1 Yoana 1:8 - Indagano Inyaaya mu-Chijita

⁸ Araabha echaayika ati eswe chitari na ebhibhiibhi, echiijiga abheene, wone echimari chitari‑mo mu‑myoyo jeeswe.

INDAGANO INYA:YA

⁸ Cika:ika ati, citari na bibi:bi eci:bebeya eswe abene, na ka eje cimari jitacirimo eswe.

1 Yoana 1:8 Referans Kwoze

Barumi 3:23

kwa okubha abhaanu bhoone bhakorere ebhibhiibhi na abhagerukirwa rikusyo rya Nyamuwanga.

Yakobo 3:2

Ni chimari abhaanu bhoone echiyabhaga mu‑misango myafumyafu. Araabha omuunu woonewoone atakuyabha mu‑kwayika kwaye, omwene oyo ni omuunu unu akuumiiye, ka wone kaatura okuyingirira omubhiri gwaye gwone.

1 Yoana 2:4

Omuunu woonewoone unu kaayika ati kaamusombookerwa, nawe atakugayuka ebhiraagiro bhyaye, ni mubheeyi, atakumenya echimari.

1 Yoana 1:10

Araabha echaayika ati chichaari okukora ebhibhiibhi, echibha nichikora Nyamuwanga okubha omubheeyi. Omusango gwaye wone, ogubha gutari‑mo mu‑myoyo jeeswe.

Bagalatia 6:3

Mbe, omuunu woonewoone unu keerora ati ni wa obhugajuro okukira abheejaabho, oyo atari wa obhugajuro, keejiga omwene era.

Yakobo 1:26

Araabha omuunu keerora ati kaaramya Nyamuwanga, nawe atakuyingirira orurimi rwaye okwayika emibhiibhi, keejiga omwene, okuramya Nyamuwanga kwaye kutari‑mo omuriiro.

1 Timoteo 6:5

ka wone nijo ejinyamura obhungwani siku joone. Abhaanu abho obhwenge bhwebhwe bhunyamukire, bhatari‑mo echimari mu‑myoyo jeebhwe. Abheetogera ati okwikara rwa kutyo Nyamuwanga keenda niyo injira ya okubhona obhuniibhi.

1 Bakorinto 3:18

Omuunu woonewoone agati yeemwe aasiga okwijiga ati ari na obhwengeeso. Araabha omuunu aakeerora ati ari na obhwengeeso ku‑chaaro chinu, abhe ˆneekora ati ni mumuumu korereki abhone obhwengeeso bhwa echimari.

2 Yoana 1:2

Echibheenda kwa okubha eswe na emwe, echimenya echimari chinu chiyigiiye, ka wone echigenderera okuchimenya akajaanende.

1 Yoana 1:6

Araabha echaayika ati chiri na obhumwi na Nyamuwanga, keenu nichigenderera okwikara mu‑chisuute, mbe echaayika orubheeyi. Ka wone echibha chitakukora ja echimari.

Yakobo 1:22

Musigega okwijiga abheene. Musige okubha abhaanu bhanu omutegeresya era omusango gwa Nyamuwanga, tari mukorega kutyo ogwayika.

2 Timoteo 3:13

Nawe bhanu abhakora ebhibhiibhi na abhajigi, bharigenderera okukora ebhibhiibhi muno, bharibhaga nibhajiga na okujigwa.

3 Yoana 1:3

꞉Naakondeeywe muno, abheejaasu abharebhe, bhejire bhaaja enu nibhambwira ati awe uri mwiyikanyibhwa mu‑chimari na owuruubha echimari.

2 Petero 2:13

Ka wone, bhaririywa ebhinyaasyo rwa kutyo ꞉bhaaretereeye abhaanu abhandi. Abhakonderwa okukora emisango ja okurigira kwebhwe okubhiibhi abhwerubhweru. Noorwo omwanya gunu abharya aamwi na emwe, abhakondererwa okubhajiga. Ku‑njira eyo, abheene bhari rwa obhutonetone ku‑myenda emyeru na abhabhaswasya.

Yowana 8:44

Emwe muri bhaanu bha Syetaani, oyo niwe esomwana! Niyo isonga omwenda okukora jinu esomwana keegomba. Syetaani ni mwiti okusookerera ku‑bhwambiro. Atakwenda echimari kata, kwa okubha echimari echo, chitari‑mo mu‑mwoyo gwaye. Omwene ni mubheeyi, na akatungiiywe kaaye ni kubheeya, ka wone niwe esemwene orubheeyi.

Barumi 3:10

Rwa kutyo Ebhikaame Ebhyeru ebhyayika ati, “Atari‑wo omuunu omurengeresi imbere ya Nyamuwanga, noorwo umwi.

1 Yoana 4:20

Omuunu woonewoone unu kaayika ati keenda Nyamuwanga, keenu ˆnaasoka oweejaabho, ni mubheeyi. Echimenya ati ni mubheeyi, kwa okubha, aakasoka oweejaabho unu kaarora bhuri rusuku, atakutura okwenda Nyamuwanga unu achaariga okubhuganganya ameeso aamwi nage.