1 Yoana 5:7 - Indagano Inyaaya mu-Chijita

⁷ Ka wone, Mwoyo Mweru niwe kaasoosya obhubhambaasi ati ejo ni ja echimari, kwa okubha omwene niwe echimari.

INDAGANO INYA:YA

⁷ No Mwoyo niwe ke:mako ejo, okuba Omwoyo niwe ecimari.

1 Yoana 5:7 Referans Kwoze

Matayo 28:19

Mbe, mugende ku‑bhaanu bha amaanga goone mubhakore okubha abheeyigisibhwa bhaani. Mugende mukore kutyo kwa okubhabhatiija kw‑isiina rya Raata, na erya Omwana na erya Mwoyo Mweru,

Ebikorwa 5:32

Eswe chiri bhabhambaasi bha ejo joone, aamwi na Mwoyo Mweru, unu Nyamuwanga ayaaye bhanu abhamugayuka.”

Yowana 1:1

Ku‑bhwambiro awo, aariga ari‑wo Musango. Musango oyo aariga ari aamwi na Nyamuwanga. Ka wone, Musango aariga ari Nyamuwanga.

Ebikorwa 2:33

Nyamuwanga ꞉aamwinamusiisye na okumuriinyya ku‑chibharo cha inguru, woori eenyanjire orubhaara rwaye rwa ebhuryo. Ka wone Raata Nyamuwanga ayaaye Yeesu Mwoyo Mweru rwa kutyo ꞉aamuragire. ꞉Aachiitururiiye Mwoyo Mweru, ebhikorwa bhyaye, nibhyo bhinu omurora na okuungwa.

1 Yoana 5:6

Mbe, Yeesu Kirisito ꞉aasweruuywe ati ni Mwana wa Nyamuwanga ku‑njira ya obhubhatiijo bhwaye mu‑manji na ku‑njira ya okwita isagama yaaye ku‑musarabha. Itari kwa okubhatiijwa mu‑manji era, tari kwa okubhatiijwa mu‑manji na okwa okwita isagama.

Yowana 8:54

Yeesu ˆnaabhasubhya ati, “Araabha eniikumangya anye omwene, okwikumangya kwani kutari na obhugajuro bhwonebhwone. Nawe Raata waani, unu emwe omwayika ati ni Nyamuwanga weemwe, niwe kaankumangya.

Matayo 17:5

Omwanya gunu Peetero aariga achaaroma, awoawo eriire rinu ryariga niringʼarabhya niriija na okubhafundikira. Nibheeya nibhoongwa obhuraka okusooka mu‑riire eryo nibhwayika ati, “Unu niwe Omwana waani omwendwa, niwe kaankondisya. Mumutegeresyega!”

Yowana 10:30

Anye na Raata chiri chiinu chimwi.”

Yowana 5:26

Rwa kutyo Raata ari bhusimukwa bhwa obhuwanga bhwa akajaanende koone, nikwo kutyo wone akorere Omwana waaye okubha obhusimukwa bhwa obhuwanga obhwo.

Obhusweruro 19:13

Ka wone afwaye omwingiro gunu gwinirwe mu‑sagama. Risiina ryaye kaatogwa ati, “Omusango gwa Nyamuwanga.”

Yowana 12:28

Raata Nyamuwanga, yeeresya rikusyo rya risiina ryawo.” Mbe, obhuraka okusooka mu‑rwire nibhwayika ati, “Neeresya rikusyo rya risiina ryani, ka wone nirigenderera okukora kutyo.”

Yowana 8:18

Mbe, anye eniisoosisya obhubhambaasi omwene, na Raata unu ꞉aantumire wone kaansoosisya obhubhambaasi.”

Matayo 18:16

Nawe akarema okukuungwa, gega omuunu owundi umwi amwi abhaanu abhandi bhabhiri, korereki ‘ku‑bhubhambaasi bhwa abhabhambaasi bhabhiri amwi bhasatu bhuri musango gubhe abhweru.’

1 Yoana 1:1

Echibharaasisya inguru ya Musango wa obhuwanga, unu ꞉aabheeye‑wo chichaari okubha‑wo echiinu choonechoone. Eswe ꞉chaamutegeresiisye, ꞉chaamurore na ameeso geeswe abheene, ꞉chaamuringiiye na okumukuunʼya‑ko na amabhoko geeswe.

Yowana 14:17

Oyo niwe Mwoyo Mweru unu kaja okuswerurira abhaanu echimari. Abhaanu bha ku‑chaaro kunu bhatakutura okumuramira kwa okubha bhatakumurora, ka wone bhatakumumenya. Nawe emwe omumumenya Mwoyo oyo, kwa okubha eekaaye aamwi na emwe, ka wone kaja okubha mw‑imwe.

Yowana 15:26

“Nirituma kw‑imwe Omusakisi, niwe Mwoyo Mweru, unu kaja okuswerurira abhaanu echimari. Omusakisi oyo, kaasooka ku‑Raata, na omwanya gunu aribhakinga‑ko, arisoosya obhubhambaasi bhwa echimari inguru yaani.

1 Yoana 5:8

Okubha bhari‑wo abhabhambaasi abhasatu bhanu abheekirisyanya [mu‑rwire, Raata Nyamuwanga, Musango na Mwoyo Mweru. Abhasatu bhanu ni bhumwi.