2 Bakorinto 8:7 - Indagano Inyaaya mu-Chijita

⁷ Muri bhaniibhi mu‑misango joone. Muri na eriikirisya, obhuturo bhwa okwayika kisi, obhumenyi, obhwikomeesya bhwafu bhwa okukora ja ekisi, na eryenda ryemwe kw‑iswe. Mbe, nyabhuriko, mubhe abhaniibhi ku‑mirimu ja obhwitiriranya ejo, ja okusakira abhandi.

INDAGANO INYA:YA

⁷ Nawe rwa kutyo mufufi:fye mu byone mu kwikirisya, na mu kwaika, na mu bwenge, na mu kukome:ra kwone, na mu kwenda kwemwe kwiswe, mbe musagirirega na mu murimu gunu gwa ribando one.

2 Bakorinto 8:7 Referans Kwoze

2 Batesalonika 1:3

Woori, abhayiri bheeswe, echikenwa chisiime Nyamuwanga bhuri rusuku ku‑songa yeemwe. Jiiyire chikore kutyo, kwa okubha eriikirisya ryemwe eriiyongesya muno, ka wone, eryenda ryemwe erigenderera okwiyongesya kw‑imwe abheene kwa abheene.

2 Bakorinto 9:8

Nyamuwanga kaatura okubhayaana amabhando okukira bhinu omukena, korereki omwanya gwone, mubhe na ebhiinu bhyone bhinu omukena, ka wone mubhe abhaanu bha okukora emyafu ja ekisi ja okusakira abhandi.

Bafilipi 1:9

Enibhasabhirwa ku‑Nyamuwanga ati eryenda ryemwe rigenderere okwiyongesya muno, mu‑kubha na obhwengeeso na okusombookerwa kwone,

2 Bakorinto 8:6

Kurwa ejo, ꞉cheerembeeresiisye Tiito ati, aaje abhasakire okumara omurimu gwa obhwitiriranya ogwo, kwa okubha niwe ꞉aagwambisiisye kw‑imwe.

1 Bakorinto 13:2

Ka wone noorwo nikasoosya obhuragi na okusombookerwa jimbisike joone na okumenya joone kisi, noorwo nikabha na eriikirisya enene rya okutura okufurusya ebhiima, nawe araabha nitari na eryenda, anye nitari chiinu.

1 Bakorinto 4:7

Woori, niga unu aakukora ubhe omukuru muno okukira owundi? Ni chiinu ki chinu uri nacho chinu utayaaywe na Nyamuwanga? Araabha uyaaywe, kurwa ki owikuuya wuti utayaaywe?

1 Bakorinto 1:5

Mu‑kubha na obhumwi na Kirisito muniibhire mu‑bhuri musango, chimwichimwi mu‑kwayika kwemwe na mu‑bhumenyi bhwemwe.

1 Bakorinto 13:8

Eryenda ritari na obhuteero. Nawe okusoosya obhuragi, okwayika jinyaayika jingenyi na obhumenyi, ebhiyaanwa ebhyo bhyone bhiri na obhuteero.

1 Bakorinto 12:13

Enaayika kutyo, kwa okubha eswe bhoone, chibhe Abhayawudi amwi abhaanu bhanu bhatari Bhayawudi, chibhe abhagaya amwi abheetaage, ꞉chaabhatiijiibhwe mu‑Mwoyo umwi na okuyaanwa Mwoyo umwi oyo, korereki chibhe omubhiri gumwi.

2 Petero 3:18

Tari mugenderere okukura mu‑bhwitiriranya bhwa Raatabhugenyi na Omuchungusi weeswe Yeesu Kirisito, na mu‑kumumenya. Omwene akusibhwe, woori na akajaanende koone. Jibhe kutyo.

1 Petero 1:22

Mbe, kwa okubha omuruubha ameeyigisyo ga echimari inguru ya Yeesu, emyoyo jeemwe jeesiibhwe. Woori mukomeerega okwenda abheejaanyu mu‑mwoyo gwa echimari,

2 Timoteo 2:1

Woori awe omwana waani, ubhe na amanaga mu‑bhwitiriranya bhunu echibhona kwa okwikirisya Kirisito Yeesu.

Baefeso 4:29

Omusango gwonegwone omujabhi gusige okusooka mu‑kanwa keemwe, tari gwa ekisi gunu gwiyire okukomeesya bhanu bhari na obhukene, korereki bhanu abhaguungwa bhayaanwe obhwitiriranya.

2 Bakorinto 9:14

Bharibhaga nibhabhasabhirwa ku‑Nyamuwanga kwa eryenda ryafu, ku‑songa ya obhwitiriranya bhwafu bhunu Nyamuwanga abhayaaye emwe.

2 Bakorinto 7:7

Jitari ati, ꞉chaafungʼamiibhwe mu‑kuuja kwa Tiito era, tari ꞉chaafungʼamiibhwe noorwo okuruubhana na kutyo ꞉mwamufungʼamiisye. ꞉Aachibhwiriiye kutyo omwigomba okundora, kutyo omusurumbara na okunnyaakirira. Ejo jaankora nikonderwe muno.

1 Bakorinto 14:12

Nikwo kutyo jiri na kw‑imwe. Woori, kwa okubha omwenda muno okubha na ebhiyaanwa bhya Mwoyo Mweru, muyenje muno okubha na ebhiyaanwa bhinu ebhisakira abheekirisya abheejaanyu okukomeera mu‑riikirisya.

Barumi 15:14

Abhayiri bhaani, anye omwene enimenya chimari ati muri bhaanu bha ekisi muno, na mumenyere kisi jinu mwenderwe okukora, ka wone muri na obhuturo bhwa okwiyigisyanya.

Obhusweruro 3:17

Omwayika ati, ‘Eswe chiri abhaniibhi. Chaniibhire muno. Chiri na bhuri echiinu chinu echikena!’ Nawe mutakumenya ati emwe mutari na amanaga, muri bhaanu bha okufwirwa echigongo, muri bhataka, muri bhawofu, ka wone muri tuyu.

Baeburania 12:28

Kurwa ejo, chisiimega Nyamuwanga, okubha eekirisya chibhega nichisangira obhukama bhwaye bhunu bhutakutikima. Chiramyega Nyamuwanga ku‑njira inu eyimukondisya na mu‑bhwikeeya na echibharo,

Bafilipi 1:11

Obhurame bhwemwe bhuriijura emisango ja rirenga jinu ejibhonekana ku‑njira ya Yeesu Kirisito. Ejo joone jirikumya Nyamuwanga na okumukusya.

1 Bakorinto 12:8

Mwoyo kaayaana omuunu owumwi okwayika emisango ja obhwengeeso, owundi Mwoyo oyooyo kaamuyaana okwayika emisango ja obhumenyi.

Matayo 25:22

“Omugaya unu ꞉aayaaywe jitaranta ebhiri, wone ˆnaaja na jitaranta ebhiri ejindi, ˆnaabhwira omwami waaye ati, ‘Mwami waani, ꞉waanaaye jitaranta ebhiri korereki nijikorere emirimu. Ringira, nibhwene jitaranta ejindi ebhiri jinu.’