1 Yoana 1:6 - Indagano Inyaaya mu-Chijita

⁶ Araabha echaayika ati chiri na obhumwi na Nyamuwanga, keenu nichigenderera okwikara mu‑chisuute, mbe echaayika orubheeyi. Ka wone echibha chitakukora ja echimari.

INDAGANO INYA:YA

⁶ Cika:ika ati, cisangiye nage ke:nu niciribatira mu cisu:te, mbe eca:ika orurimi nicirema okukora eje cimari.

1 Yoana 1:6 Referans Kwoze

1 Yoana 4:20

Omuunu woonewoone unu kaayika ati keenda Nyamuwanga, keenu ˆnaasoka oweejaabho, ni mubheeyi. Echimenya ati ni mubheeyi, kwa okubha, aakasoka oweejaabho unu kaarora bhuri rusuku, atakutura okwenda Nyamuwanga unu achaariga okubhuganganya ameeso aamwi nage.

1 Yoana 2:4

Omuunu woonewoone unu kaayika ati kaamusombookerwa, nawe atakugayuka ebhiraagiro bhyaye, ni mubheeyi, atakumenya echimari.

1 Yoana 1:10

Araabha echaayika ati chichaari okukora ebhibhiibhi, echibha nichikora Nyamuwanga okubha omubheeyi. Omusango gwaye wone, ogubha gutari‑mo mu‑myoyo jeeswe.

Yowana 8:12

Mbe, Yeesu ˆnaagenderera okubhabhwira ati, “Anye naanye obhweru bhwa echaaro. Omuunu woonewoone unu kaanduubha, atakuribhata mu‑chisuute wuri, tari kaja okubha na obhweru bhunu obhumutangasya okuja mu‑bhuwanga bhwa kajaanende koone.”

Yowana 12:35

Yeesu ˆnaabhabhwira ati, “Obhweru bhuchaari aamwi na emwe kwa omwanya mufuyi era. Mugenderere okuribhata mu‑bhweru bhunu omwanya gunu bhuchaari‑wo, korereki echisuute chaasiga okubhayiga, kwa okubha omuunu unu kaaribhata mu‑chisuute, atakumenya anu kaagenda.

Yakobo 2:14

Abhayiri bhaani mu‑riikirisya, omuunu kaabhona omuriiro ki, akaayika ati, ari na eriikirisya keenu atari na ebhikorwa bhya ekisi? Ni chimari ati eriikirisya ryaye eryo ritakutura okumuchungura.

Yowana 12:46

Anye niijire ku‑chaaro kunu rwa obhweru, korereki bhuri muunu unu kaanyikirisya asige okusigara mu‑chisuute.

1 Yoana 1:3

Echibharaasisya emisango inguru ya Yeesu unu ꞉chaarorere na okumutegeresya, korereki mubhe na obhumwi na eswe mu‑riikirisya. Obhumwi obhwo, chiri nabhwo na Raata Nyamuwanga na Omwana waaye Yeesu Kirisito.

Yowana 11:10

Nawe unu kaaribhata mu‑ngeta, keekuujura, kwa okubha bhutari‑wo obhweru bhwa okumumurikira.”

Yakobo 2:18

Woori omuunu owundi akaayika ati, “Awe, wuri na eriikirisya na anye niri na ebhikorwa bhya ekisi.” Niwo nirimubhwira ati, “Nyeeresya eriikirisya ryawo, rinu ritari na ebhikorwa bhya ekisi. Anye wone nikweresye eriikirisya ryani ku‑njira ya ebhikorwa bhyani bhya ekisi.”

1 Yoana 1:8

Araabha echaayika ati eswe chitari na ebhibhiibhi, echiijiga abheene, wone echimari chitari‑mo mu‑myoyo jeeswe.

Yakobo 2:16

na owumwi weemwe ˆnaamubhwira ati, “Genda na omurembe, ubhire omuriro na okwiguta,” keenu atamuyaaye emyenda amwi ebhiryo, emisango ejo jiri na omuriiro ki?

Matayo 7:22

Orusuku rwa indamu oruuja, na abhaanu bhaafu bharimbwira ati, ‘Raatabhugenyi, Raatabhugenyi! Owichuka ati, ꞉chaasoosiisye obhuragi kw‑isiina ryawo? Ka wone, ꞉chaasoosiisye amasambwa okusooka ku‑bhaanu kw‑isiina ryawo? Nichikora wone ebhiruguusyo bhyafu kw‑isiina ryawo?’

1 Timoteo 4:2

Ameeyigisyo ago ageeyigisibhwa na abheerimaanya na abhabheeyi bhanu emitima jeebhwe jinyamukire chimwi rwa wuti jisingaarisiibhwe mu‑muriro.

Yowana 8:55

Emwe mutakumenya Nyamuwanga, nawe anye enimusombookerwa. Araabha nikaayikire ati nitakumusombookerwa, mbe naakabheeye omubheeyi rwa emwe. Nawe anye enimusombookerwa, ka wone enigayukaga jinu kaayika.