu‑chisuute echirafuru, abhabhoyere na amaseega ga akajaanende. Eyo abharindirira orusuku orukuru rwa okuramurwa.

2 Petero 2:4

Nikwo kutyo bhamaraayika bhanu ꞉bhaakorere ebhibhiibhi, Nyamuwanga ꞉ataabhasigire, tari ꞉aabheesere nyombe, anu bhabhoyerwe na amaseega. Mu‑chisuute echirafuru cha nyombe eyo, abharindirira orusuku rurya rwa okuramurwa.

Matayo 25:30

Omugaya oyo, atari na omuriiro gwonegwone. Mumwese anja mu‑chisuute munu bhaririraga na okuguguna ameeno.’”

Matayo 22:13

Mbe, omukama ˆnaabhwira abhakosi bhaaye ati, ‘Mubhoye omuunu unu amaguru na amabhoko na mumwese anja mu‑chisuute. Omwo nimwo abhaanu bhaririraga na okuguguna ameeno.’”

Matayo 8:12

Nawe Abhayisirayeeri abharebhe bhanu bhaariga nibheeyikanya okwingira mu‑bhukama obhwo, bharyeswa anja mu‑chisuute, omwo nimwo bhaririraga na okuguguna ameeno.”

Baeburania 12:18

Emwe ꞉mutaakingire ku‑chiima rwa chirya cha Sinaayi chinu chaariga nichitura okukuunibhwa‑ko, chinu chaariga nichaaka omuriro, gunu gwariga guri na echisuute chaafu muno na echiiwure.