2 Bakorinto 10:8 - Indagano Inyaaya mu-Chijita

⁸ Noorwo kutyo eniikuuya muno inguru ya obhuturo bhunu Raatabhugenyi achiyaaye, nawe nitakurora swaro kwa okubha obhuturo obhwo bhutari bhwa okubhanyamura, tari ni bhwa okubharumatanya mu‑riikirisya.

INDAGANO INYA:YA

⁸ Okuba nakabee ndongesya okwiku:yamo kuto:to mu managa geswe, ganu Ratabugenyi aciyae korereki cibombake, tari kubakambura, nawe nitakujira swaro.

2 Bakorinto 10:8 Referans Kwoze

2 Bakorinto 13:10

Enibhakaamira emisango jinu nichaari okubhaaja‑ko eyo, korereki omwanya gunu niribhaaja‑ko, naasiga okusongʼana emisango jinu jirireterera nibhe omururu kabhukabhu kw‑imwe noorwo okukingira okukorera emirimu obhuturo bhunu Raatabhugenyi ꞉aanaaye. Obhuturo obhwo, bhutari bhwa okubhanyamura, tari ni bhwa okubharumatanya mu‑riikirisya.

2 Timoteo 1:12

Anye eninyaaka inguru ya ejo. Nawe nitakwiswara, okubha enimumenya unu niikirisiisye. Ka wone enimenya ati, echimari chinu ꞉aanaaye, kaachibhiika kisi okukingira orusuku rwa okusubha kwaye.

Bagalatia 1:1

Inyarubha inu, niikaamire anye Pawuro. Anye ꞉nitaatumirwe na abhaanu amwi okuragirirwa na omuunu omurebhe, tari ꞉naatumirwe na Yeesu Kirisito omwene na Raata Nyamuwanga unu ꞉aasuuruuye Yeesu okusooka mu‑bhafuuwe.

2 Bakorinto 13:8

Enaayika kutyo, kwa okubha chitakutura okurema echimari, tari echitura era okubhagira echimari.

2 Bakorinto 12:6

Noorwo araabha naakeendere okwikuuya, nitaakabheeye omutaamutaamu, kwa okubha naakabheeye ninaayika echimari. Nawe eniyingirira okwikuuya, korereki omuunu woonewoone aasiga okundora ati, niri wa ngʼoryo muno okukira jinu abharora na okuungwa okusooka kw‑anye.

2 Bakorinto 1:24

Chinu eneenda okwayika ni ati, chitakwenda okutunga eriikirisya ryemwe, okubha murumateene mu‑riikirisya. Tari, eswe chiri bhakosi bha emirimu aamwi na emwe, inguru ya rikonderwa ryemwe.

2 Bakorinto 7:14

Okubha jikabheeye ati, ꞉naabhakuuyiisye muno imbere yaaye ku‑musango gwonegwone, ꞉nitaaswasiibhwe. Joone jinu chaariga nichibhabhwira jaariga jiri ja chimari. Nyabhuriko, jinu ꞉chaabhakuuyiisye imbere ya Tiito, wone jaabhonekana ati ni ja chimari.

2 Bakorinto 7:4

Enaayika na emwe kwa ebhaasi nene, ka wone eniikuuya muno inguru yeemwe. Mwanfungʼamya muno na mwakora nibhe na rikonderwa enene, noorwo kutyo echinyaasibhwa muno.

2 Bakorinto 10:4

Ebhigwato bhyeswe bhya riremo eryo, bhitari bhya mu‑chaaro munu, tari bhiri na obhuturo bhwa Nyamuwanga, na ebhisingaarisya obhwirukiro bhwone bhwa omusoko.

2 Bakorinto 10:9

Nitakwenda nibhonekane kw‑imwe ati, eneenda okubhakanganya ku‑nyarubha jinu enibhakaamira.

2 Bakorinto 12:19

Amwi omwitogera ati omwanya gunu gwone cheebhagira imbere yeemwe. Nawe echaayika emisango jinu imbere ya Nyamuwanga, chiri na obhumwi na Kirisito. Abheendwa bhaani, joone jinu echikora, ni inguru ya okubhasakira murumatane mu‑riikirisya.