2 Batesalonika 3:3 - Indagano Inyaaya mu-Chijita

³ Nawe Raatabhugenyi Yeesu ni mwiyikanyibhwa, omwene kaja okubhakomeesya na okubhaangarira okusooka ku‑Mubhiibhi urya.

INDAGANO INYA:YA

³ Nawe Ratabugenyi ni mwiikanyibwa, ka niwe aribarumya no kubarindaga ku mubi:bi.

2 Batesalonika 3:3 Referans Kwoze

2 Timoteo 4:18

Enimenya ati arigenderera okumonʼya okusooka mu‑bhibhiibhi bhyone na okunyangarira, okukingira aankingye mu‑bhukama bhwaye mu‑rwire. Raatabhugenyi Yeesu akusibhwe akajaanende koone. Jibhe kutyo.

1 Batesalonika 5:24

Nyamuwanga niwe kaabhabhirikira, aribhakorera ejo joone, kwa okubha omwene ni mwiyikanyibhwa.

1 Bakorinto 10:13

Amaregeejo ganu gaabhabhona, gari rwa ganu abhaanu abhandi abhabhona bhuri rusuku. Nyamuwanga ni mwiyikanyibhwa, omwene atakuja okubhasiga muregeejibhwe okukira obhuturo bhwemwe. Omwanya gunu emwe omuregeejibhwa, Nyamuwanga kaja okubhayaana obhuturo bhwa okwigumiirisya na okubheeresya injira ya okusooka omwo.

1 Bakorinto 1:9

Nyamuwanga arikora ejo kwa okubha omwene ni mwiyikanyibhwa. Omwene niwe ꞉aabhabhirikiiye, mubhe na obhumwi na Omwana waaye Yeesu Kirisito, Raatabhugenyi weeswe.

Yowana 17:15

“Raata, nitakukusabhwa ati ubhafurusye okusooka ku‑chaaro kunu, tari ati ubhachungure kusooka ku‑Mubhiibhi urya.

Yuuda 1:24

Nyamuwanga niwe owa obhuturo bhwa okubhaangarira, korereki mwasiga okwikuujura. Ka wone, kaatura okubheemereegusyu mw‑ikusyo ryaye, nimusandabhaga muno, mutaabha‑ko esoro.

Matayo 6:13

Waasiga okuchiingisya mu‑maregeejo, nawe uchichungure okusooka ku‑Mubhiibhi urya, [kwa okubha obhukama, amanaga na rikusyo, ni bhyawo akajaanende koone! Jibhe kutyo!]’”

2 Petero 2:9

Kurwa ejo, Raatabhugenyi kaamenya kutyo kaawonʼya okusooka mu‑maregeejo abhaanu bhanu abhamugayuka. Ka wone, kaamenya kutyo kaja okuyaana ebhitiibha abhakosi bha ebhibhiibhi orusuku rurya rwa okuramurwa,

2 Batesalonika 2:17

abhasimbiisye emyoyo na okubhakomeesya, korereki mukorega na okwayika jinu jiri ja ekisi.

Ruuka 11:4

Uchifwire echigongo ebhibhiibhi bhyeswe, rwa kutyo eswe wone echifwira echigongo bhanu abhachikayira. Waasiga okuchiingisya mu‑maregeejo, [nawe uchichungure okusooka ku‑Mubhiibhi urya].’”

Matayo 5:37

Mwayikega ati, ni chimari ikabha iri chimari, mwayikega ati, ni wuri jikabha jiri wuri. Emisango joone jinu ejikira ejo, ejisooka ku‑Mubhiibhi urya.

1 Petero 5:10

Nyamuwanga wa obhwitiriranya bhwone, ꞉aabhabhirikiiye korereki musangire aamwi nage mw‑ikusyo ryaye rya akajaanende koone, aamwi na Kirisito. Omunyaaka kwa omwanya mutooto era, nawe Nyamuwanga omwene aribhakomeesya, aribhayaana amanaga na okubhakuumisya.