2 Batesalonika 3:4 - Indagano Inyaaya mu-Chijita

⁴ Raatabhugenyi kaachiyaana obhwiyikanyo bhunene kw‑imwe ati, woori omukora jinu echibharagirira, ka wone omuja okugenderera okujikora.

INDAGANO INYA:YA

⁴ Neswe eci:ikanya Ratabugenyi kubwemwe ati omukora binu ecibaragirira na ka murabikoraga.

2 Batesalonika 3:4 Referans Kwoze

1 Batesalonika 4:10

Ni chimari, nikwo kutyo omukorera abheejaanyu bhoone bha mu‑mukoowa gwa Makedooniya. Woori, echibheerembeeresya ati mugenderere okwendana muno okukira kutyo mwariga nimwendana.

Bafilipi 1:6

Nimenyere chimari omusango gunu ati Nyamuwanga unu ꞉aambire omurimu gwa ekisi mu‑myoyo jeemwe, arigugenderesya okukingira gukuumire orusuku rurya Kirisito Yeesu arisubha.

Filemoni 1:21

Enikukaamira jinu, kwa okubha enimenya ati owuja okukora jinu naakusabhwa, ka wone owuja okukora okukira ejo.

Bafilipi 2:12

Mbe, abheendwa bhaani, omwanya gunu naariga niri kw‑imwe, mwariga nimugayuka Nyamuwanga siku joone. Nyabhuriko, noorwo woori omwanya gunu niri kura na emwe, mugenderere okukora muno jinu jeenderwe ku‑bhaanu bhanu Nyamuwanga achunguuye. Mukore ejo mu‑kuyarara kunu okuruubhana na okuubhaya Nyamuwanga.

2 Bakorinto 2:3

Eyo niyo isonga inu ꞉yaakorere nimbakaamira ku‑nyarubha irya ati nitakubhaaja‑ko, naasiga okusurumbasibhwa na emwe, bhanu mwenderwe okunkora nikonderwe. Nimenyere chimari ati, anye nikakonderwa, emwe bhoone wone omukonderwa.

2 Batesalonika 3:12

Abhaanu abho echibharagirira na okubheerembeeresya kw‑isiina rya Raatabhugenyi Yeesu Kirisito ati, bhabhe nibhakora emirimu bhasimbiirire, korereki bharye ebhiryo bhyebhwe abheene.

2 Batesalonika 3:6

Abhayiri bheeswe, echibharagirira kw‑isiina rya Raatabhugenyi Yeesu Kirisito ati, mwikenge na abhayiri bhoone abharenga, bhanu bhatakuruubha ameeyigisyo ganu ꞉chaabhayaaye.

Matayo 28:20

na okubheeyigisya okugwata joone jinu ꞉naabharagiriiye. Mwichuke ati, anye niri aamwi na emwe siku joone, okukingira ku‑bhuteero bhwa echaaro.”

Bagalatia 5:10

Enimenya kisi ati emwe muri na obhumwi na Raatabhugenyi Yeesu, kurwa ejo, mutariikirisya okujigwa. Nawe omuunu woonewoone unu aribhajiga, noorwo abhega, ariyaanwa ebhitiibha.

2 Bakorinto 8:22

Echituma wone omuyiri weeswe owundi mu‑riikirisya, aruubhane aamwi na bha Tiito. Omuyiri weeswe oyo, ꞉chaamurorere kwiya kaafu ku‑misango myafumyafu ati, ari na obhwira bhunene bhwa okukora emirimu, na woori ari na obhwira bhunene muno okukira bhunu aariga ari nabhwo ku‑bhwambiro, kwa okubha ari na obhwiyikanyo obhunene kw‑imwe.

2 Bakorinto 2:9

Omusango ogundi gunu ꞉gwakorere nimbakaamira inyarubha irya, gwariga guri kubharegeeja, korereki nimenye araabha mwakangayukire mu‑joone.

1 Bakorinto 14:37

Araabha omuunu keerora ati ari na echiyaanwa cha okusoosya obhuragi, amwi ati ari na echiyaanwa echindi cha Mwoyo Mweru, asombookerwe ati, jinu enibhakaamira, ni maragiriro okusooka ku‑Raatabhugenyi.

1 Bakorinto 7:19

Okutendwa amwi okurema okutendwa kutari‑mo omuriiro. Echiinu chinu chiri na omuriiro ni kuruubha amaragiriro ga Nyamuwanga.

Barumi 15:18

Anye nitaryayika omusango gwonegwone ogundi, tari era gunu Kirisito ꞉aakorere okutura kw‑anye. ꞉Aakorere abhaanu bhanu bhatari Bhayawudi bhamugayuke, okutura ku‑misango jinu naariga ninaayika na emirimu jinu naariga ninkora.

Barumi 15:14

Abhayiri bhaani, anye omwene enimenya chimari ati muri bhaanu bha ekisi muno, na mumenyere kisi jinu mwenderwe okukora, ka wone muri na obhuturo bhwa okwiyigisyanya.

Barumi 2:7

Nyamuwanga ariyaana obhuwanga bhwa akajaanende koone abhaanu bhanu abheegumiirisya mu‑kukora ja ekisi okuyigwa wuri, inguru ya okuyenja rikusyo na echibharo na obhuwanga bhunu bhutakunyamuka okusooka ku‑mwene.