2 Bakorinto 11:31 - Indagano Inyaaya mu-Chijita

³¹ Nyamuwanga Esemwene Raatabhugenyi Yeesu, unu eeyire okukusibhwa akajaanende koone, amenyere ati nitakwayika orubheeyi.

INDAGANO INYA:YA

³¹ Nyamuanga Esemwene Ratabugenyi Yesu, unu kasi:mwa kajanende ko:ne niwe amenyere ati nitakubeya.

2 Bakorinto 11:31 Referans Kwoze

Baefeso 1:3

Akusibhwe Nyamuwanga, Esemwene Raatabhugenyi weeswe Yeesu Kirisito unu achiyaaye amabhando goone ga echinyamwoyo mu‑kubha na obhumwi na Kirisito, mu‑chaaro chinyatarorwa.

Barumi 9:5

Abhayisirayeeri abho nibho orwibhuro rwa bhasaaja Bhurayimu, Isaaka na Yakobho. Echinyamuunu, noorwo Kirisito ni Muyisirayeeri. Kirisito, niwe Nyamuwanga, Omukuru wa bhyone, akusibhwe akajaanende koone! Jibhe kutyo.

1 Petero 1:3

Akusibhwe Nyamuwanga, Esemwene Raatabhugenyi weeswe Yeesu Kirisito. Ku‑chigongo chaaye echaafu, ꞉aachiibhuuye rwa kabhiri ku‑njira ya okusuurura Yeesu Kirisito okusooka mu‑bhafuuwe. Kurwa ejo, chibhwene obhwiyikanyo obhwa obhuwanga.

Bakolosai 1:3

Siku joone chikabhasabhirwa, echisiima Nyamuwanga, Esemwene Raatabhugenyi weeswe Yeesu Kirisito.

2 Bakorinto 1:3

Akusibhwe Nyamuwanga, Esemwene Raatabhugenyi weeswe Yeesu Kirisito, Raata owa echigongo, ka wone niwe Nyamuwanga unu kaachifungʼamya mu‑joone.

Barumi 15:6

Awo niwo emwe bhoone murikusya Nyamuwanga, Esemwene Raatabhugenyi weeswe Yeesu Kirisito, kwa obhwira bhumwi na kwa obhuraka bhumwi.

Barumi 1:25

Bhasigire okwikirisya echimari cha Nyamuwanga, nibharuubha orubheeyi. Abharamya ebhibhumbwa na okubhikorera emirimu, nawe bhasigire okukora ejo ku‑Nyamuwanga Omubhumbi unu eeyire okukusibhwa akajaanende koone. Jibhe kutyo.

Yowana 10:30

Anye na Raata chiri chiinu chimwi.”

1 Timoteo 6:16

Nyamuwanga era, niwe atakufwa, eenyanjire mu‑bhweru bhunu omuunu woonewoone atakutura okubhufogera‑ko. Ka wone, atari‑wo omuunu unu aramurorere, noorwo unu kaatura okumurora. Echibharo na obhuturo ari nabhyo omwene, akajaanende koone. Jibhe kutyo.

1 Timoteo 1:17

Nyamuwanga niwe omukama unu atari na obhuteero, atakufwa na atakubhonekana, atari‑wo owundi rwa omwene. Omwene ayaanwe echibharo na rikusyo akajaanende koone. Jibhe kutyo.

1 Timoteo 1:11

Ameeyigisyo ago agabhonekana mu‑Misango ja Ekisi, jinu ejeeresya rikusyo rya Nyamuwanga wa amabhando goone. Emisango ejo nijo ꞉naayaaywe na Nyamuwanga nijiraasye.

Baefeso 3:14

Kurwa ejo, eniifukama imbere ya Raata Nyamuwanga na okubhasabhirwa.

2 Bakorinto 11:11

Nitakwayika kutyo kwa okubha nitakubheenda. Nyamuwanga kaamenya ati enibheenda.

2 Bakorinto 1:23

Jinu enaayika ni ja chimari, noorwo Nyamuwanga kaamenya! ꞉Nitaasubhire kw‑imwe Koriito eyo, kwa okubha ꞉niteendere okusurumbasya emyoyo jeemwe.

Barumi 9:1

Kirisito kaamenya ati chinu enaayika woori, ni chimari era. Noorwo omutima gwani gunu ogutangasibhwa na Mwoyo Mweru wone ogumbambaarira ati, nitakwayika orubheeyi.

Barumi 1:9

Nyamuwanga unu enikorera emirimu kwa mwoyo gwani gwone mu‑kuraasisya abhaanu Emisango ja Ekisi ja Omwana waaye, kaamenya kutyo enibhasabhirwa omwanya gwone.

Yowana 20:17

Yeesu ˆnaamubhwira ati, “Nuusige okungwata‑ko. Nichaari okugenda mu‑rwire ku‑Raata. Mbe, genda ubhwire abhayiri bhaani, ati enigenda mu‑rwire ku‑Raata waani, unu ari Esomwana wone, ku‑Nyamuwanga waani unu ari Nyamuwanga weemwe wone.”

1 Batesalonika 2:5

Mbe, mumenyere ati, chaariga chitakwayika emisango ja okwikondya kw‑imwe, noorwo okwayika emisango jinu jitari ja echimari, korereki chibhone omuriiro. Nyamuwanga niwe kaamenya ati, jinu echaayika ni ja echimari!

Bagalatia 1:20

Nyamuwanga kaamenya ati emisango jinu enibhakaamira ni ja echimari, jitari ja orubheeyi!