1 Timoteo 6:5 - Indagano Inyaaya mu-Chijita

⁵ ka wone nijo ejinyamura obhungwani siku joone. Abhaanu abho obhwenge bhwebhwe bhunyamukire, bhatari‑mo echimari mu‑myoyo jeebhwe. Abheetogera ati okwikara rwa kutyo Nyamuwanga keenda niyo injira ya okubhona obhuniibhi.

INDAGANO INYA:YA

⁵ no kukarasyanya kwa ba:nu baranyamukire obwenge, banu balaso:sibweko ebye cimari, nibe:ganirisya ati oku:baya Nyamuanga ni kuboneramo muri:ro.

1 Timoteo 6:5 Referans Kwoze

2 Timoteo 3:5

Abhaanu abho anja abhabhonekana ati abheekara rwa kutyo Nyamuwanga keenda, nawe mu‑myoyo jeebhwe abheegaana amanaga ga Nyamuwanga ganu agatura okuyindura jitungwa jeebhwe. Ikenga na abhaanu bha jitungwa ja ejaabho ejo.

2 Petero 2:3

Mu‑kurigira kwebhwe kwa ebhiinu, bharibha nibhabhabhwira jingani ja orubheeyi, korereki bhabhone chinu abheenda okutura kw‑imwe. Nawe okusookerera kara, indamu yeebhwe yeerabhirwe na chimari bharisingaarisibhwa!

Tiito 1:11

Abho abhasingaarisya eriikirisya rya abhaanu mu‑misi myafu. Abheeyigisya emisango jinu jiteeyire, korereki bheebhonere jipirya ku‑njira imbiibhi eyo.

2 Timoteo 3:8

Abheeyigisya bha orubheeyi bhanu, abheengira kwa obhwiro bhwa ebhibhiibhi, abhayingirira echimari. Abhakora rwa kutyo Yaane na Yambure bhaayaajanaga na Muusa. Abhaanu abho obhwenge bhwebhwe bhunyamukire, bharemere okwikirisya Nyamuwanga.

1 Timoteo 6:6

Chimari, okurama rwa kutyo Nyamuwanga keenda okukora omuunu abhe omuniibhi muno, araabha akeeywa na ebhiinu bhinu ari nabhyo.

1 Timoteo 3:3

Asige okubha omukorwa, asige okubha omurwani, tari abhe mworooro, abhe omwendi wa omurembe na asige okubha na inamba imbiibhi ya okubhona jipirya.

Matayo 23:13

“Jiribhabhona emwe abheeyigisya bha ebhiraagiro bhya Muusa na emwe Abhafarisaayo! Emwe muri bheerimaanya, kwa okubha omuyingirira abhaanu okwingira mu‑bhukama bhwa mu‑rwire kwa ameeyigisyo geemwe. Emwe abheene mutakwingira, ka wone mutakwikirisisya abhaanu abhandi bhanu abheenda okwingira. [

Matayo 12:33

“Riiti rya ekisi, eritwasya amatwasyo ga ekisi, na riiti ribhiibhi eritwasya amatwasyo amabhiibhi. Owutura okumenya ati, riiti ni rya mbaga ki ku‑matwasyo ganu eritwasya.

1 Timoteo 1:6

Nawe abheeyigisya bha orubheeyi abho ꞉bhaasigire ejo, bhayindukire, abhaayika emisango jinu jitari na omuriiro.

Obhusweruro 18:3

Gwagwa kwa okubha abhaanu bha amaanga goone ꞉bhaanyweye echifuufu chaagwo, ꞉bhaakorerwe obhurigire bhwafu bhwa obhuromesi bhwagwo, abhakama bha echaaro ꞉bhaakorere obhuromesi nage. Abhakaani bha ebhiinu ku‑chaaro ꞉bhaaniibhire ku‑songa ya ebhibhiibhi bhyaye bhinu bhitari na indengo.”

Yuuda 1:11

Jiribhabhona, kwa okubha bharuubhire orugere rwa Kayini na okukora ebhibhiibhi. Bheeyingisiisye mu‑chikayo, korereki bhabhone ribhona, rwa kutyo Bharaamu ꞉aakorere. Bharisingaarika inguru ya bhunyatagayuka bhwebhwe, rwa kutyo Koora ꞉aasingaarikire inguru ya bhunyatagayuka bhwaye.

2 Petero 2:15

Bhasigire injira ya obhwima, bhabhurire na okuruubha injira ya Bharaamu, omwana wa Bhewori. Omwene ꞉eendere okuramira omuyeero ku‑njira ya okukora ebhibhiibhi.

1 Timoteo 3:8

Abhasakisi bha rikanisa wone, bhabhe na jitungwa ja ekisi, bhasige okubha abhabheeyi, bhasige okubha abhakorwa, bhasige okubha na inamba imbiibhi ya okubhona jipirya.

2 Batesalonika 3:6

Abhayiri bheeswe, echibharagirira kw‑isiina rya Raatabhugenyi Yeesu Kirisito ati, mwikenge na abhayiri bhoone abharenga, bhanu bhatakuruubha ameeyigisyo ganu ꞉chaabhayaaye.

Matayo 21:13

Yeesu ˆnaabhabhwira ati, “Jikaamirwe mu‑Bhikaame Ebhyeru ati, ‘Inju yaani iribha inju ya risabhwa.’ Nawe emwe, muyikorere okubha isenga ya abhasaakusi!”

Obhusweruro 18:13

Ataribha‑wo omuunu wa okugura omudarasiini, ebhinjari, omwotwa, ebhirange amwi obhubhaani, noorwo echifuufu, amafuta ga okuteekera, jisyano jiniiji na obhuro. Ka wone ataribha‑wo omuunu wa okugura jiingʼa, jinaama, jifwaraasi, jimootoka jinu ejikururwa na jifwaraasi, abhagaya na obhurame bhwa abhaanu.

1 Bakorinto 11:16

Nawe araabha omuunu keenda okubhambaara inguru ya emisango ejo, amenye ati eswe chitari na akatungiiywe akandi okukira ako, noorwo mu‑makanisa ga Nyamuwanga katari‑mo akatungiiywe akandi.

1 Timoteo 4:7

Awe usige chimwi jingani ja abhaanu bha kara jinu jitari na obhugajuro bhwonebhwone, nawe wiikomeesye siku joone okwikara rwa kutyo Nyamuwanga keenda.

1 Timoteo 4:8

Jimenyekeene ati, “Okunasya omubhiri okubhona amanaga, kuri‑mo omuriiro mutooto era. Tari, okwikomeesya okwikara rwa kutyo Nyamuwanga keenda, kuri‑mo omuriiro gwa bhuri mbaga, kwa okubha rinu erichiyaana omurago gwa okubhona obhuwanga bhwa woori na bhunu bhuriija.”