1 Yoana 2:15 - Indagano Inyaaya mu-Chijita

¹⁵ Kurwa ejo, musige okwenda ebhibhiibhi noorwo jitungwa jimbiibhi joonejoone ja ku‑chaaro. Araabha omuunu woonewoone aakeenda ebhibhiibhi, atakwenda Raata Nyamuwanga.

INDAGANO INYA:YA

¹⁵ Mutendaga i:si, nakabee binu biri mu:si. Omu:nu wo:ne akenda i:si, okwenda kwa Rata kutamurimo.

1 Yoana 2:15 Referans Kwoze

Yakobo 4:4

Emwe, muri abhaanu bhanu bhatari bheeyikanyibhwa ku‑Nyamuwanga! Mutakumenya ati okubha omusaani wa echaaro chinu ni okubha omusoko wa Nyamuwanga? Kurwa ejo, omuunu woonewoone aakeenda okubha omusaani wa echaaro, keekora okubha omusoko wa Nyamuwanga.

Barumi 12:2

Mwasiga okuruubha jitungwa ja abhaanu bha echaaro chinu, nawe musige Nyamuwanga ayindure emitima jeemwe, korereki mubhe na obhwiganirisya obhuyaaya. Awo niwo muriiyigira okumenya jinu Nyamuwanga keenda kwa okujikora. Murimenya ati ni misango ki jinu jiri ja ekisi, jinu ejimukondisya, ka wone jinu jikuumiiye.

Matayo 6:24

“Atari‑wo omukosi unu kaatura okukorera abhaami bhabhiri ku‑mwanya gumwi. Aakakora kutyo, kaatura okusoka omwami umwi na okwenda owundi, amwi okuyaana echibharo owumwi na okugaya owundi. Kurwa ejo, mutakutura okukorera Nyamuwanga na obhuniibhi ku‑mwanya gumwi!

Ruuka 16:13

Atari‑wo omukosi unu kaatura okukorera abhaami bhabhiri ku‑mwanya gumwi. Aakakora kutyo, kaatura okusoka omwami umwi na okwenda owundi, amwi okuyaana echibharo owumwi na okugaya owundi. Kurwa ejo, mutakutura okukorera Nyamuwanga na obhuniibhi ku‑mwanya gumwi!”

Yowana 15:19

Araabha mukabheeye muri bhaanu bha ku‑chaaro kunu, abheene bhaakabheendaga rwa kutyo abheenda abhaanu bheende‑ko. Nawe emwe mutari bhaanu bha ku‑chaaro kunu, kwa okubha nibhasorere okusooka ku‑chaaro kunu. Eyo niyo isonga inu eyikora abhaanu bha ku‑chaaro kunu nibhabhasoka.

1 Yoana 3:17

Araabha omuunu ari na ebhiinu bhya okumusakira ku‑bhurame bhwa ku‑chaaro anu, ka wone kaamenya ati oweejaabho ari na obhukene, nawe atari na omwoyo gwa echigongo gwa okumusakira, chimari, eryenda rya Nyamuwanga eribha kutiki mu‑mwoyo gwaye?

1 Timoteo 6:10

Okubha inamba imbiibhi ya okubhona jipirya nibhwo obhwambiro bhwa ebhibhiibhi bhyafu bhya bhuri mbaga. Abhaanu abhandi bhanu abheegomba obhuniibhi kutyo, bhajigirwe na bhasigire eriikirisya. Woori, abhaanu abho bheeretereeye obhusurumbaaye bhwafu mu‑myoyo jeebhwe.

Bagalatia 1:10

Woori, omwitogera ati, eniyenjeresya okwikirisibhwa na abhaanu? Wuri, anye eniyenjeresya okwikirisibhwa na Nyamuwanga era. Amwi omwitogera ati eniyenjeresya okukondisya abhaanu? Araabha naakabheeye niyenjeresya okukondisya abhaanu, nitaakabheeye omukosi wa Kirisito.

1 Yoana 4:5

Abharagi bha orubheeyi abho ni bha ku‑chaaro kunu era, kurwa ejo abhaayika emisango ja ku‑chaaro kunu. Abhaanu bha ku‑chaaro bhanu bhatakugayuka Nyamuwanga, abheekirisya ameeyigisyo geebhwe.

Baefeso 2:2

Ku‑mwanya ogwo, mwaruubhaga jitungwa jimbiibhi ja echaaro chinu. ꞉Mweekaaye nimuruubhaga Syetaani, omutungi wa obhuturo bhwa echinyamwoyo mu‑rutumba, niryo risambwa rinu woori ritungire abhaanu bhanu bhatakugayuka Nyamuwanga.

1 Yoana 5:10

Woori, omuunu woonewoone unu keekirisya Omwana wa Nyamuwanga, keekirisya ati obhubhambaasi obhwo ni bhwa echimari. Nawe unu atakwikirisya Nyamuwanga, kaakora Nyamuwanga okubha omubheeyi, kwa okubha atakwikirisya obhubhambaasi bhunu Nyamuwanga asoosiisye inguru ya Omwana waaye.

Matayo 4:8

Ku‑bhuteero, Syetaani ˆnaagega Yeesu ˆnaamusira ku‑chiima echireera muno. Awo, ˆnaamweresya obhukama na obhuniibhi bhwa ebhyaro bhyone,

Yakobo 1:27

Okuramya kunu okukondera Raata Nyamuwanga weeswe, kunu kutari‑ko esoro ni okusakira abhaana bhanu bhafwiriiywe abheebhusi bheebhwe na abhatumbagasi mu‑nyaako jeebhwe na okwiyangarira omwene, korereki asige okunyamurwa na ebhibhiibhi bhya echaaro chinu.