1 Timoteo 6:18 - Indagano Inyaaya mu-Chijita

¹⁸ Ka wone, bhabhwire bhakore ja ekisi, niwo bharibha abhaniibhi mu‑bhikorwa bhya ekisi. Bhabhe bhafura na okusangira ebhiinu bhyebhwe aamwi na abhaanu abhandi.

INDAGANO INYA:YA

¹⁸ Bakorega ebye kisi, babega bani:bi mu bikorwa byo bwana, babega bangu kugaba, no kusangira ebi:nu.

1 Timoteo 6:18 Referans Kwoze

Baeburania 13:16

Mugenderere okusakira abheejaanyu na okusangira aamwi nabho ebhiinu bhinu muri nabhyo, okubha okukora kutyo, nicho echoogo chinu echikondisya Nyamuwanga.

1 Yoana 3:17

Araabha omuunu ari na ebhiinu bhya okumusakira ku‑bhurame bhwa ku‑chaaro anu, ka wone kaamenya ati oweejaabho ari na obhukene, nawe atari na omwoyo gwa echigongo gwa okumusakira, chimari, eryenda rya Nyamuwanga eribha kutiki mu‑mwoyo gwaye?

Barumi 12:8

Omuunu unu ayaaywe echiyaanwa cha okusimbiisya abheejaabho, akore kutyo kisikisi. Omuunu unu ayaaywe echiyaanwa cha obhufura ku‑bhaanu, abhakume kwa omwoyo gwone. Omuunu unu ayaaywe echiyaanwa cha obhutangasya, atangasye mu‑bhwikomeesya bhwone. Omuunu unu ayaaywe echiyaanwa cha echigongo, afwire echigongo abhaanu kwa rikonderwa.

Tiito 3:8

Inyaayika eyo ni ya echimari. Woori enikusabhwa awe ukomeeresye muno inguru ya emisango ejo ku‑bhaanu, korereki abhaanu bhanu abheekirisya Nyamuwanga, bhakabhuke na okukomeera okukora ebhikorwa bhya ekisi. Emisango ejo nijo ja ekisi, ka wone ejireeta omuriiro ku‑bhaanu bhoone.

Tiito 2:14

Omwene ꞉aasoosiisye obhurame bhwaye inguru yeeswe, korereki acheerure okusooka mu‑bhibhiibhi bhyone. ꞉Aacheesiisye, korereki chibhe abhaanu bhaaye omwene, bhanu echiigomba okukora ebhikorwa bhya ekisi.

Ruuka 12:21

Yeesu, ˆnaamariisya kwa okwayika ati, “Nikwo kutyo jiribha, ku‑muunu unu keekumanyisya ebhiinu bhyafu inguru yaaye omwene, nawe obhuniibhi bhwaye bhutari na omuriiro gwonegwone imbere ya Nyamuwanga.”

Bagalatia 6:10

Mbe, bhuri kutyo echibhona omwanya, chikorerega abhaanu bhoone ja ekisi, nawe munomuno abheekirisya abheejaasu.

Barumi 12:13

Musakire abheekirisya abheejaanyu mu‑bhukene bhwebhwe, ka wone mubhe bhaangu okukuma kisi abhagenyi mu‑misi jeemwe.

1 Timoteo 5:10

Abhe omuunu wa jikuma ja ekisi, abhe eeyigisiisye abhaana bhaaye jitungwa ja ekisi, abhe akumire abhagenyi, abhe oosiisye abheeru amaguru, abhe asakiiye abhaanu bhanu bhari mu‑nyaako, ka wone, abhe eekomeesiisye okukora ebhikorwa bhyone bhya ekisi.

2 Bakorinto 8:9

Emwe mumenyere obhwitiriranya bhwa Raatabhugenyi weeswe Yeesu Kirisito. Noorwo kutyo aariga ari muniibhi, nawe ꞉eekorere wuti omutaka ku‑songa yeemwe, korereki okutura ku‑bhutaka bhwaye, emwe mubhe abhaniibhi.

2 Bakorinto 8:12

Araabha omuunu ari na omwoyo gwa okusakira, Nyamuwanga kaaramira bhuri chiinu chinu omuunu kaasoosya okuruubhana na bhinu ari nabhyo. Nyamuwanga atakutonga echiinu chinu omuunu atari nacho.

1 Bakorinto 16:2

Ku‑bhuri rusuku rwa obhwoyo, bhuri muunu agati yeemwe abhiikega echibhiikwa okuruubhana na ribhona ryaye, korereki obhusoroosya bhwasiga okukorekana, omwanya gunu niribhaaja‑ko eyo.

3 Yoana 1:11

Woori, omwendwa waani Gaayo, waasiga okuruubha echijekekanyo echibhiibhi, tari echijekekanyo cha ekisi. Omuunu woonewoone unu kaakora ja ekisi, oyo ni mwana wa Nyamuwanga. Nawe unu kaakora ebhibhiibhi, atakusombookerwa ati Nyamuwanga niga.

Yakobo 2:5

Abhayiri bhaani abheendwa, muntegeresye kisi. Mutakumenya ati Nyamuwanga ꞉aawuuwe abhataka bha ku‑chaaro, bhabhe abhaniibhi mu‑riikirisya, bhanjure obhukama bhunu ꞉aaragire bhanu abhamwenda?

Ebikorwa 9:36

Mu‑musi gwa Yoopa aariga ari‑mo omugasi umwi, omwiyigisibhwa wa Raatabhugenyi Yeesu, risiina ryaye aatogwaga Tabhiija, mu‑nyaayika ya Echiyunaani, risiina rinu ni Dorikaasi. Tabhiija aariga ˆnaasakira abhanare, na okukora ebhikorwa ebhindi bhya ekisi.

1 Petero 3:11

Asige okukora ebhibhiibhi, akore ja ekisi. Ka wone eekomeesye okubha na omurembe aamwi na abheejaabho,

Ebikorwa 11:29

Okuruubhana na obhuragi obhwo, abheeyigisibhwa nibharamura ati, bhuri umwi weebhwe, ku‑bhuturo bhwaye, asoosye obhusakisi ku‑bheekirisya abheejaabho bhanu bhaariga bheekaaye Yuudeya.

Ebikorwa 10:38

Ka wone omumenya ati, Nyamuwanga ꞉aasorere Yeesu wa Najareeti kwa okumuyaana Mwoyo Mweru na obhuturo. Yeesu oyo aagendaga enu na erya, aakoraga ja ekisi na okuwosya bhoone bhanu bhaariga nibhanyaasibhwa na amanaga ga Syetaani, kwa okubha Nyamuwanga aariga ari aamwi nage.

Matayo 5:42

Ka wone, omuunu aakakusabhwa echiinu, muyaane. Omuunu aakakusabhwa ati, umubhaanje waasiga okumwima.

Ruuka 3:11

Omwene ˆnaabhasubhya ati, “Omuunu akabha ari na emyenda ebhiri, agabhire‑ko omuunu unu atari nagwo. Omuunu akabha ari na ebhiryo, wone agabhire‑ko abha omweko.”

Baefeso 4:28

Omwifi asige okugenderera okwibha, nawe akiri afurubhende, akore emirimu ja okwibhusya‑mo kwa amabhoko gaaye, korereki abhone echiinu cha okuyaana‑ko owa obhukene.