2 Bakorinto 11:20 - Indagano Inyaaya mu-Chijita

²⁰ Omwigumiirisya noorwo omuunu unu kaabhatuura mu‑bhugaya, unu kaabheebhira na okubhasaakura ebhiinu bhyemwe, ka wone unu keekora okubha omukuru inguru yeemwe na unu kaabhabhuma mu‑bhusu.

INDAGANO INYA:YA

²⁰ Okuba omwigumirisisya omu:nu akabakora bagaya, amwi akabarya, amwi akabagwata ngwatwa, amwi ake:ku:ya, amwi akabasasa amai mu busu.

2 Bakorinto 11:20 Referans Kwoze

Bagalatia 2:4

Omusango gwa okutenda ogwo ꞉gwabhusiibhwe na abhaanu bhanu bhaariga nibheekora wuti ni bhayiri bheeswe. Abhaanu abho, ꞉bheeyingisiisye mu‑bhumbise okutatirisya obhwitaage bhweswe bhunu ꞉chaayaaywe na Kirisito Yeesu. Obhukarariiye bhwebhwe bhwariga bhuri kuchikora chibhe abhagaya bha ebhiraagiro bhya Muusa.

Bagalatia 5:1

Kirisito achiyaaye obhwitaage, korereki chiikare mu‑bhwitaage obhwo. Kurwa ejo, mwimereeguru murumateene, mwasiga okwikirisya okusubha rindi mu‑bhugaya bhwa ebhiraagiro.

Bagalatia 4:9

Nawe woori, omumenya Nyamuwanga na omwene wone kaabhamenya muno. Woori ni kurwa ki omusubha okuramya obhutinge bhwa akatungiiywe bhwa echaaro chinu? Obhutinge obhwo, bhutari na obhuturo noorwo obhugajuro bhwonebhwone. Amwi omwenda rindi okubha abhagaya bhaabhwo?

Bagalatia 4:3

Nyabhuriko eswe wone, ni kutyokutyo, omwanya gunu Kirisito aariga achaari okuuja, chaariga chiri rwa abhaana abharera, chaariga chiri bhagaya bha obhutinge bhwa akatungiiywe bhwa echaaro chinu.

2 Bakorinto 1:24

Chinu eneenda okwayika ni ati, chitakwenda okutunga eriikirisya ryemwe, okubha murumateene mu‑riikirisya. Tari, eswe chiri bhakosi bha emirimu aamwi na emwe, inguru ya rikonderwa ryemwe.

Ruuka 6:29

“Omuunu akakugaya ˆnaakubhaatuura kw‑itama rimwi, nuumuyindurire na ritama erindi. Omuunu akakuteesya rikabhuuti ryawo, nuumusige agege noorwo na omwingiro.

1 Batesalonika 2:5

Mbe, mumenyere ati, chaariga chitakwayika emisango ja okwikondya kw‑imwe, noorwo okwayika emisango jinu jitari ja echimari, korereki chibhone omuriiro. Nyamuwanga niwe kaamenya ati, jinu echaayika ni ja echimari!

Bafilipi 3:19

Abhaanu abho bharisingaarisibhwa ku‑bhuteero, kwa okubha inda niryo risambwa ryebhwe. Abheene abheekuuyisya ebhikorwa bhya jiswaro bhinu abhakora. Ka wone abheeganirisya era emisango ja ku‑chaaro.

Bagalatia 6:12

Abhaanu bhanu abhabhasinyiirisya mutendwe, abheenda mukore kutyo, korereki Abhayawudi bhabhayaane echibharo. Abheenda bhasige okunyaasibhwa inguru ya okuraasya emisango ja omusarabha gwa Kirisito.

Bagalatia 5:10

Enimenya kisi ati emwe muri na obhumwi na Raatabhugenyi Yeesu, kurwa ejo, mutariikirisya okujigwa. Nawe omuunu woonewoone unu aribhajiga, noorwo abhega, ariyaanwa ebhitiibha.

Bagalatia 4:25

Abhaanu bha Yerusareemu ya woori ni bhagaya bhanu abharuubha ebhiraagiro bhya Muusa. Abho ni bhagaya rwa abhaana bha Ajiri, kwa okubha omwene ari rwa echiima cha Sinaayi mu‑chaaro cha Ebhwarabhu.

1 Bakorinto 4:11

Noorwo woori kutya, chiri na omweko na obhwiro bhwa amanji, echiyenga tuyu, echibhumwa ebhifuufi, ka wone chitari na obhwikaro.

Mariko 12:40

Abheene abheerimaanyaga, kwa okubha abharandirisya muno risabhwa ryebhwe ku‑Nyamuwanga, korereki bheekondye ku‑bhaanu, nawe abhateesya abhatumbagasi jinju jeebhwe! Mbe, mumenye ati, ku‑rusuku rwa indamu, chimari bhariramira jimbuma nyafu muno okusooka ku‑Nyamuwanga!”

2 Bakorinto 10:5

Echisingaarisya emisango joone jinu ejibhonekana okubha ja echimari keenu jiri ja orubheeyi, na emisango joone ja orwikuuya jinu ejireterera abhaanu bhasige okusombookerwa Nyamuwanga. Ka wone echigwata bhuri bhwiganirisya korereki bhugayuke Kirisito.

2 Bakorinto 11:3

Nawe woori enuubhaya ati, rwa kutyo Aawa ꞉aajigirwe na injoka irya indigendige, na emwe wone mwasiga okujigwa, nimusiga okwenda Kirisito mu‑bhwiyikanyibhwa na omutima omweru.

2 Bakorinto 12:16

Omwikirisya ati naariga nitari mugugu kw‑imwe, nawe noorwo kutyo, abhandi agati yeemwe abhaayika ati, anye niri mwenge, naabhakongyaga kwa obhurigerige.