2 Bakorinto 7:8 - Indagano Inyaaya mu-Chijita

⁸ Noorwo kutyo inyarubha inu ꞉naabhakaamiiye ꞉yaabhasurumbasiisye, nitakurora ati ꞉naakorere kubhiibhi. Ni chimari ati, ku‑bhwambiro ꞉naarorere ati ꞉naakorere kubhiibhi, kwa okubha nimenyere ati inyarubha eyo ꞉yaabhasurumbasiisye, kasinjeeke era.

INDAGANO INYA:YA

⁸ Kwo kuba nakabee nabasurumbasisye na inyaruba yani, nitakwigarura, nakabee ne:garuye, okuba nabwene ati inyaruba eyo yabasurumbasisye, nakabee kari ka:nya era.

2 Bakorinto 7:8 Referans Kwoze

Obhusweruro 3:19

Anye, enigonya na okufyetura jisimbo abhaanu bhoone bhanu eneenda. Mbe, mwikomeesye na okuta ebhibhiibhi bhyemwe.

2 Bakorinto 7:11

Ringira kutyo obhusurumbaaye obhwo Nyamuwanga ꞉aakarariiye, obhubhareterera omuriiro omunene! Bhwareterera obhwira bhunene bhwa okukora jinu jiiyire, bhwabhareterera okwibhagira ku‑jinu omukora. Ka wone bhwabhakora mubhiyirirwe ebhibhiibhi, bhwabhakora muramye Nyamuwanga, okwigomba okundora, na okwikomeesya okurora ati unu ꞉aakayire, aaramira ebhitiibha bhyaye. Ku‑njira ejo joone, mweresya ati mutari na echikayo ku‑misango ejo.

2 Bakorinto 7:6

Nawe Nyamuwanga unu kaafungʼamya abha obhusurumbaaye, ꞉aachifungʼamiisye mu‑kuuja kwa Tiito.

Yowana 21:17

Yeesu ˆnaabhuusya Peetero rwa kasatu ati, “Simooni, omwana wa Yowana, angu unyendere?” Mbe, Peetero ˆnaasurumbara kwa okubha ꞉aamubhuusiisye rwa kasatu ati, “Angu, unyendere?” ˆNaamusubhya ati, “Raatabhugenyi, awe umenyere joone. Umenyere ati nikwendere.” Yeesu ˆnaamubhwira ati, “Yangarira jinaama jaani.

Yowana 16:6

Mwasurumbara muno mu‑myoyo jeemwe, kwa okubha naabhabhwira ati enigenda ku‑Raata.

2 Bakorinto 7:7

Jitari ati, ꞉chaafungʼamiibhwe mu‑kuuja kwa Tiito era, tari ꞉chaafungʼamiibhwe noorwo okuruubhana na kutyo ꞉mwamufungʼamiisye. ꞉Aachibhwiriiye kutyo omwigomba okundora, kutyo omusurumbara na okunnyaakirira. Ejo jaankora nikonderwe muno.

2 Bakorinto 7:9

Nawe woori, enikonderwa ati ꞉naakaamire inyarubha irya, itari kwa okubha ꞉mwasurumbasiibhwe, tari kwa okubha obhusurumbaaye bhwemwe, ꞉bhwabhakorere mute ebhibhiibhi bhyemwe. ꞉Mwasurumbasiibhwe rwa kutyo Nyamuwanga ꞉aakarariiye, kurwa ejo, eswe ꞉chitaabhawutaasisye ku‑njira yooneyoone irya.

2 Bakorinto 7:12

Mbe, noorwo kutyo ꞉naabhakaamiiye inyarubha irya, ꞉nitaakaamire inguru ya omuunu unu ꞉aakoreeye owundi kubhiibhi, amwi inguru ya unu ꞉aakoreeywe kubhiibhi. Tari ꞉neendere mwirore emwe abheene imbere ya Nyamuwanga, kutyo omwisoosya inguru yeeswe.