2 Bakorinto 2:17 - Indagano Inyaaya mu-Chijita

¹⁷ Eswe chitari rwa abhaanu abhandi abhaafu, bhanu abharaasya omusango gwa Nyamuwanga kwa okugusuruja, korereki bheebhonere‑mo omuriiro. Tari eswe, ku‑managa ga Kirisito, echiraasya omusango gwa Nyamuwanga kwa obhwiyikanyibhwa bhwone imbere ya Nyamuwanga, kwa okubha omwene niwe ꞉aachitumire.

INDAGANO INYA:YA

¹⁷ Okuba citari rwa ba:fu, banu abakama Omusango gwa Nyamuanga nibaguco:tora. Nawe eca:ika mu Kristo imbere ya Nyamuanga, rwa ba:nu be cimari na rwa ba:nu ba Nyamuanga.

2 Bakorinto 2:17 Referans Kwoze

2 Bakorinto 4:2

Chiremere kata okukora emisango ja imbisike na eja jiswaro. Chitakujiga abhaanu, noorwo chitakusaasya omusango gwa Nyamuwanga na orubheeyi. Tari, echiimenyegesya mu‑kwayika echimari abhwerubhweru, korereki abhaanu bhoone bhamenye mu‑mitima jeebhwe ati, eswe chiri bhaanu bha echimari imbere ya Nyamuwanga.

2 Bakorinto 1:12

Mbe, eswe echiikuuya ku‑musango gumwi. Emitima jeeswe ejichibhambaarira ati, chiikaaye kwa obhurengeresi na okwa obhwiyikanyibhwa bhunu obhusooka ku‑Nyamuwanga. ꞉Chitaakorere kutyo okuruubhana na obhwengeeso bhwa echinyamuunu, tari ku‑bhwitiriranya bhwa Nyamuwanga. Nikwo kutyo chiikaaye ku‑chaaro anu, na chimwichimwi mu‑bhungwani bhweswe na emwe.

Obhusweruro 2:20

Nawe, muri na omusango gumwi gunu guchaannyaasya. Emwe omwikirisisya omugasi unu kaatogwa ati Yejebheeri. Omwene keetoga ati ni omuragi, nawe atari omuragi. Mumwikirisiisye abhajige emwe abhakosi bhaani, kwa okubheeyigisya mukore obhuromesi na okurya ebhiryo bhinu bhisoosiibhwe echoogo ku‑masusano.

Yuuda 1:4

Enibhakaamira inyarubha inu, kwa okubha bhari‑wo abheeyigisya abharebhe bha orubheeyi bhanu bheeyingisiisye mw‑imwe bhumbise. Abhaanu abho, bhatakugayuka Nyamuwanga. Mu‑meeyigisyo gwebhwe, abhayindura obhwitiriranya bhwa Nyamuwanga weeswe, abhakora bhubhe rwa isonga ya okukora emisango ja orukubho. Ka wone, abheegaana Raatabhugenyi weeswe Yeesu Kirisito, omutangasya weeswe omukuru. Nawe okwambira kara jikaamirwe mu‑Bhikaame Ebhyeru ati, abhaanu abho, bhariramurwa rwa kutyo abhandi ꞉bhaaramuuywe.

Tiito 1:11

Abho abhasingaarisya eriikirisya rya abhaanu mu‑misi myafu. Abheeyigisya emisango jinu jiteeyire, korereki bheebhonere jipirya ku‑njira imbiibhi eyo.

1 Bakorinto 5:8

Woori, chaasiga okukora ichikukuru ya Okwambuka kwa echifwimbya cha kara, nikwo okwayika ati kwa obhunyamuke na obhubhiibhi, tari chiikore kwa emikaate jinu jitakutuurwa‑mo echifwimbya, nikwo okwayika ati mu‑mutima gwa ekisi na mu‑chimari.

Matayo 24:24

Bhariibhuka abharagi abhabheeyi na abhaanu bhanu bharibhaga nibheetoga ati ni Kirisito. Bharibhaga nibhakora ebhibharikisyo bhyafu na ebhiruguusyo. Kutyo, bhariregeeja okujiga abhaanu na araabha ikaturikeene, bhakaregeejere na abhasorwa bha Nyamuwanga.

