2 Bakorinto 4:10 - Indagano Inyaaya mu-Chijita

¹⁰ Siku joone emibhiri jeeswe jiri mu‑ngʼanga ya okufwa rwa Yeesu, korereki obhuwanga bhwa Yeesu bhubhuurisibhwe ku‑mibhiri jeeswe.

INDAGANO INYA:YA

¹⁰ Eciribata kusiku ciri no kwitwa kwa Yesu mu mibiri jeswe.

2 Bakorinto 4:10 Referans Kwoze

Barumi 6:5

Rwa kutyo ꞉chaabheeye na obhumwi na Kirisito mu‑kufwa kwaye, kutyokutyo chirisuuruka rwa omwene.

2 Timoteo 2:11

Omusango gunu ni gwa echimari ati, “Araabha chifuuwe aamwi na Kirisito, wone echija okubha abhaanga aamwi nage.

1 Petero 4:13

Nawe mukondererwe ati omunyaaka rwa kutyo Kirisito ꞉aanyaakire. Mukonderwe woori, korereki mubhe na risandabha ryone, omwanya gunu arisubha na rikusyo ryaye niriswerurwa abhwerubhweru.

Barumi 6:8

Woori kwa okubha ꞉chaafuuwe aamwi na Kirisito, echiikirisya ati chiriikara aamwi nage.

2 Bakorinto 13:4

Ni chimari ati Kirisito ꞉aabhambirwe ku‑musarabha rwa omuunu omujorobhoke, nawe woori, ni muwanga ku‑bhuturo bhwa Nyamuwanga. Nyabhuriko eswe wone chiri bhajorobhoke rwa kutyo Kirisito aariga ari, nawe omuja okuchirora chiri bhaanga aamwi na omwene ku‑bhuturo bhwa Nyamuwanga.

2 Bakorinto 1:5

Rwa kutyo ebhinyaasyo ebhifura kw‑iswe inguru ya Kirisito, nikwo kutyo Nyamuwanga kaagenderera okuchifungʼamya okutura ku‑Kirisito.

Barumi 8:36

Rwa kutyo Ebhikaame Ebhyeru ebhyayika ati, “Bhuri rusuku echibhugana na orufu, kwa okubha echikukorera emirimu. Echikorerwa rwa jinaama jinu ejisirwa okwitwa.”

Bakolosai 1:24

Woori enikondererwa ebhinyaasyo bhinu enibhona inguru yeemwe. Mu‑mubhiri gwani enisangira ebhinyaasyo bhya Kirisito inguru ya omubhiri gwaye, omubhiri ogwo, niryo rikanisa.

2 Bakorinto 1:9

Chimari ꞉cheeyunguuwe wuti chiramuuywe okwitwa. Ogwo ꞉gwakorekeene, korereki chaasiga okwiyikanya amanaga geeswe, tari chiiyikanye Nyamuwanga, unu kaasuurura abhafuuwe.

Bagalatia 6:17

Mbe, okwambira woori omuunu woonewoone asige okunnyaasya rindi, kwa okubha ku‑mubhiri gwani niri na jingʼofu, ꞉naabhwene jimbuma inguru ya okukorera Yeesu.

Yowana 14:19

Guchaari mwanya mufuyi era abhaanu bha ku‑chaaro kunu bhatarindora. Nawe emwe murindora kwa okubha anye enirama, emwe wone murirama.

Obhusweruro 1:17

Nejire naamurora, ningwa ku‑maguru gaaye bhwifumbike wuti nifuuwe. Nawe, ˆnaankuunʼya‑ko na okubhoko kwaye kwa ebhuryo, ˆnaambwira ati, “Siga okuubhaya! Anye niri wa okwamba na owa obhuteero.

2 Bakorinto 4:11

Eswe bhanu chiri bhaanga, echiribhata na orufu omwanya gwone inguru ya Yeesu, korereki obhuwanga bhwaye, bhubhuurisibhwe ku‑mibhiri jeeswe jinu ejifwa.

1 Petero 4:14

Araabha mukafumwa ku‑songa ya risiina rya Kirisito, mumenye ati muyaaywe amabhando. Omusango ogwo, ogweresya ati Mwoyo wa Nyamuwanga owa rikusyo ari aamwi na emwe.