1 Yoana 2:5 - Indagano Inyaaya mu-Chijita

⁵ Tari omuunu unu kaagayuka ebhiraagiro bhyaye, chimari eryenda rya Nyamuwanga erikuumira mu‑mwoyo gwaye. Kutyo nikwo echimenya ati chiri na obhumwi na Nyamuwanga.

INDAGANO INYA:YA

⁵ Nawe unu wo:ne kagwata omusango gwae, ni cimari okwenda kwa Nyamuanga okukumisibwa mu:yo. Ecitura okumenya ati cimurimo kutya ati,

1 Yoana 2:5 Referans Kwoze

Yowana 14:23

Yeesu ˆnaamusubhya ati, “Omuunu woonewoone unu aanyendere, arigwata emisango jaani na Raata waani arimwenda. Ka wone anye na Raata chiriija ku‑mwene na okwikara aamwi nage.

Yowana 14:21

Omuunu woonewoone unu kaamenya na okugwata ebhiraagiro bhyani, oyo niwe aanyendere. Na omuunu unu aanyendere, Raata waani arimwenda. Na anye nirimwenda na okwiyeresya ku‑mwene.”

Ruuka 11:28

Nawe Yeesu ˆnaayika ati, “Ni chimari! Tari, bhari na ribhando muno abhaanu bhanu abhoongwa omusango gwa Nyamuwanga na okugugayuka!”

1 Yoana 3:24

Omuunu woonewoone unu kaagayuka ebhiraagiro bhya Nyamuwanga, ari na obhumwi nage. Omwene wone ari na obhumwi Nyamuwanga. Echimenya ati Nyamuwanga ari na obhumwi na eswe kwa okubha achiyaaye Mwoyo Mweru.

Obhusweruro 14:12

Woori, abheeru bha Nyamuwanga abhakenwa bheegumiirisye. Abho nibho abhagwata ebhiraagiro bhya Nyamuwanga na okwikirisya Yeesu.

1 Yoana 5:2

Echimenya chimari ati echeenda abhaana bha Nyamuwanga, mu‑kwenda Nyamuwanga na okugayuka ebhiraagiro bhyaye.

Yowana 15:5

“Anye niri riiti rya rijabhiibhu, emwe muri matabhi. Omuunu unu ari na obhumwi na anye, anye wone enibha na obhumwi nage, oyo aribhaga naatwasya amatwasyo maafu, kwa okubha mukarema okubha na obhumwi na anye, mutakutura okukora gwonegwone.

1 Yoana 4:18

Omuunu unu ari na eryenda atari na obhuubha. Eryenda rya echimari, erisoosya‑wo obhuubha bhwone, kwa okubha indamu niyo eyikora abhaanu bhabhe na obhuubha. Omuunu woonewoone unu ari na obhuubha, eryenda richaari okukuumira mu‑mwoyo gwaye.

2 Bakorinto 5:17

Omuunu woonewoone unu ari na obhumwi na Kirisito, aabha echibhumbwa echiyaaya, emisango ja kara jaayitingʼeene, woori ni miyaaya!

Obhusweruro 12:17

Riyoka eryo, niribhiyirirwa muno omugasi oyo, ndigenda okurwana na abhaana abhandi bha omugasi oyo bhanu bhaariga bhasigaaye. Abhaana abho nibho bhanu abhagayuka ebhiraagiro bhya Nyamuwanga na okusoosya obhubhambaasi inguru ya Yeesu. Mbe, riyoka eryo, niriimereeguru ku‑njekekera ya inyanja.

1 Yoana 5:20

Ka wone, echimenya ati Omwana wa Nyamuwanga eejire mu‑chaaro munu, achiyaanire obhwenge, korereki chisombookerwe Nyamuwanga wa echimari. Chiri na obhumwi na Nyamuwanga wa echimari, kwa okubha chiri na obhumwi na Omwana waaye Yeesu Kirisito. Omwene niwe Nyamuwanga wa echimari, unu ari bhuwanga bhwa akajaanende koone.

1 Bakorinto 1:30

Nyamuwanga niwe abhagwatanyiisye emwe na Kirisito Yeesu. Omwene akorere Kirisito okubha obhwengeeso bhweswe. Nikwo okwayika ati okutura ku‑Yeesu chaabha abharengeresi imbere ya Nyamuwanga, chaabha abheeru, ka wone cheeruuywe.

Barumi 8:1

Mbe woori, Nyamuwanga atariyaana ebhitiibha abhaanu bhanu bhari na obhumwi na Kirisito Yeesu.

Yakobo 2:22

Utakurora ati, eriikirisya rya Bhurayimu, ryariga niriruubhana aamwi na ebhikorwa bhyaye. Eriikirisya ryaye ryakumisiibhwe mu‑bhikorwa bhyaye.

2 Bakorinto 5:21

Kirisito aariga atari na echibhiibhi choonechoone, nawe Nyamuwanga ꞉aamubharire rwa owa ebhibhiibhi inguru yeeswe, korereki eswe chibharwe okubha abharengeresi imbere ya Nyamuwanga okutura ku‑Kirisito.

Yowana 6:56

Omuunu woonewoone unu kaarya omubhiri gwani na okunywa isagama yaani, oyo kaabha na obhumwi na anye, anye wone enibha na obhumwi nage.

1 Yoana 4:17

Ku‑njira eyo, eryenda ryaye erikuumira mu‑myoyo jeeswe, korereki chibhe na ribhaasi orusuku rwa okuramurwa. Okubha obhurame bhweswe mu‑chaaro munu, bhuri rwa kutyo Yeesu ꞉aaramire.

2 Yoana 1:6

Okwendana ni kugenderera okugayuka ebhiraagiro bhya Nyamuwanga. Cheendane nicho echiraagiro chinu ꞉mwoonguuwe okusookerera omwanya gunu ꞉mwaambire okwikirisya Yeesu Kirisito.