1 Yoana 4:1

Abheendwa bhaani mu‑riikirisya, musige okwikirisya bhuri muunu unu kaayika ati, ari na Mwoyo wa Nyamuwanga. Tari mutatirisye kisikisi korereki mumenye chimari araabha omuunu oyo, kaatangasibhwa na Mwoyo wa Nyamuwanga. Mukore kutyo, kwa okubha abharagi abhaafu bha orubheeyi bheebhukire mu‑chaaro munu.

Ebikorwa 20:20

Omumenya ati ꞉nitaasigire okubharaasisya omusango gwonegwone gwa okubhasakira. Naabharaasisyaga abhwerubhweru, noorwo mu‑nju jeemwe.

Obhusweruro 19:20

Nawe rityanyi, aamwi na omuragi omubheeyi unu ꞉aakorere ebhibharikisyo ku‑songa ya rityanyi eryo, ꞉bhaagwatirwe ngwatwa. Ku‑njira ya ebhiruguusyo bhinu omuragi oyo ꞉aakorere, aariga ajigire abhaanu bhanu bhaariga bhateeywe‑ko orunabho rwa rityanyi eryo na okuramya risusano ryaryo. Bhoone ku‑bhubhiri bhwebhwe nibheeswa bhari bhaanga mu‑nyanja ya omuriro omururu gwa emisimu ja echibhiriiti.

Obhusweruro 12:9

Riyoka eryo, niryeswa ku‑chaaro anu. Eryo, niyo injoka ya kara irya, inu eyitogwa ati, Mubheeyeresya amwi Syetaani. Eyijiga abhaanu bhoone ku‑chaaro bhakore ebhibhiibhi. Chimari ryeserwe ku‑chaaro anu aamwi na bhamaraayika bhaaryo.

Ebikorwa 20:27

Okubha bhuri gunu Nyamuwanga eendaga mugumenye, naabhabhwiraga nitaabha na echiitimaato.

Baeburania 11:27

Eriikirisya niryo ꞉ryakorere Muusa ˆnaasooka mu‑chaaro cha Miisiri, okuubhaya wuri risungu rya omukama. ꞉Eegumiirisiisye kwa okubha aariga ari wuti kaarora Nyamuwanga unu atakubhonekana.

2 Bakorinto 1:18

Nawe woori, rwa kutyo Nyamuwanga ari mwiyikanyibhwa, jinu ꞉chaabhabhwiriiye, jaariga jitari ja omuunu okwayika ati, “Cha,” neeya ˆnaayika ati, “Wuri.”

2 Bakorinto 6:7

na mu‑kuraasya omusango gwa echimari. Echikora ejo joone, ku‑bhuturo bhwa Nyamuwanga. Obhurengeresi nibhyo ebhigwato bhyeswe, orubhaara rwa ebhuryo na orwa ebhumoosi.

2 Bakorinto 11:11

Nitakwayika kutyo kwa okubha nitakubheenda. Nyamuwanga kaamenya ati enibheenda.

2 Bakorinto 12:19

Amwi omwitogera ati omwanya gunu gwone cheebhagira imbere yeemwe. Nawe echaayika emisango jinu imbere ya Nyamuwanga, chiri na obhumwi na Kirisito. Abheendwa bhaani, joone jinu echikora, ni inguru ya okubhasakira murumatane mu‑riikirisya.

Bagalatia 1:6

Anye enibharuguura muno! Ni mwanya mufuyi era gunu guturire, kasi omusiga Nyamuwanga unu ꞉aabhabhirikiiye mu‑bhwitiriranya bhwa Kirisito. Ka wone, omuruubha ameeyigisyo agandi ganu abhaanu abhandi abhagatoga ati ni Misango ja Ekisi.

1 Batesalonika 2:4

Nawe echiraasya kwa okubha Nyamuwanga ꞉aachiikirisisiisye, ˆnaachiyaana emirimu ja okuraasya Emisango ja Ekisi. Jitari ati, echikena okukondisya abhaanu, tari echikena okukondisya Nyamuwanga unu kaamenya kutyo emyoyo jeeswe jiri.

1 Petero 4:11

Omuunu woonewoone unu kaaraasya, araasye rwa omuunu unu kaaraasya emisango ja Nyamuwanga chimari. Unu kaasakira abhaanu abhandi, abhasakire ku‑bhuturo bhunu Nyamuwanga amuyaaye, korereki Nyamuwanga akusibhwe ku‑misango joone, okutura ku‑Yeesu Kirisito. Omwene oyo, ayaanwe rikusyo na obhuturo akajaanende koone. Jibhe kutyo.