1 Timoteo 6:17 - Indagano Inyaaya mu-Chijita

¹⁷ Ukomeeresyega abhaniibhi bha ebhiinu bhya mu‑chaaro munu ati bhasige okwikuuya, noorwo okwiyikanya obhuniibhi bhwebhwe. Obhuniibhi obhwo ni bhwa kasinjeeke era. Tari bheeyikanye Nyamuwanga unu mu‑bhufura bhwaye kaachiyaana ebhiinu bhyone bhinu echikena, korereki chibhikondererwe.

INDAGANO INYA:YA

¹⁷ Ukomeresyega abani:bi ba mu magoro ganu ati, basigega kwikuya, amwi kwiikanya obuni:bi bunu butari bwo kwikara, nawe be:ikanyega Nyamuanga unu kaciyanaga bi:nu byone mu bwira, korereki cibikondererwega.

1 Timoteo 6:17 Referans Kwoze

Ebikorwa 14:17

Nawe, ꞉ataasigire okweresya ebhibharikisyo na obhuturo bhwaye. Aariga ˆnaabhakorera ja ekisi kwa okubhareetera ingʼubha okusooka mu‑rutumba, korereki mubhone ebhigeswa bhya ebhirimwa ku‑mwanya gwabhyo, mwigute na musandabhe mu‑myoyo jeemwe.”

1 Timoteo 4:10

Ogwo nigwo ogukora nichiikomeesya na okukora emirimu ku‑managa goone, kwa okubha, echiiyikanya Nyamuwanga omuwanga. Omwene niwe Omuchungusi wa abhaanu bhoone, chimwichimwi bhanu abhamwikirisya.

Matayo 19:23

Niwo Yeesu ˆnaabhwira abheeyigisibhwa bhaaye ati, “Ni chimari enibhabhwira ati, jiribha bhikomeeye muno omuniibhi okwingira mu‑bhukama bhwa mu‑rwire.

Tiito 2:12

Obhwitiriranya obhwo, obhuchiiyigisya okurema ebhibhiibhi na obhurigire bhwa echaaro, korereki chirame obhurame bhwa okwiyingirira, bhwa obhurengeresi na obhwa okuramya Nyamuwanga ku‑chaaro cha woori chinu.

Bakolosai 3:16

Omusango gwa Kirisito gwikare kwa obhwafu mu‑myoyo jeemwe, keenu nimwiyigisyanya na okukengyanya mu‑bhwengeeso bhwone. Mwimbire Nyamuwanga kwa emyoyo jeemwe na okumusiima, okutura mu‑jabhuri, mu‑nyimbo na jinyimbo ja echinyamwoyo.

Ruuka 19:2

Mu‑musi ogwo, aariga ari‑mo omuniibhi umwi, risiina ryaye ˆnaatogwaga Jaakayo. Jaakayo oyo aariga ari mukuru wa abhatobhesya bha rigooti.

Barumi 11:20

Omusango ogwo ni gwa echimari. Amatabhi ago ꞉gaatemerwe kwa okubha ꞉gateekirisiisye, tari awe urumateene kwa okubha owikirisya. Kurwa ejo, waasiga okwikuuya, tari uubhaye Nyamuwanga.

2 Timoteo 4:10

Okubha Deema ꞉eegombere bhya ku‑chaaro kunu, ˆnaansiga ˆnaabhirimira mu‑musi gwa Tesaroonike. Kireseke ꞉aagendere okukorera Nyamuwanga mu‑mukoowa gwa Garaatiya. Nyabhuriko Tiito ꞉aagendere okumukorera mu‑mukoowa gwa Daramaatiya.

1 Timoteo 6:13

Enikuragirira imbere ya Nyamuwanga unu kaatuura obhuwanga mu‑bhiinu bhyone, na imbere ya Kirisito Yeesu unu ꞉aasoosiisye obhubhambaasi bhwa echimari imbere ya Pootiyo Piraato ati,

1 Timoteo 1:3

Omwanya gunu ꞉neemukire okugenda mu‑mukoowa gwa Makedooniya, ꞉naakusabhirwe ubhe mu‑musi gwa Yefeeso. ꞉Naakusabhirwe ukore kutyo korereki ugonye abhaanu bhanu abheeyigisya ameeyigisyo ga orubheeyi.

