2 Bakorinto 6:7 - Indagano Inyaaya mu-Chijita

⁷ na mu‑kuraasya omusango gwa echimari. Echikora ejo joone, ku‑bhuturo bhwa Nyamuwanga. Obhurengeresi nibhyo ebhigwato bhyeswe, orubhaara rwa ebhuryo na orwa ebhumoosi.

INDAGANO INYA:YA

⁷ Mu musango gwo kumasya, mu managa ga Nyamuanga, kurwe bigwato byo burengeresi ku kuboko kwe buryo no kwe bumosi,

2 Bakorinto 6:7 Referans Kwoze

2 Bakorinto 4:2

Chiremere kata okukora emisango ja imbisike na eja jiswaro. Chitakujiga abhaanu, noorwo chitakusaasya omusango gwa Nyamuwanga na orubheeyi. Tari, echiimenyegesya mu‑kwayika echimari abhwerubhweru, korereki abhaanu bhoone bhamenye mu‑mitima jeebhwe ati, eswe chiri bhaanu bha echimari imbere ya Nyamuwanga.

2 Timoteo 2:15

Ikomeesya okwiyigisya omusango gwa echimari, rwa kutyo Nyamuwanga keenda. Niwo owuja okubha omukosi wa emirimu unu atakwiswara inguru ya emirimu jaaye. Ejo nijo Nyamuwanga keekirisya.

Yakobo 1:18

Rwa kutyo omwene ꞉eendere, ꞉aachikorere chibhe abhaana bhaaye, ku‑njira ya omusango gwaye gwa echimari. ꞉Aakorere kutyo, korereki chibhe rwa abhaana bha obhubhere ku‑bhiinu bhyone bhinu ꞉aabhumbire.

2 Timoteo 4:7

Nirwanire riremo kisi, orugendo rwani nirumarire kisi, ka wone eriikirisya ryani nirigwatiriiye ngʼanyangʼanya.

1 Batesalonika 5:8

Nawe eswe, chiri bhaana bha mu‑mwisi, kurwa ejo chiyingirire. Eriikirisya na eryenda bhibhe mu‑myoyo jeeswe. Okubha ebhiinu ebhyo, bhiri rwa ingubha ya echuuma ku‑bhifubha bhyeswe. Chiiyikanye wone ati, Nyamuwanga arichichungura, niwo echibha wuti chifwaye ingofiira ya echuuma ku‑mitwe.

Baefeso 3:20

Mbe Nyamuwanga akusibhwe, kwa okubha omwene ari na obhuturo bhwa okukora emisango myafu muno okukira ebhiinu bhyone bhinu echisabhwa amwi bhinu echiiganirisya. Omwene kaakora ejo, ku‑njira ya obhuturo bhwaye bhunu obhukora emirimu mu‑myoyo jeeswe.

2 Bakorinto 13:4

Ni chimari ati Kirisito ꞉aabhambirwe ku‑musarabha rwa omuunu omujorobhoke, nawe woori, ni muwanga ku‑bhuturo bhwa Nyamuwanga. Nyabhuriko eswe wone chiri bhajorobhoke rwa kutyo Kirisito aariga ari, nawe omuja okuchirora chiri bhaanga aamwi na omwene ku‑bhuturo bhwa Nyamuwanga.

Baefeso 1:13

Emwe wone, bhanu mutari Bhayawudi ꞉mwoonguuwe omusango gwa echimari, nijo Emisango ja Ekisi ja obhuchungusi bhwemwe. Ka wone, mwejire mweekirisya Kirisito, Nyamuwanga ꞉aabhateeye‑ko orunabho kwa okubhayaana Mwoyo Mweru unu aariga abharagire. Kwa okukora kutyo, ꞉eeresiisye ati, muri abhaana bhaaye.

2 Bakorinto 7:14

Okubha jikabheeye ati, ꞉naabhakuuyiisye muno imbere yaaye ku‑musango gwonegwone, ꞉nitaaswasiibhwe. Joone jinu chaariga nichibhabhwira jaariga jiri ja chimari. Nyabhuriko, jinu ꞉chaabhakuuyiisye imbere ya Tiito, wone jaabhonekana ati ni ja chimari.

Baeburania 2:4

Nyamuwanga wone aariga ˆnaasoosya obhubhambaasi inguru ya obhuchungusi obhwo, ku‑njira ya okukora ebhibharikisyo, ebhiruguusyo na ebhikorwa bhya amanaga bhya mbaga nyafunyafu. Ka wone ꞉aagabhiiye abhaanu ebhiyaanwa bhya Mwoyo Mweru okuruubhana na okwenda kwaye.

Bakolosai 1:5

Eriikirisya ryemwe na eryenda ryemwe eryo, ebhiruubhana na obhwiyikanyo bhwemwe ati muriramira amabhando ganu Nyamuwanga abhabhiikiiye mu‑rwire. ꞉Mwoonguuwe inguru ya obhwiyikanyo obhwo omwanya gunu ꞉mwaraasisiibhwe omusango gwa echimari, nijo Emisango ja Ekisi.

Baefeso 4:21

Enimenya chimari ati, ꞉mwoonguuwe ameeyigisyo inguru yaaye na okwiyigisibhwa kisikisi, kutyo echimari chiri mu‑Kirisito.

1 Bakorinto 1:24

Nawe ku‑bhaanu bhanu Nyamuwanga ꞉aabhirikiiye okubha abhaanu bhaaye, bhabhe Abhayawudi amwi bhabhe Abhayunaani, Kirisito niwe amanaga ga Nyamuwanga na obhwengeeso bhwa Nyamuwanga.

Ebikorwa 11:21

Obhuturo bhwa Raatabhugenyi bhwariga bhuri aamwi nabho, abhaanu bhaafu nibheekirisya nibhayindukira Raatabhugenyi Yeesu.

Mariko 16:20

Abheeyigisibhwa bhaaye bharya nibhasooka arya. Nibhagenda okuraasya Emisango ja Ekisi woonewoone. Raatabhugenyi Yeesu abhayaanaga amanaga ga okukora ebhibharikisyo. Nikwo kutyo aariga ˆneeresya emisango ejo ati ni ja chimari.]

2 Bakorinto 2:17

Eswe chitari rwa abhaanu abhandi abhaafu, bhanu abharaasya omusango gwa Nyamuwanga kwa okugusuruja, korereki bheebhonere‑mo omuriiro. Tari eswe, ku‑managa ga Kirisito, echiraasya omusango gwa Nyamuwanga kwa obhwiyikanyibhwa bhwone imbere ya Nyamuwanga, kwa okubha omwene niwe ꞉aachitumire.