1 Timoteo 6:19 - Indagano Inyaaya mu-Chijita

¹⁹ Ku‑njira eyo, bhariibhiikira abheene ebhiinu okubha rwa orufuka rwa ekisi ku‑siku jinu ejiija. Omwanya ogwo niwo bhariramira obhuwanga bhwa echimari.

INDAGANO INYA:YA

¹⁹ Nikwo kutyo abe:bi:kira orufuka rwo bwana kurwa jisiku jinu ejenda oku:ja, bakorereki bagwate obuanga bwe cimari.

1 Timoteo 6:19 Referans Kwoze

1 Timoteo 6:12

Komeera okurwana kisi riremo rya eriikirisya, korereki wiibhonere obhuwanga bhwa akajaanende. Obhuwanga obhwo nibhwo ꞉waabhirikiriiywe. Awe omwene ꞉waasoosiisye obhubhambaasi bhwa echimari imbere ya abhabhambaasi bhaafu.

2 Timoteo 2:19

Nawe abhaanu bhanu bheemereeguuyu bharumateene, bhari rwa orufuka runu ruteeywe‑wo na Nyamuwanga. Orufuka orwo rurumateene ndi. Inguru yaarwo ruri‑ko orunabho runu rukaamirwe ati, “Raatabhugenyi kaamenya abhaanu bhaaye,” ka wone, “Omuunu woonewoone unu kaayika ati, omwene ari rubhaara rwa Raatabhugenyi, asige ebhibhiibhi.”

1 Petero 1:4

Woori echirindirira okwanjura amabhando ganu Nyamuwanga abhiikiiye abhaana bhaaye mu‑rwire. Amabhando ago, gatakutura okubhora, okunyamuka, noorwo okuwotoka.

Ruuka 16:9

Ka wone, enibhabhwira ati, obhuniibhi bhwa echaaro chinu bhuriwaa‑wo. Woori, musakirega abhaanu abhandi ku‑bhuniibhi bhunu muri nabhwo, niwo muribhonera abhasaani. Araabha murikora kutyo, Nyamuwanga aribhakuma mu‑bhwikaro bhwaye bhwa akajaanende koone.

Bafilipi 3:14

Eniikomeesya okubhirima korereki ku‑bhuteero nibhone obhuyigi na okuyaanwa echiyaanwa. Echiyaanwa echo nibhwo obhubhirikisi bhwa Nyamuwanga bhwa okwingira mu‑rwire ku‑njira ya Kirisito Yeesu.

Baefeso 3:17

korereki Kirisito akore obhwikaro bhwaye mu‑myoyo jeemwe ku‑njira ya eriikirisya. Enimusabhwa wone, abhasakire korereki murumatane ndi mu‑ryenda ryaye. Kutyo, eryenda ryaye riribha rwa risina na orufuka rwa obhurame bhwemwe,

Ruuka 18:22

Yeesu ejire oongwa ejo, ˆnaamubhwira ati, “Ugerukiiywe‑wo omusango gumwi era. Genda ugusye ebhiinu bhyone bhinu uri nabhyo. Jipirya jinu uribhona, ugabhire abhataka. Urikora kutyo uribhiikira ebhibhiikwa mu‑rwire. Ukamara uuje unduubhe.”

Ruuka 12:33

Mugusye ebhiinu bhyemwe, jiyera jinu omuja okubhona okuruubhana na ebhiinu ebhyo, muyaane abhataka. Mwibhariirire jisagwa jinu jitakunyamuka, na okwibhiikira ebhibhiikwa mu‑rwire anu bhitakugeruka‑ko. Eyo niwo omwifi atakukinga, korereki eebhe, noorwo amayeenje gatakunyamura.

Matayo 19:21

Yeesu ˆnaamubhwira ati, “Araabha oweenda okubha omuunu unu akuumiiye, genda ugusye ebhiinu bhyone bhinu uri nabhyo, jipirya jinu uribhona, ugabhire abhataka. Urikora kutyo uribhiikira ebhibhiikwa mu‑rwire. Urimara, uuje unduubhe.”

Bagalatia 5:6

Mbe araabha chiri na obhumwi na Kirisito Yeesu, okutendwa amwi okurema okutendwa kutari na obhugajuro bhwonebhwone. Echiinu cha bhusibhusi ni riikirisya ryeswe rinu erikora emirimu mu‑ryenda.

Ruuka 18:2

ˆNaabhabhwira ati, “Aariga ari‑wo omuramusi umwi mu‑musi omurebhe. Omuramusi oyo, aariga atakugayuka Nyamuwanga, noorwo aariga atakuyaana omuunu woonewoone echibharo.

Ruuka 16:25

“Bhurayimu ˆnaamusubhya ati, ‘Mwana waani, ichuka ati omwanya gunu waariga uri ku‑chaaro, awe ꞉waabhwene emisango ja ekisi mu‑bhurame bhwawo, nawe Rajaaro, ꞉aabhwene emisango emibhiibhi mu‑bhurame bhwaye. Woori anu kutya, omwene kaafungʼamibhwa, omwanya ogwo awe wone owunyaasibhwa.

Bafilipi 3:12

Anye nitakwayika ati naakingiiye ejo joone, amwi ati naakumisibhwe, wuri, tari enigenderera okwikomeesya korereki nijibhone ejo. Ejo nijo Kirisito Yeesu ꞉aambirikiriiye nijibhone.

2 Timoteo 1:1

Inyarubha inu, niikaamire anye Pawuro, itumwa ya Kirisito Yeesu mu‑kwenda kwa Nyamuwanga, korereki niraasye omusango gwa obhuwanga. Nyamuwanga ꞉aachiragire ati obhuwanga obhwo obhubhonekana kwa okwikirisya Kirisito Yeesu.