1 Batesalonika 1:9

Abhaanu abho abhatonda kutyo ꞉mwachikumire na kutyo ꞉mwasigire okuramya amasusano geemwe, nimuyinduka, nimuramya Nyamuwanga omuwanga na owa echimari.

Baefeso 5:5

Okubha mumenyere chimwi ati, omuunu woonewoone urya unu kaakora obhuromesi, omujabhi woonewoone urya na omwigombi woonewoone urya, ataribha omuri wa omwandu mu‑bhukama bhwa Kirisito na Nyamuwanga. Chimari, omuunu unu keesigombera ebhiinu, niwe kaaramya amasusano.

Ebikorwa 17:25

Niwe kaayaana abhaanu bhoone obhurame, obhuwanga na ebhiinu ebhindi bhyone. Atakukorerwa na amabhoko ga abhaanu, wuti keenda choonechoone.

Ebikorwa 14:27

Atiyookiya awo nibhakofya abheekirisya. Nibhabhatondera joone jinu Nyamuwanga ꞉aakorere okutura ku‑bheene na kutyo ꞉eeguuye orwigi ku‑bhaanu bhanu bhatari Bhayawudi okwikirisya Yeesu.

Mariko 10:24

Abheeyigisibhwa bhaaye nibharuguura inguru ya emisango jaaye. Yeesu ˆnaabhabhwira rindi ati, “Abhaana bhaani, muringire kutyo kukomeeye ku‑bhaanu bhanu abheeyikanya obhuniibhi okwingira mu‑bhukama bhwa Nyamuwanga.

Matayo 27:57

Yejire yaakinga keegoro, ˆnaaja omwiyigisibhwa umwi wa Yeesu unu aariga ˆnaatogwa Jejefu. Jejefu oyo, aariga ari muniibhi okusooka mu‑ruguuyo rwa Arimataaya.

Matayo 6:32

Ebhiinu ebhyo bhyone, nibhyo abhanyamanga abhanyaakirira. Nawe emwe, Esomwana unu ari mu‑rwire, amenyere kisi ati, omukena ebhiinu ebhyo bhyone.

Tiito 3:6

Nyamuwanga ꞉aachiitururiiye Mwoyo Mweru oyo kwa obhwafu, ku‑njira ya Yeesu Kirisito Omuchungusi weeswe.

1 Timoteo 5:21

Enikuragirira imbere ya Nyamuwanga, imbere ya Kirisito Yeesu na imbere ya bhamaraayika abhasorwa ati, ukorega ejo, waasiga okwiwuta okusoosya indamu amwi okubha na isoroore ku‑rubhaara rumwi.

1 Timoteo 3:15

Nawe aribha naakoora, umenye jinu jiiyire abhaana bha Nyamuwanga bhakore. Abhaana abho nibho rikanisa rya Nyamuwanga omuwanga na rikanisa niryo ingʼingi na orufuka rwa echimari.

Matayo 12:32

Ka wone, Nyamuwanga arifwira echigongo abhaanu bhanu abhanyayika kubhiibhi, anye Omwana wa Omuunu. Nawe atarifwira echigongo abhaanu bhanu abhaayika kubhiibhi Mwoyo Mweru, ku‑mwanya gunu, amwi gunu oguuja.

Ruuka 3:11

Omwene ˆnaabhasubhya ati, “Omuunu akabha ari na emyenda ebhiri, agabhire‑ko omuunu unu atari nagwo. Omuunu akabha ari na ebhiryo, wone agabhire‑ko abha omweko.”

1 Timoteo 6:9

Nawe abhaanu bhanu bhari na obhurigire bhwa obhuniibhi, abhagwa mu‑maregeejo, nibhakomwa mu‑tuura na mu‑namba nyafu ja obhutaamutaamu. Obhurigire obhwo obhubhanyamura okukingira bhasingaarisibhwe.

2 Petero 1:11

Kutyo, murikumibhwa kisi mu‑bhukama bhwa akajaanende bhwa Raatabhugenyi na Omuchungusi weeswe Yeesu Kirisito.

Matayo 25:16

“Awoawo, omugaya unu ꞉aayaaywe jitaranta etaanu, ˆnaagenda okukora ebhyasara na okubhona jitaranta ejindi etaanu.