1 Yoana 3:12 - Indagano Inyaaya mu-Chijita

¹² Chisige okubha rwa omuunu urya kaatogwa ati Kayini unu aariga ari muunu wa Omubhiibhi urya, ka wone ꞉eetire Abheeri, omumura waabho. Ni kurwa ki ꞉aamwitire? Isonga ya okumwita niyo inu, ebhikorwa bhya Kayini bhyariga bhiri bhibhiibhi, nawe ebhya omumura waabho bhyariga bhiri bhya rirenga.

INDAGANO INYA:YA

¹² Citaba rwa Kaini unu ariga:ri owo mubi:bi, ne:ta omwana wa:bo. ?Na cinu cakorere namwita niki? Okuba ebikorwa byae byariga bibi:bi nebyo mwana wa:bo byariga bya burenge:resi.

1 Yoana 3:12 Referans Kwoze

Baeburania 11:4

Eriikirisya niryo ꞉ryakorere Abheeri ˆnaasoosisya Nyamuwanga echoogo cha ekisi okukira chinu Kayini ꞉aasoosiisye. Ku‑riikirisya eryo Nyamuwanga ꞉aabharire Abheeri okubha omuunu omurengeresi, na ˆnaaramira echoogo chaaye. Noorwo kutyo Abheeri ꞉aafuuwe, nawe eriikirisya ryaye erigenderera okubha echijekekanyo cha ekisi kw‑iswe noorwo reero inu.

Yuuda 1:11

Jiribhabhona, kwa okubha bharuubhire orugere rwa Kayini na okukora ebhibhiibhi. Bheeyingisiisye mu‑chikayo, korereki bhabhone ribhona, rwa kutyo Bharaamu ꞉aakorere. Bharisingaarika inguru ya bhunyatagayuka bhwebhwe, rwa kutyo Koora ꞉aasingaarikire inguru ya bhunyatagayuka bhwaye.

Ruuka 11:51

Ejo, jiryambira ku‑sagama ya Abheeri, okukingira ku‑sagama ya Jaakariya, unu ꞉eetiiywe mw‑Iyekaru rya Nyamuwanga, agati ya echigabhiro na mu‑nju ingʼuru ya okuramirisya‑mo. Ni chimari enibhabhwira ati, abhaanu bha riyimbo rinu bhariramurwa ku‑songa ya ebhibhiibhi ebhyo bhyone.

Matayo 23:35

Kurwa ejo, Nyamuwanga aribharamura emwe ku‑songa ya okwita abhaanu abharengeresi bhoone. ꞉Mwakorere kutyo, okwambira omwanya gunu Kayini ꞉eetire Abheeri unu aariga atari na esoro ryoneryone, okukingira okwitwa kwa Jaakariya, omwana wa Bharaakiya, unu ꞉eetiiywe mw‑Iyekaru agatigati ya inju ingʼuru ya Nyamuwanga na echigabhiro.

1 Petero 4:4

Abhaanu bhanu bhatakwikirisya Nyamuwanga, abharuguura omwanya gunu abharora ati, mutakusangira aamwi nabho rindi okukora ebhibhiibhi, kurwa ejo, abhabhafuma.

Baeburania 12:24

Emwe mwakingire ku‑Yeesu, unu kaagwatanya abhaanu na Nyamuwanga mu‑ndagano inyaaya. Ka wone mwakingire ku‑sagama yaaye inu ꞉yeetikire ku‑musarabha inguru ya okusoosya‑wo ebhibhiibhi bhyeswe. Isagama eyo itakutonga okusubhya orusiima rwa isagama ya Abheeri.

1 Yoana 3:8

Nawe, omuunu woonewoone unu kaagenderera okukora ebhibhiibhi, ni muunu wa Syetaani. Okubha Syetaani agendereeye okukora ebhibhiibhi okusookerera ku‑bhwambiro. Niyo isonga Omwana wa Nyamuwanga ꞉eejire ku‑chaaro anu, korereki anyamure bhuri murimu gwa Syetaani.

Ebikorwa 7:52

Angu, ari‑wo omuragi noorwo umwi unu ꞉ataanyaasiibhwe? ꞉Bheetire na abharagi bhanu bhaaraasyaga kara, okuuja kwa Omurengeresi wa Nyamuwanga! Ka oyo niwe emwe ꞉mwaromeeye iniku, ka wone nimumwita!

Yowana 10:32

Nawe Yeesu ˆnaabhabhwira ati, “Naabheeresya ebhiruguusyo bhyafu bhya ekisi bhinu ꞉naakorere ku‑bhuturo bhwa Raata. Ni chiruguusyo ki mw‑ibhyo chinu echibhakora mwende okumbuma na amabhuyi?”

Matayo 27:23

Piraato ˆnaabhabhuusya rindi ati, “Akorere chikayo ki cha okureterera abhumiirirwe ku‑musarabha?” Nawe abheene nibhoongesya okumwaya nibhaayikaga ati, “Mubhumiirire ku‑musarabha!”

Matayo 13:38

Risambu ni chaaro, jimbibho ja ekisi ni bhaanu bha obhukama bhwa mu‑rwire, na amagorogoro ni bhaanu bha Omubhiibhi urya Syetaani.

Matayo 13:19

Omuunu woonewoone unu koongwa emisango inguru ya obhukama bhwa mu‑rwire, nawe atakujisombookerwa, omuunu oyo, ari rwa jimbibho jinu ꞉jaaguuwe ku‑njira. Omubhiibhi urya ˆnaaja na okusaakura jinu Nyamuwanga abhibhire mu‑mwoyo gwaye.

Obhusweruro 17:6

꞉Naaruguurire muno, nejire naarora omugasi oyo akorerwe isagama ya abheeru bha Nyamuwanga, bhanu ꞉bheetirwe ku‑songa ya okubha abhabhambaasi bha Yeesu.

1 Batesalonika 2:14

Abhayiri bheeswe, emisango jinu ꞉jaabhwene abhaanu bhanu ꞉bheekirisiisye Kirisito Yeesu, mu‑makanisa ga Nyamuwanga mu‑mukoowa gwa Yuudeya, nijo jibhabhwene emwe wone. Abhaanu bheemwe ꞉bhaabhanyaasiisye emwe, rwa abheene kutyo bhaanyaasiibhwe na Abhayawudi bheejaabho.

Matayo 5:37

Mwayikega ati, ni chimari ikabha iri chimari, mwayikega ati, ni wuri jikabha jiri wuri. Emisango joone jinu ejikira ejo, ejisooka ku‑Mubhiibhi urya.

Yowana 8:40

Nawe woori, omuyenja injira ya okunyita, noorwo kutyo naabhabhwira echimari chinu ꞉noonguuwe okusooka ku‑Nyamuwanga. Bhurayimu ꞉ataakorere kutyo emwe omwenda okukora woori.

Yowana 8:41

Ebhikorwa bhinu emwe omukora, ebhisooka kw‑isomwana owundi.” Niwo nibhamusubhya ati, “Eswe chitari bhaana bha mu‑masanga. Nyamuwanga eenyere niwe Raata!”